baliabideak
EHULKU: testu zuzenketak eta aholkuak
EHUren euskara errektoreordetzak atzo aipatu genuen EHUTSIz gainera tresna gehiago ere eskaintzen dizkigu. EHULKU zerbitzu honetan testu zuzenketen bildumak eta euskara zuzen erabiltzeko aholkuak eskaintzen dizkigute besteak beste.
Pixton: komikiak sortzeko aplikazioa
Zuen lana ilustratzeko, zerbait azaltzeko edo istorioak egiteko ondo etortzen dira komiki batzuk. Egitea ez da pentsatzen den bezain zaila. Pixton aplikazio hau erabilita adibidez. Ikusi bideo hau bestela:
Via Wwwhat's New.
Guraso.com
"Gurasoen premiak asetzeko webgunea", hala aurkeztu da Goienak eta Txatxilipurdi elkarteak euskararen transmsioan eragiteko sortu duten webgunea.
Gurasoen intereseko gaiak eta baliabideak eskaintzea dute asmoa. Helduen euskalduntzearen motorretako bat gurasoen premiak eta ilusioak izan dira hasieratik, beraz, baliabide interesgarria dugu hor duda barik.
Sclipo: i(ra)kasteko hainbat aukera
Ez da berria Sclipo hau -Atoan baino zaharragoa behintzat bada- baina orain arte aipatu gabe eduki dugun arren, merezi du osteratxo bat egitea.
Ikaskuntza sozialaren iraultza hartu dute slogan, eta horretarako hainbat aukera eskaintzen ditu. Nabarmenena gauzak egiten ikasten laguntzeko bideo-zerbitzua da. Erabiltzaileek euren bideoak erakusteko aukera dute horrela, hainbat eta hainbat daude edozertariko gaietakoak, hizkuntzak barne. Supermerkatuan txineraz ibiltzen lagunduko digun hau bezala.
Learn Chinese: Supermarket Shopping
Uploaded by chinaontv
Bideoez gainera, ikastaroak antolatzeko (eta kobratzeko) aukera dugu, norberaren "academy" montatu daiteke. Dokumentu biltegiak eta zuzeneko klaseak ere ditugu aukeran.
Gurekin lotutako gauza gutxi, hau ez bada.
Zerbitzu interesgarria, erabiltzeko ez bada ere, ideiak eta baliabideak hartzeko behintzat baliagarria izan daiteke.
Sintaxia eta morfologia konputagailuaren bidez lantzen
UEUren udaberriko ikastaroen artean lehengoan aipatu genuen tailerraz gain hau ere interesgarria izan daiteke, irakasle-jardunean konputagailuak eta sarea gehiago erabiltzera jotzen dugun honetan.
Ezagutzaren Liburua ala Ezagutzaren Gizartea
Eta hemen beste puntu batera heltzen gara. XXI. mendeko Ezagutzaren Gizartean beharrezkoa da liburuak editatzea azterketa horiek ikasle eta irakasleengana heltzeko?
Korrika16: unitate didaktikoa
Ikastolen konfederazioak eta AEK-k eskoletarako unitate didaktikoa egin dute Korrika gai hartuta. Eskoletara CDetan banatuko da, eta laster Korrikaren webgunean egongo da eskuragai.
EGA prestatzeko webgunea: informazioa
Sareko Argiakoek egin digute biltze-lana (aupa zuek!). Hemen daukazue atzoko prentsaurreko esperimentalak hedabideetara ekarri duenaren laburpena.
Kazetariekin fidatu bai, baina egileen aho-eskutik jakiteko deseatzen gaude. Animo neska-mutilok! 
Eguneraketa:
Bideo hau agertu da Euskaltuben
EGA prestaketa sarean: prentsaurrekoan jasotakoa
Sustatukoek gaurko prentsaurrekoaren erretransmisioaren "grabazioa" jarri dute.
bat, bi, hiru kolkoa bete diru: bloga
Pingback-en bitartez beste blog hau aurkitu dugu. Dingilizka neba-arrebak eta beste hau egiten diren leku berean egiten da. Blogean bertan ez dago egilearen zehaztapen handirik, baina Barakaldoko HEaren webgunean ematen zaigu blog hauen berri.
C1 edo 3. mailari dagokio blog hau. Baliabideak eta klaserako jardueren isla da, horrez gain alboko barran lotura interesgarrien bilduma luzea.
Hizkuntza eskola batzuetan blogekin serio hasi direla dirudi, sortu eta eguneratu egiten dira gainera. Animo eta eskerrik asko besteokin konpartitzeagatik (eta loturengatik 
).
"Euskara ikasi" eitb.com
Atal berezia dauka eitb.com atariak, "Euskara ikasi". Ez dakit honen berririk orain arte inon-inoiz eman den, baina nik orain deskubritu dut.
Zer dago han? Loturak gehien bat, Mihiluzeren "Asko gustatzen zaio" lehiaketa, Euskadi Gaztea eta Euskadi Irratia zuzenean entzuteko modua, Hiru.com-en Ikasten ikastaroa eta baliabide batzuetarako lotura, Jon eta Jone bikotearen pasadizoak, Wazemank eta Noaoa saioen bideoak, Subijana eta Igor Zalakainen errezetak... Eta horrez gain Euskaltzaindiaren arauen banner bat eta gomendatutako esteken zerrenda bat (nahikoa urria oraingoz).
Ez da aparteko lan didaktikoa egin, eta ez dakit zer asmorekin egin den ere (aurkezpenik egingo da?), baina lagungarria izan daiteke ikasteko abiagunea (PLE?) egiteko saio hau.
Bestalde, atariaren bilaketetan, behin bilaketa agindu ostea, aukera ematen da emaitzak irizpide batzuen arabera iragazteko: argazkiak, bideoak, audioak, albisteak, kultura, telebista... Aukera horien artean azkenak "Euskara ikasi" du izena. Proba batzuk egin ditut baina galbahe hori pasatuta ez dut emaitzarik lortu bilaketa batean ere. Ez dakit zeren araberako bilaketak egingo diren horrela, baina ideiaren bat dabil txoritxuaren kabian dirudienez.
Buruntzaldea euskaraz: webgune berritua
Informazio, baliabide eta zerbitzu interesgarriak. Baita euskara ikasten dutenentzat ere.
Sustaturen bidez.
EGA: azterketa librea egiteko matrikula irekita
Euskaltegietan EGA zer den ahazten hasi bazaigu edo, Maitek gogoratu digu hiru letra horiek oraindik Nafarroako ibaia baino zerbait gehiago ere badirela.
Umeekin hitz egiteko hiztegia
Sendi proiektuaren blogean umeekin euskaraz hitz egin eta ikasi nahi duten gurasoentzako baliabideen berri ematen digute. Ku-ku (pdf) hiztegi hau bezala, aspaldikoa da, baina ondo dago gogoratzea, HEAn hainbeste estimatzen dugun kolektibo hori tartean dabilenean gehien bat.
Karaokerako kantuak
Gabi de la Maza, Plentziako euskal girotze barnetegiko irakasleak euskarazko kantuak Karaokerako egokitu eta kanala zabaldu du Youtuben. Bere blogean nola egiten duen azaldu digu gainera.
Eta Euskaljakintzakoek (haien bidez ezagutu dugu Gabiren lana) wiki batean ipini digute kantuen zerrenda eta kantuak entzun ahala hutsuneak betetzeko ariketen zerrenda.
Gainera, nire gogokoena jarri dute. Ze polita! Entsaiatzera noa segidan.
Bilatu
Harpidetu
Azken iruzkinak