azterketak
Azterketa egiteko aholku erradikalak
Lehenik eta behin, jakin ezazu aztertzaileei bost axola zaiela zure iritzia. Demagun Kakatuaren ugalketa duzula idazgai eta aztertzaileek iritzia eskatu dizutela. Hori eskatu dute, bai, baina benetan ez zaie piperrik ere inporta. Soilik jakin nahi dute ea iritzi bat idatziz azaltzeko gai zaren ala ez. Iritzia zurea edo Maria Sortzez Garbiarena den, bost. Komeni da hori argi edukitzea, batik bat, gai zehatz bati buruz zer esan ez badakizu. Pentsa ezazu zer esango ote luketen zure gurasoek, bikotekideak, Basagoitik, edo Aita Santuak berak.
Erradikalak (Berria)
HABEren plan estrategikoaren lorratzen atzetik
HABEren plan estrategikoa egin zenean argi eta garbi ikusi zen euskaltegiei eskumen gehiago emateko beharra.
Lehengo albistea erdaraz jaso genuen hedabide batean, eta orain Lurdes Auzmendik bere blogean azaldu dizkigu euskaraz aurtengo azterketen nondik norakoak.
Azalpen ona, eta bitartean, erdian berriro HABEren plan estrategikoaren aipamen bat, han eta hemen agertzen dira haren zantzuak eta lorratzak, agian egun batean manifestatuko zaigu osorik nonbait.
Gai gehiago EGAn
Mesedez, nik eskatuko nieke horrelako probak prestatzen dituztenei, adin ezberdinetakoak egongo garela eta ikasketa-maila guztietakook egingo dugula, kontuan har dezatela. Eta gai bati buruz ez badaukagu ezagutza nahikoak, lagun diezagutela, edo ¿akaso haiek jainkoak dira eta badakite edozein gairi buruz??
Ostiralean agertu zen EGA azterketa, Cantabriako erdaldun baten ikuspegitik artikulua Sustatun. Segurutik oporren nirvanan egon gara asko eta gaur arte ez dugu ikusi.
Bide batez, Cantrabriako erdaldunak erdalduna izateko euskaraz ez du gutxi idatzi, e!
Euskaltegi sare batzuk mailako probak direla eta
Euskaltegi homologatu batzuetako ordezkariek idazkia zabaldu dute, hor HABEren mailak egiaztatzeko proben 2012ko ebazpenaz eta ikasleentzako diru-laguntzen murrizketaz. euren iritzia eta kezkak plazaratu dituzte.
HABE: aurtengo proben ebazpena argitaratuta
Atzo argitaratu zen EAEko buletin ofizialean aurtengo probak arautuko dituen ebazpena (pdf).
Hainbat zurrumurru eta filtrazio ibili dira azkenotan eta berandutxo dator ebazpen hau, bi asteko epea baitago probetara aurkeztu ahal izateko ikasleen maila euskaltegian egiaztatzeko. Bestalde, lehendik bala-bala ibili den bezala, ebazpenak konfirmatu du entzumena eta irakurmenaren proben emaitzak euskaltegian emandakoak izango direla eta proban ez direla trebetasun horiek neurtuko.
* Goian jarri dudan lotura HABEren webgunekoa da, honen berri ematen duen albistea hain zuzen ere, baina neuri behintzat zuri agertzen zait nabigatzailean.
Ulermena eta irakurmena euskaltegian zertifikatuko dira aurten
Bala-bala ibili da kontua azken asteotan -sugetzar baten antzera esango nuke- eta konfirmatu ez baina albistea hedabideetan agertzen hasi dela dirudi.
HABEren mailakako probetan euskaltegiek "protagonismo" handiagoa hartuko bide dute, eta entzutezkoaren ulermenaren eta irakurmenaren maila euskaltegiek eurek zertifikatuko dute eta proba ofizialetik kenduko dira proba horiek. Martxoaren erdi alderako zertifikatu beharko dira maila horiek Noticias de Alavak dioenaren arabera.
Ebazpena ez da agertu oraindik buletin ofizialean, eta HABEk berak ere ez du honen berririk eman.
ai, ai, ai EGAko azterketan GAI
Gasteizko AEK-koek bideo hau dedikatu diete gai eta ez gai guztiei.
