teknologia
Bloom-en taxonomia eta era digitala
Jolausen gogoeta interesgarria eredu teknologikoetan aplikatzen ari diren eredu pedagogikoen gainean.
Apunteak hartzeko era berriak
Produktibitate pertsonala idazgai duen Think Wasabi blogean ikaslearentzako gomendio eta aholku batzuk jarri dituzte, teknologia berriak nola erabili eskola tradizional batean: apunteak sarean gorde zuzenean, arbelari argazkiak egin... Gaur egun erraza da egia esanda.
Diglosia digitala
Hizkuntza bat erabilera eta erregistro aldaera guztietan erabiltzea da hizkuntza-normalizaziorako prozesuaren xedea. Pentsa dezakegu gaur egun "diglosia digitaleko" egoera bat gertatzen ari dela maila globalean: ama-hizkuntzak erabiltzen dira zuzeneko komunikaziorako, eta ingelesa erabiltzen da komunikazio digitalerako.
Digitalizazioaz
Everything that can become digital, will rapidly become digital
(Digitalizatu daitekeen guztia berehala digitalizatuko da).
Hizkuntza, hezkuntza, berrikuntza, irakaskuntza eta gainerako kuntza guztien inguruko jardunaldiak mundu guztian egiten dira, baita artikoaren bazterretan ere. Sápmiko Levi hirian hain zuzen CCN Arctic Think Thank egin da egunotan. Eta hantxe ibili da Teemu Arina oharrak hartzen: Tools for Learning: Trends and Implications to Language Education
Matxin: euskararentzat itzulpen automatikoa garatzen
Elekakoek Sustatu eman digute Matxin itzulpen automatikorako sistemaren hobekuntzaren berri. Dagoeneko sistema erabilgarri dago opentrad gunean. Gaztelaniatik euskara eta euskaratik gaztelaniara egin daitezke itzulpenak.
Gogoratu prototipo fasean dagoela oraindik (hala ohartarazten du opentrad-ek), eta itzulpen xelebreak ere topa daitezke. Adibidez:
- "Etorri hona" > "Ven aquí majo (al futbolista)"
- "Aitak amari gona gorria ekarri" > "A su madre falda rojo aportar su padre"
- "¿Como se dice?" > "Esaten da". Baina zorrotza da, "Como" horretan azentua falta da eta "Cómo" jarrita espero den "Nola esaten da?" ematen digu.
- "Estoy aprendiendo euskera" > "Euskara ikastean ari izan naiz"
Kontuak kontu, pozgarria horrelakoetan aurrerapausoak ematea, eta ematen jarraitzea.
Testuen bideo-zuzenketa
Beak, kontinentean dugun kontaktuak 
, jarri gaitu jakitun. Frantziako telebista-albistegi honetan testuak eta azterketak bideoaren bidez zuzentzen dituen hizkuntza-irakasle ingeles baten berri eman dute. Russell Stannan du izen-abizen eta webgune. Eta zer egiten du Russell honek? Erraza:
- Ikaslearen testua testu prozesadore batez zabaldu ordenagailuan.
- Screencast edo pantailan geratzen dena bideoan grabatzeko programa bat (Camtasia kasu honetan) martxan jarri.
- Zuzenketa egin eta komentatu, mikrofonoa ere zabalik dagoela
- Amaitu ondoren, bideoa gorde eta ikasleari bidali
Betiko zuzenketa da, baina formatu berri honetan ikasleak pozik dabiltzala dio Stannanek. Proba egin beharko litzateke. Stannanek dio irakasleari ez dakarkiola ahalegin estrarik gainera. Hala den konprobatzen inor animatuko?
Baten bat ezagutzen dut zuzenketaren tortura arintzearren gustura probatuko lukeena.
Hemen daukazue lagin bat.
Komunikatzeko eren eraldaketa
Guk orduak egin ditzakegun bitartean telefonoz hitz egiten, gazteak gai dira di-da esaldi laburretan komunikatzeko. Guk hierarkiaren kanalak darabiltzagun bitartean, lantokian adibidez, gazteek zuzenean jotzen dute arduradun nagusiagana, behar izanez gero, mezu bat bidalita.
Ordenagailua klasera?
