hea
EH Bildu: doakotasuna
Helduen euskalduntze alfabetatze sektorearen finantziazio iraunkorra bermatu eta euskara ikasteko doakotasuna eta sektoreko agente guztien arteko osagarritasuna sendotu.
Bai, hauteskudeak datoz laster sartaldeko lurraldeetara, eta gureari dagokionez alderdiek zer agintzen diguten hasiko gara errepasatzen.
Agerpen ordenan hastearren, euren euskararekiko programa mintzagai publikoa izan baita, EH Bilduk zer asmo duen ekarriko dugu. Funtsean goiko horiek hemendik hartuta.
Iparraldeko lehen gaueskolak 30 urte
1980an eratu zen Donibane Lohizune - Ziburuko gau eskola. Lapurdin eta Ipar Euskal Herri guztian lehehengoa, Koldo Ameztoi ipuin kontalari ezaguna izan zen lehehengo irakaslea gainera. Igande honetan, urriak 31 egingo da ospakizuna.
Via Argia
Erroko erronkak
HABE-k eta euskaltegiek erronka garrantzitsuak dituzte aurrera begira ere: finantziazio sistema hobetu, curriculuma osatu, azterketak kudeatu, ikas-materiala sortu, teknologia berriak irakaskuntzan txertatu, komunikabideekin elkarlana areagotu, eta irakaskuntza prozesua ebaluatzea, besteak beste.
Geroak erranen....
Helduen Euskalduntzearen 2010-2011 ikasturtea inauguratu du Eusko Jaurlaritzak (erabili.com)
Juan Jose Zearreta euskaltzain urgazlea hil da
Auto-istripu batek eroan digu Juan Jose Zearreta gaur. Euskaltzain urgazlea eta Euskaltzaindiko kudeatzailea azkenotan, baina euskalduntze-alfabetatzearekin lotura handia izan zuen hastapenetako garaian.
Lehen Urratsak, Euskalduntzen eta Alfabetatzen liburu sortetan jardun zuen besteak beste, eta Euskaltzaindiaren babesean AEKren sortzaileetako bat izan zen.
Gogoan izan dezagun, eta gure doluminak familiari, lagunei eta lankideei.
Via: Filoblogia.
Euskafea: Nafarroan helduen euskalduntzea sustatzeko
Euskara ikastera animatzeko Nafarroako udal euskara-zerbitzu batzuek Juan Valdes bat ipini dute kafea banatzen, asto eta guzti.
Ikastolak, Hezkuntza sailburua eta publikotasuna
Erramun Osak, HPS utzi eta blogari ekin dio berriro. Hezkuntza sailburua eta ikastolen jaiak direla eta, gogoeta egin du gobernu honen asmoez. Sare publikoen alde jokatuko bide du. HEAn berdin jokatuko du?
Euskaltegiak hezkuntza-sistemara?
Kanpotik etorritako pertsona heldu batek hemengo bi hizkuntzatan alfabetatu nahi izango balu, gaztelania ikasteko hezkuntza sistemara jotzea luke, euskara ikasteko, ordea, oraindik ere gau-eskola kutsua duen euskaltegi batera jo beharko.
Euskara Irakasleak-en talde bat sortu da Helduen Euskalduntzea Hezkuntza sisteman sartzea eskatzeko. Foro horretako Zergatik Kultura eta ez Hezkuntza? mezuan irakurri ditugu hitzok.
Euskara ikaslearen txartela
Irungo Udalak sortu du, euskara ikasten dutenek informazio berezitua eta prezio merkeagoak izango dituzte euskarazko produktu, zerbitzu eta aktibitateetan.
Txartelaren ideia hau ez da berria, Donostian duela urte batzuk jarri zen martxan.
EAEko eta Nafarroako administrazioen artean akordioa.
Euskara sustatzeko akordioa sinatu dute. Helduen euskalduntze eta alfabetatzean jarduerak koordinatzea dago barruan.
Euskalduntzea eta plangintza
Inor ez da arduratu helduen euskalduntzearen benetako hizkuntza plangintza egiten
Administrazioa Euskaraz aldizkariaren 62. zenbakian argitaratutako elkarrizketaren izenburua (PDF, 7. orr.)
Ikusten duzuenez, Administrazio Euskaraz aldizkarian badugu zer irakurri hil honetan (eta beti).
Historia eta geroa
Batzuentzat dagoeneko historia diren antzinako gau eskolak, ikastolen hasierako ezkutuko lanak, Euskaltzaindia, euskaltegiak, D eredua... euskararen aldeko apustuak izan ziren eta emaitza ona eman dute. Baina ez da nahikoa, eta ez gaitezen erlaxatu.
HABE: 25 urteurrenaren logoa-leloa
Honez gero jakingo duzue laster datozela HABEren 25 urteurrenaren ospakizunak.Ikasbilen eta HABEren webgunean logo hau aurkitu dugu, eta barruan "Nik bai, eta guk, zuek, haiek" irakurtzen da.
HEAren garrantziaz
Euskalduntze-alfabetatzeari dagokionez ere, une batzuetan ahul ibili da; adin nagusikoen euskalduntzeari ez zaio behar besteko garrantzirik eman. Azkenaldi honetan, dena den, berrindartu den esparrua da. 25 urte hauetan eskolatik zetozen gazteengan utzi da euskalduntzearen zama eta hor huts egin da. Irakaskuntzaren parez pare beste espazio batzuk ere euskaldundu behar ziren eta hor atzera gabiltza eta indar gutxirekin.
HEAren lana
Urte hauetan guztietan, herri-mugimenduak egin duen lan eskerga ongi islatzen da datuotan. Ezagutzari dagokionez, Helduen Euskalduntze Alfabetatzearen lanez eta Hezkuntza Sistemaren bitartez azken 15 urteotan lortutakoa oso agerikoa da.
Helduen euskalduntzea eta erabilera
Aurrekoak gogoan, euskerearen indarbarritzea hiru faktorek baldintzatuko dabe, hein handi batean: bat, etorkinen integrazinoa ahalbidetzeko politikek euskerea ezagutzea be kontuan hartu eta bideratuko daben; bi, zahartzarora ailegatzen ari diran biztanleen ongizateari eusteko ez eze, ekonomia-katea mantentzeko be
(hau da, sistema produktiboan belaunaldiak ordezteko asmoz),
jaiotze-tasa era esanguratsuan hazteko politikak areagotuko diran; hiru, persona helduen euskalduntzea areagotuko dan, hartarako erabileran eraginez.
Euskerearen indarbarritzea moteltzen ari da? (Izioqui dugu... guec ajutu ez dugu)
Txerrak eman zigun honen berri Karrajuan. Mersi!
Azken iruzkinak