hiztegia
Bera / berdina
Santurtziko UEko Pilar Montoyak "bera" eta "berdina" bereizteko azalpen hau egin, bideoan jaso eta azpitituluekin publikatu du. Txalogarria ekimena.
HIESaren lexikoa
Gaur, abenduak 1, HIESaren nazioarteko eguna eta UZEIk HIESaren inguruko lexikoa bildu du. Hemen duzue dokumentua pdf-n.
Hizkuntzaren Erabilera Makurrak Eta Erdarakadak
Scribd-en dago dokumentu hau. Larrauri Mendotxe bidean blogean aurkitu dugu haren erreferentzia.
Euskal esamoldeak eta beste Facebook-en
"Euskal esamoldeak eta beste" erabiltzaile profil bat agertu da Facebook-en. Esamolde, esaera eta esateko eren inguruan hasi da informazioa ematen. Lan honekin dago lotuta, eta euskara ikasten dabilenari ez zaio txarto etorriko Facebooken haren laguna egitea.
Dixio: hiztegi-tresna interesgarria
Sarean nabigatzen konturatu naiz leku pare batean aukera ematen dutela testuko edozein hitzen gainean klik bikoitza eginez gero hitzaren esanahia azaltzen duen hiztegi sarrera erakusteko. Espainiako Público eta La Razón-en eta Galiziako Xornal.com-en hain zuzen ere, berba bat aukeratu eta haren gainean klik bikoitza eginda, hitz horren esanahia agertzen da koadro batean.
Madrileko egunkarien kasuan Dixio aplikazioa agertzen da, Xornalen kasuan Digalego.com helbidetik ematen dira definizioak. Bistan da testuak ulertzeko laguntzatxoa badela. Aizu! eta HABE aldizkariek adibidez, hitz batzuk aukeratu eta haien esanahia edo itzulpena ematen dute, baina honek testuko hitz guztiak bilatzeko aukera ematen du.
Dixio horren berri bilatuta, ikusi dut Semantix izeneko enpresa baten produktua dela, egoitzak Bartzelonan eta Bilbon berton dituena, eta, deigarria, erabil daitezkeen hizkuntzen artean euskara dago, hori bai, iturri bakarra euskarazko Wikipedia dugu une honetan.
Hiru bertsio eskaintzen dituzte: mahaigainerakoa, weberakoa eta mugikorretarakoa. Mahagainekoa ordenagailura jaitsi eta instalatzeko moduan daukagu webean bertan. Instalatu dut, eta Windows-en behitnzat windows tekla sakatuta eta saguarekin klik eginda aukeratu duzun hitzaren esanahia ematen dizu edozein programatan ari zarela. Web bertsioa ez dago bertan eskuragarri, eurekin jarri behar da harremanetan.
Honelako aplikazioa interesgarria izan liteke hizkuntza ikasleentzat duda barik. Euskararen kasuan seguruenik gure hizkuntzaren morfologia izango da teknologia garatzeko oztopo (deklinazioa, erroak, atzizkiak...). Ez dakit honez gero semantix bera edo beste inor berau edo halako zerbait garatzen dabilen, baina tresna polita izan daiteke.
Digital dialects: euskara ikasten hasteko
Enric Serraren Aprendre Llengües blogean Digital Dialects gunea aurkitu dugu. 60 hizkuntza ikasten hasteko ariketa errazak eta grafikoki ondo diseinatuak daude bertan.
Euskara ere hor dago, oinarrizko hiztegia ikasi eta lantzeko ariketa eta jolas sortatxo polita hain zuzen ere. Ingelesa hartzen du abiapuntuko hizkuntza.
Interesgarria "... eta Interneten euskara ikasteko zer dago?" galdetzen duen hasi berriarentzat.
Euskal mapa: munduko toki-izenekin egindako mapa
Munduko mapa euskaraz daukagu eta sarean gainera. Munduko toki izenak euskaraz erakusten dizkigu berez. Euskarak munduari esateko moduak dituela ikusi eta ikustarazteko lekua dugu beraz.
Via: Dingilizka B2
Informazio gehiago: Sustatu
Hitz gurutzatuen txapelketa
Datorren larunbatean Basaurin goitik-beherakoak eta zeharkakoak betetzen abilago nor den neurtuko dute. Berbekin olgatzeko era dibertigarria, edo hitzekin jolastea dibertigarri egiteko era.
Sinesgarritasuna
Zehatz korapilatsua da auzia, zeren eta gurean, ahozkotik idatzirako koskaz gainera, bakoitzak bere euskara baitu, estandarra nahiz dialektala izan daitekeena; garbizaletasuna nahiz jatortasuna ere lehian aritzen dira; bada azpigeruza ideologiko bat, sakonaren sakonean; irakurleen gaitasun azpigaratua...
Sinesgarritasuna (Idazkolako takatekoak). Ematen du takatekoak takata hasi direla berriro aspaldiko partez.
Etxezalea vs. etxezuloa
Halako euskara itxi, etxezulo batera ohituta gaude. Nik euskara etxezalea nahi dut, baina ez euskara etxezuloa, harresiaren artean kikilduta dagoena. Badaude munduko berba asko eta asko, kultura berbak-eta, gureak ere badirenak.
Gararen Mugalari gehiagarrian irakurrita (2010-05-07, paperezko edizioan soilik): "Euskara etxezalea nahi dut, ez euskara etxezuloa"
Wekanun: hizkuntza desberdinetako hiztegi-jokoa, euskara ere bai
Formación ELEn Wekanun jokoaren berri eman digute. Hizkuntza desberdinetako hitzak lotu behar dira ariketa-moduko batean. Abiapuntuko hizkuntza eta xede-hizkuntza aukeratzen dituzu eta gaika antolatzen diren hitzen itzulpenak lotu behar dituzu. Jolasa ez ezik, joko erreala ere bada, benetako txapelketa, eta sariak ere badaude.
Eta interesgarriena, jokatzeko aukeratu daitezkeen hizkuntzen artean euskara ere badugu.
Animalien onomatopeiak
Itzul posta zerrendan galdera baten ondoren animalien hotsen onomatopeien bilduma eta haiek topatzeko iturrien zerrendatxoa egin dute.
Telebistak zertarako balio duen
Adibide txiki bat jartzeko: gure garaian, jolasten ari ginela, Socorro! esaten genuen. Duela urte batzuk, lehenbizikoz entzun nuenean Laguntza, mesedez! edo holako zerbait, esan nuen, neure artean, Kontxo! Telebistak balio dik zerbaitetarako.
Euskaltzaindiaren baliabide berriak: HBO eta LB
"Hiztegi Batua. Irizpideak, prozedurak eta tresnak" jardunaldiaren barruan aurkeztu ditu Euskaltzaindiak Hiztegi Batu OInarriduna (HBO) eta Lexikoaren Behatokia (LB). Ahotsak.com-eko lagunek eman digute horren berri eta lehenengo azalpena.
Bilatu
Harpidetu
Azken iruzkinak