Gainera, ordenagailua tresna bat izanik, garrantzitsuena ez da ordenagailuak geletara eramatea, baizik eta prozedura eta bideak ezartzea tresna horretaz egoki baliatzeko, eta probetxugarria izatea ikasleek ikas dezaten.
'Eskola 2.0': okerreko bidetik (Berria)
Industria?
EAE hizkuntzen industrian Europan erreferentzia izateko ekimen honen berri irakurri dut Ikasbilen. Enpresa eta erakunde ezagunak bertan, euskararen mundukoak.
Eta gu hizkuntzaren industria horren parte gara? "Industria" gara.
Spreeder: Bizkorrago irakurtzen trebatzeko
Gauza asko irakurri behar dugunoi komenigarria zaigu bizkor eta seguru irakurtzen trebatzea. Spreeder hau sinplea baina lagungarria izan liteke.
Testua jarri, nahi duzun hizkuntzan, eta hitzak banan-banan pasatuko dizkizu zehazten duzun abiaduran eta tamainan.
Egunero hamabost minututxo honekin eta giharr-masan igarriko dugu. Eta hizkuntza ikasten ari denarentzat ere ez da kalterako izango, ezta? Ebaluatzeko baino ez bada ere.
Via wwwhat's new.
Moodle-en bloga erabiltzeko ideia
Moodle plataformak eskaintzen duen bloga apur bat berezia da ohiko blogen aldean. Hala konturatu zen Felipe Zayas, eta hartara egokitzen saiatu da bere klasean.
Hizkuntza txikien galeraz
Eremu urriko hizkuntzak, edo erregionalak deituak, edo indigenak, edo ondarezkoak, azken finean, arriskuan dauden hizkuntzak, estatu subirau bateko gutxiengo batek hitz egiten dituen hizkuntzak dira. Hizkuntza hauek galduko balira, mundu zabaleko jakinduria, kultura eta bizimoduen galera neurrigabea litzateke
Lander Arbelaitzek ekarri dizkigu hitzok Argia.com-era. Eta berak ohartarazi duen moduan esanak baino esalea da deigarriagoa.
Google Translator Toolkit tresnaren aurkezpenaren harira mezu honetakoak itzuli ditu Landerrek: Google Translator Toolkit and minority languages.
Via: Argia.com
Tesseract-OCRopus: testuak eskaneatzeko tresna euskaraz
Eusko Jaurlaritzaren eusarazko software-aren bilduman tresna berria gehitu dute: Tesseract-OCRopus. OCR programa bat da, irudi fitxategiak eskaneatu, testua bilatu eta testu formatuko fitxategira ekartzen du. Sinplea eta software librea ei da, Linux eta Windows-erako.
Seguruenik gremio honetan urtetxoak egin dituzuen askok hainbat altxor (materialak, testuak, ariketak...) bildu dituzue paper-fotokopietan edo eskanetatutako irudietan urteetan, euskarri garbiago baten gorde, edo berregokitu eta txukundu nahi zenituzketenak. Hor duzue tresna lagungarria beraz.
Ebangelistak, mekanografoak, arrantzaleak eta...
Irakaskuntzara aldaketa garaia iritsi da eta, beste esparruetan gertatzen den bezala, bere egoa elikatu besterik nahi ez duten “ebangelista” ugari leku guztietatik agertzen ari zaizkigu. Aspalditik edo behin ere gela bat zapaldu ez duten “sasi pedagogo”, IKT mundua mekanografiarekin nahasten duten “adituak”, sarean lan egitea arrantzaleen lanarekin identifikatzen dutenak, informazioaren trataera Google-en bilaketa aurreratuetara mugatzen dutenak… gure mundu honetara iritsi dira zer egin behar dugun eta nola egin behar dugun esatera. Hori bai, esaten dutena lortzeko, oraindik ez diet inongo proposamen zehatzik behien ere entzun.
Desengainatuta nagoelako (IKTeroak).
- « lehenengoa
- ‹ aurrekoa
- …
- 3
- 4
- 5
- 6
- 7
- 8
- 9
- 10
- 11
- …
- hurrengoa ›
- azkena »
Bilatu
Harpidetu
Azken iruzkinak