Bilatu baino aurkitu egiten dugu (rss-a badakizu) eta kontu hau ez da hutsala, nire ikasteko era aldatu egin baitu eta etengabeko prestakuntza bideratu. Hori ere esan egin behar zaie ikasle zein irakasleei, norberaren adibidea jarrita. Baina ideia zehatzagoak nahi badira hona boteprontoan sortutako batzuk (zertzeladaka eta ordena barik emango ditut, barkatuko didazue):

Aipamenak erabilita sor litezkeen ariketak:

• Zirriborro-orria lantzen: ideia jasa.
• Guk ere badakigu ariketak sortzen: idazmeneko eginkizun orria prestatzen (ikasleek berek egiteko ariketa).
• Tesiaren formulazioa.
• Mintza-akuiluak: iritzi collageak.
• Autoritate argudiaketaren lanketa.
• Kontra-argudiaketaren lanketa.
• Diktoglosia.
• Nola parafraseatu esaldi hau.
• Berridazketak /itzulpenak.
• Ulermena: hitz ezezagunaren esanahia inferitu testuingurua erabiliz.
• Ulermen zehatzaren lanketa.
• Egurrezko kutxa: aukera dezagun aste honetako aipamena.
• Internet/autoikaskuntza/ikasten ikasi: bilatzen ikasi.
• Internet/autoikaskuntza/ikasten ikasi: agregatzaileak.
• Internet/autoikaskuntza/ikasten ikasi: nortzuk sartuko genituzke taldeko agregatzailean?

Gehiago ere bururatzen zaizkit baina nahikoa gaurkoz. Ez zaituztet kantzatu nahi eta. Dena den, aipamenen kontu hau neurriz erabili behar da klasean, den dena ez da aipamena eta.