zuzenketa
Euskarazko sintaxiaren tratamendu automatikoa
Bertol Arrietaren tesiaren berri eman digute Ixa taldekoek Hizkuntza teknologia blogean. Testuen zuzenketa automatikoa sintaxira ere zabaltzeko ikerketan jardun du Arrietak, ikasketa automatikoa izan du langai nagusietako bat, makinari berari ikasteko gaitasuna ematea nonbait.
Kontzeptu interesgarria, hezur-haragizko makinak baino bizkorragoak izango ote dira makina mekaniko-elektronikoak?
Zuzentzailearen begia
Bi pertsonaren begien mogimenduak jarraitu dituzte testu bat zuzentzen ari direla, bata zuzentzaile profesionala, bestea komunikazioan aditua. Begien bidea jaso eta konparatu egin dute.
Nire frantsesak ez du askorako ematen, baina irudiek soilik asko esaten dutela iruditu zait.
Filoblogiaren loturetan ikusita Addenda & Corrigenda blogean topatu dugu erreferentzia.
Testuen bideo-zuzenketa
Beak, kontinentean dugun kontaktuak 
, jarri gaitu jakitun. Frantziako telebista-albistegi honetan testuak eta azterketak bideoaren bidez zuzentzen dituen hizkuntza-irakasle ingeles baten berri eman dute. Russell Stannan du izen-abizen eta webgune. Eta zer egiten du Russell honek? Erraza:
- Ikaslearen testua testu prozesadore batez zabaldu ordenagailuan.
- Screencast edo pantailan geratzen dena bideoan grabatzeko programa bat (Camtasia kasu honetan) martxan jarri.
- Zuzenketa egin eta komentatu, mikrofonoa ere zabalik dagoela
- Amaitu ondoren, bideoa gorde eta ikasleari bidali
Betiko zuzenketa da, baina formatu berri honetan ikasleak pozik dabiltzala dio Stannanek. Proba egin beharko litzateke. Stannanek dio irakasleari ez dakarkiola ahalegin estrarik gainera. Hala den konprobatzen inor animatuko?
Baten bat ezagutzen dut zuzenketaren tortura arintzearren gustura probatuko lukeena.
Hemen daukazue lagin bat.
Labezomorroaren akatsa
Xinple-xinple esatearren, akatsak kentzen dihardugun arren, nekez dago munduan akatsik gabeko testurik. Zergatik? Zuzentzaileok gizakiak eta, horren ondorioz, inperfektoak garelako. Baina, halaber, akatsak izaki bizidunak direlako, testuetan bizi diren labezomorroak direlako, eta barka diezadaten zomorroek.
Martinezena blogean itzulpena eta laburpena egin digute Pobletek La Linterna del Traductor (pdf. 4,5 mb. 12. orr.) aldizkarian argitaradu duen artikulutik: La corrección de textos: qué es y para qué sirve (I).
Zuzentzailearen lanaz ari da Poblet, gogoeta interesgarriak hizkuntz-irakasle lanari aplikatzeko asko. Baina zomorroak gora eta zomorroak behera hasita ni honekin geratuko naiz gaur
Zuzentzaileen eguna ehizan
Espainiako zuzentzaileen elkarteak Zuzentzailearen eguna ospatuko du datorren asteartean, urriak 27. Eta ospakizunen karietara erroreen ehiza antolatu dute, argazki kamara aldean abiatu eta pieza faltan ez dira itzuliko seguruenik.
Hona etorri beharko lukete, hemen ehizarako debekualdirik ez eta urte guztian harrapatzen ditugu piezak.
Gainetik irakurrita
Klikatu gainean hobeto ikusteko.
Itzulpena:
Bidali didazun idazlanaren zirriborroa onartezina da.
Idazkera negargarria da!
Adibidez, begira esaldi honi! Ez dago...
Tira! Orain berriro irakurrita, ez dago hain txarto.
Hurrengoan saia zaitez ona izaten nik gainetik irakurtzen dudan lehenengo aldian.
PHD comics, unibertsitate munduari buruzko komiki zinta.
EFL | 2.0ren bidez ezagutua.
Bilatu
Harpidetu
Azken iruzkinak