klaserako
Euskara eta natura, blog interesgarria
Euskara Irakasleak sarean gomendatu digute bloga, eta naturarekin lotura duten gaietan artikulu asko eta interesgarriak ditugu bertan.
Ipuin (grabatuen) lehiaketa
Euskara ikasle eta mintzakideentzako ipuin lehiaketa berezia antolatu du Altsasuko Kima elkarteak. Mailen arabera bi kategoria daude sariketan, baina horiekin batera hirugarren bat, ipuin grabatuena, hau da, ahoz kontatutako ipuinen grabazioak aurkeztu daitezke kategoria horretan.
Ideia originala eta interesgarria duda barik.
Korrika16: atazak eta materialak
AEK-koek Korrika 16rako prestatu dituzten materialak Korrika.org webgunean jarri dituzte eskuragai.
Ongi Etorri kantua eta Bidaia intimoak filmaren trailerra blip.tv-n dituzue ikusgai eta deskargagai (1 eta 2). Enpin, norberaren parrokian ez dute inor beatifikatzen, ezta haren predikua entzun ere.
Eztabaida torneoa
Galiziatik dator ideia hau. Eztabaidazaleak ei gara euskaldunok, apustu eta lehiazaleak ere bai. Zelan ez zaio inori horrelakorik okurritu oraindik? Klaserako beste ideia bat edozelan ere.
Hitz-jasa klaserako
Formacion Eletik jarraitzen dute klaserako ideia sinple baina baliagarriak eskaintzen. Hemen bat hiztegia lantzeko, Krisiarekin lotua, baina intereseko edozein gairekin erabiltzekoa.
Hemen gurean inork ez du inoiz eduki horrelako ideia sinpleren bat besteokin konpartitzeko?
Egunkaria klasean erabiltzeko ideien eta materialen bilduma
Cuaderno Intercultural blogaren beste bilduma bat. Oraingo honetan egunkariaren erabilera didaktikoa hartu dute gai.
Vladi's podcast: entzungaien bilduma
Dingilizka21en bidez podcast hau aurkitu dugu. Euskara ikasteko entzungaien bilduma dirudi. irudiekin apainduta.
Hemen daukazue bat:
Lanerako idazkiak: bertsio digitala
Donostiako Euskararen Udal Patronatuak jarraitzen du material baliagarriak plazartzen, oraingoan atondu du idaztereduen bilduma hau merkatarien artean banatzeko. Erabilgarria izan daiteke gure eskola eta jardunetan ere.
Edukiak ezkerreko menuari jarraituta kontsultatu daitezke, bestela, pdf batean ere jaitsi daiteke (1.5 mb).
Dingilizka 21en bidez.
Erdaratu.eu: euskaratik gaztelaniarako itzultzaile automatikoa
Sinplea eta dena ez digu txukun itzuliko, baina proiektu libre honek beste aukera bat ematen dio euskara ikasten duenari, adibidez.
Euren hitzetan:
Testu baten esanahi orokorrari buruzko ideia bat egiteko balio dezake (baldin eta sistemak hitz ezezagun gehiegi aurkitzen ez badu testuan). Horregatik, erabilgarria izan daiteke:
- Euskara ikasten ari diren pertsonentzat, testuari zertaz ari den antzemateko, zehazki aztertu baino lehen.
- Euskaraz ez dakitenentzat, nahi izanez gero euskarazko komunikabideen albisteak ulertu ahal izateko.
Azpidazki berrituta
EHUk aspaldian dauka atari hau antolatuta euskara landu eta ikasteko baliabideekin. Berrikuntza egin dute Emun, Goisolutions eta Di-daren laguntzarekin eta baliabide eta zerbitzu berriak ditu orain.
Aipamenak
Aipamenak han eta hemen bilatze honek ez dizue klaserako ideiaren bat ematen?
Gaurko hitza: Eusklajakintzaren ekimen berria
Euskaljakintzak adar berria ipini du martxan, Gaurko hitza. Blog batean egunero hitz berria agertuko da.
Asmoa ohiko hiztegitik hara dauden hitzak ezagutaraztea da. Hamabostean behin ariketa batzuk plazaratuko dira gainera. Euskaljakintzaren blogean duzue azalpena.
Maite isilik, baina ekinean dabilkigu beti.
Gaztelaniaz ere badago halakoren bat.
Mintzamena lantzen dadoekin
Formacion ELEn plazaratutako beste ideia bat. Dado batekin mintzamena lantzekoa orain.
Euskal kantutegi onomatopeikoa
Bilbo Hiria Irratiko saio honetan euskarazko onomatopeiak kantuetan zelan agertu diren jorratu dute. Badakizue, "nola egiten du oilarrak euskaraz?".
Itzulpena eta "erretrobertsioa"
Formacion ELEn teknika interesgarria proposatzen dute itzulpenetik hasita. Testua behin itzuli eta itzulitakoa atzera itzuli.
Azken iruzkinak