hedabideak
Emakumeen kontua edo oilasko banarena
Arabako euskaltegien gaineko erreportaia ekarri digute Noticias de Alavakoek. Herrialdeko datu interesgarriak eman dizkigute, eta ikasleen profilen estatistikekin egin dute titularrerako jokoa: "El aprendizaje de euskera es cosa de mujer".
Esango nuke ez dutela izenburu egokiena aukeratu. Estatistika eta oilaskoen ipuinarenaz gain, komenientziako argudioak ateratzeko bidea ere izan daitezke horrelakoak.
Euskararen plazerra
Mintzapraktikan ari direnekin ibili dira solasean Berriakoak, eta erreportaia batera bildu dizkiguten ikasle-praktikari horien esanak.
Gasteizen.com: hedabide euskalduna
Euskaraz Gasteizen gertatzen denaren berri emateko sortu da gasteizen.com hau. Ongi etorri bada.
Euskaltegien beldurrak eta titular bi
- La posible pérdida de alumnos no preocupa a los euskaltegis (Diario Vasco)
- Los euskaltegis temen una caída de matrículas por las exenciones a alumnos de modelo D (El Correo)
Bizkaian beldurrez eta Gipuzkoan ez, edo titularretako bat ez da zuzena, edo Vocentoren misterioak.
Komentarioetan betiko saltsak, hori bai.
Diru gutxiago bai
El Instituto para la Euskaldunización y Alfabetización de Adultos (HABE), según ha informado la viceconsejería en un comunicado, "ha puesto todos los medios a su alcance para que las subvenciones destinadas a los euskaltegis se acerquen a las del año pasado".
Jaurlaritzako Hiziuntza Sailburuordeak hedabideetara zabaldu mezu hau. Gobierno vasco destaca el "gran esfuerzo" realizado para "mantener" las subvenciones a los euskaltegis (Europa Press)
Azken egunotako polemikekin izango du lotura honek guztiak seguraski. Baina politikariak enredatzen hasten direnean deigarria izaten da (nork-non-norentzat esan) mezuak zelan egiten diren zabaldu edo estutu. Adibide bat: El aprendizaje de euskera no pierde subvenciones
Dokumentalak euskaraz Argia.com-en
Bi asterik behin euskaraz egindako edo euskaraz azpititulatutako dokumentala eskaindiko digute Argia.com-en. Horrez gain, lizentzia librearekin egindakoak izango dira gehienak.
Berria egunkaria erdi prezioan praktikarientzat
AEK-k eta Berriak akordioa sinatu dute, eta horri esker mintzapraktika programetan ari direnek %50 merkeago izango dute Berria asteburuetan.
Mundura zabaltzen
Helduen euskalduntzearen ekimenek oihartzuna izan dute egunotan hemengo hedabideetan, baina hemendik kanpoko kanal batzuetara ere hedatzen hasi dira.
ETAk kideak euskara ikastera behartuko omen
Euskara ikastearekin nonbaitetik lotutako albistea (albiste kategorian sartzen bada). Ea zenbat sketch okurrente okurritzen zaizkien umore saio batzuetako gidoilari errekurrentei.
Titularrak
Las mujeres toman los euskaltegis para poder recuperar el empleo perdido
20 minutoseko hauek artistak dira titularrak egiten, ezta?
Euskadi Irratia euskaldun berriei hurbildu
Inork ez du makilatxo magikorik. Ikasturte berrian, saiatuko gara irratia euskaldun berriei hurbiltzen. Ea euskara munduan sartzen ari direnak erakar ditzakegun.
Berrian jasotako hitzak: «Irratia euskaldun berriei hurbiltzen saiatuko gara ikasturte berrian»
Periodikua leitzeko erak
Cada formato, en mi caso, me pide un tipo de lectura diferente. La prensa digital me provoca una lectura multimodal que me lleva a participar en las redes sociales difundiendo alguna noticia o con una idea sobre algún tema. La prensa en papel suele ser para mí una lectura más reposada, a la que dedico un tiempo más sereno - sin la prisa de comenzar el trabajo - y más centrado en la reflexión o incluso la introspección. Son prácticas discursivas distintas en las cuales adopto roles diferentes y procedimientos y actitudes de lectura - y de escritura - diferentes.
Prentsa digitala eta paperezkoaren arteko aldea euskarritik harago doala erakutsi digu Trujillok artikulu honetan. Irakaskuntzari begira ere halaxe ikusi beharko genuke orduan.
Leer la prensa (De estranjis)
Konpetentzia berriak
Internet eta teknologiak gauzak eraldatzen ari direna topiko bihurtzekotan dabil. Zer ari dira eraldatzen? Bideo labur honek pista bat ematen digu. Zertarako prestatu behar dugu geure burua?
Etorkin petoak.. eta euskaldunak
Erreportaia polita egin zuten "Bi Errepideak" saioan. Jatorri txinatarreko neska euskaltegian ikasten dabilena, eta Ondarroan butano banatzaile dabilen egipziarra. Euskaldunak biak, duda barik. Euskaltegia eta euskara ikasteaz zertzelada interesgarri batzuk utzi dizkigu Monikak gainera.
Gai erakargarria berriro urruneko etorkin euskaldunena, Ez dakit Korrika 16ren "Ongi Etorri" horrekin interesa indartu egin den.
Postdata saioan adibidez euskararen soinuaz maitemindu zen Shahid pakistandarrari entzun ahal izan genion:
"Euskara ikasi" eitb.com
Atal berezia dauka eitb.com atariak, "Euskara ikasi". Ez dakit honen berririk orain arte inon-inoiz eman den, baina nik orain deskubritu dut.
Zer dago han? Loturak gehien bat, Mihiluzeren "Asko gustatzen zaio" lehiaketa, Euskadi Gaztea eta Euskadi Irratia zuzenean entzuteko modua, Hiru.com-en Ikasten ikastaroa eta baliabide batzuetarako lotura, Jon eta Jone bikotearen pasadizoak, Wazemank eta Noaoa saioen bideoak, Subijana eta Igor Zalakainen errezetak... Eta horrez gain Euskaltzaindiaren arauen banner bat eta gomendatutako esteken zerrenda bat (nahikoa urria oraingoz).
Ez da aparteko lan didaktikoa egin, eta ez dakit zer asmorekin egin den ere (aurkezpenik egingo da?), baina lagungarria izan daiteke ikasteko abiagunea (PLE?) egiteko saio hau.
Bestalde, atariaren bilaketetan, behin bilaketa agindu ostea, aukera ematen da emaitzak irizpide batzuen arabera iragazteko: argazkiak, bideoak, audioak, albisteak, kultura, telebista... Aukera horien artean azkenak "Euskara ikasi" du izena. Proba batzuk egin ditut baina galbahe hori pasatuta ez dut emaitzarik lortu bilaketa batean ere. Ez dakit zeren araberako bilaketak egingo diren horrela, baina ideiaren bat dabil txoritxuaren kabian dirudienez.
Azken iruzkinak