Herritarren euskara maila egiaztatzea
Dudarik gabe, Jaurlaritzak orain planteatzen duen egiaztatze sistemak ez ditu irizpide horiek betetzen, eta ez du batere berme teknikorik. Talka egiten du, bete-betean ebaluaziorako oinarri zientifiko guztiekin. Ez dago bidezidorrik; ez da onartzekoa euskaldunen euskara maila dekretuz neurtzea.
Euskara maila irakaskuntza sistemetik zuzenean egiaztatzeaz ari da 'Dekretuz euskalduntzea' ez da euskalduntzea artikuluan (Berria).
Azterketaren zainketan
Hizkuntza azterketak pasaraztea, pasatzea bezala funtsean, ez da lanik erakargarrienen artean kokatzen, enetako bederen. Hizkuntza euskara izateak eta sail horietan diharduten jendeak molde arruntean baino inplikatuagoak izateak ez du lana errazagoa bihurtzen, faktore anitz nahasten direlako, hala nola afektoaren mailakoak. Ahatik horrek guziak ez lioke funtsik kendu behar.
Kaltetuak
Pero los siguientes damnificados son todos los que han obtenido un certificado de euskera en una prueba externa homologada y auditada, se han esforzado en mejorar su lengua y han trabajado para ello. Vendrá un alumno o alumna del modelo B o D, que puede que hable euskera como un entrenador de fulbol balcánico el español, y se quedará con la plaza de la administración vasca.
Euskara agiriak ikasketekin homologatzearen inguruan bere iritzia eman du Josu Sierrak: SE CONSUMA EL DESPROPÓSITO: QUIEN ESTUDIE EN EUSKERA PUEDE SER FUNCIONARIO SIN ACREDITAR SU NIVEL (Josusierraren bloga)
Paper zati baten bila
Ez dezagun geure burua engainatu, horretara etorri zaizkigu ikasleak, ehuneko ikaragarri handi bat bai, behintzat. Paper zati baten bila, lana lortzen edo lagunduko omen diena. Perfildunez bete EAE, irlandarizaioaren bidean: independentzia barik eta hizkuntza ere maila-probetan galduta.
"Indarrak lagun diezazuela!" (Kalamuatik Txargainera)
B1 mailako idazlan eredua
Pilar Montoyak B1 mailako (HABEren 1. maila) idazlan eredu bat prestatu sorta bildu du ikasle baten eskariari erantzunez. Bere ikasleen lanekin osatu du bilduma.
140, zenbaki ezaguna
Honako hau dioenean:
«Azterketariari egoera bat emango zaio testuinguru jakin batean, eta gutxienez 140 hitzeko testu bat ala 100 inguruko bi testu idatzi beharko ditu. ...».
Honela esan behar du:
«Azterketariari egoera bat emango zaio testuinguru jakin batean, eta gutxienez 200 hitzeko testu bat ala 150 inguruko bi testu idatzi beharko ditu. ...».
HABEren aurtengo azterketak arautzen duen ebazpenean errorea egon da, eta gaur eman dute zuzenketaren berri. 2. mailako azterketan 200 hitz idatzi behar dira, ez 140.
Errorearen iturrian egon den 140 hori ezaguna da, ezta? @habe batean pentsatzen ote dabil baten bat?
HABEren azterketen datak
HABEk 1., 2., 3. eta 4. mailako azterketetarako datak jakinarazi ditu, 2011ko bi deialdienak.
Azterketak euskaltegietan
Teniendo en cuenta que hoy todos los euskaltegis tienen suficientemente probada su profesionalidad, y que el nivel de madurez que han alcanzado nos da toda la seguridad necesaria, ¿por qué tienen que pasar sus alumnos una especie de reválida externa? Nos parece más racional que sea el propio euskaltegi el que se ocupe de la evaluación y la titulación
Euskara agiriak ematen dituzten erakundeen kopurua murriztu ez ezik, HABEren azterketak euskaltegietan bertan egitearen aldeko agertu da Eusko Jaurlaritzako Lurdes Auzmendi Diario Vascoren albiste honetan: El Gobierno Vasco quiere reducir el número de certificados de euskera
Azken iruzkinak