ikasleak
Paper zati baten bila
Ez dezagun geure burua engainatu, horretara etorri zaizkigu ikasleak, ehuneko ikaragarri handi bat bai, behintzat. Paper zati baten bila, lana lortzen edo lagunduko omen diena. Perfildunez bete EAE, irlandarizaioaren bidean: independentzia barik eta hizkuntza ere maila-probetan galduta.
"Indarrak lagun diezazuela!" (Kalamuatik Txargainera)
Euskara ikasleen eskaera Euskarabideari
Nafarroako euskaltegietako ikasleek Euskarabidearen egoitzara joan ziren atzo euskara ikasteko baliabide eta balditza hobeak eskatzera.
Mundutik mundura
Mundutik mundura gabiltzanok horrelakoak pasa behar izaten ditugu, zuzentzeak lotsa. Eta ezin dugu oraindik ere, lagun bat inguratu eta euskaraz ari garelarik, inguratzen gaituztenen soen artean, gaizki egiten ari garenaren sentsazioa ekidin, garai bateko “seguid en vascuence” delakoa entzungo bagenu bezala. Izan ere, hori aldatu da, orain “a mí también me gustaría...” esango dizute, zuri esnatzean pianoa maisuki jotzea gustatuko litzaizukeen bezala. Mundutik mundura gu, munduan berak. Eta mundutik mundura egiteko, eskatu gabeko baimena behar.
Kafe bakarrik (Argia)
Erruduntasuna?
Hizkuntza aldatzearen kontua ez da gertatzen Katalunian. Han katalanez egiten duenak hala egiten du. Hemen euskaraz hasi eta gero erdarara pasatzen zarete. Ez dakit zergatik egiten duzuen hori, erruduntasun sentsazioa daukazuen edo zer. Edo uste duzue zaila dela guk euskara ulertzea eta guretzat hobeto delakoan erdaraz hasten zarete. Ez da hobeto zuek guri erdaraz egitea, horrela ez dugu ikasiko inoiz
Korrikaren bueltan, Donostian AEKn ari diren bi ikasle-euskalakariren esperientzia ekarri digute Argiakoek.
Euskararen zailtasuna... klasean
Nire ustez zailtasuna neurri handi batean mito bat da; mito bat eta aitzakia bat ikasi nahi ez duten pertsona askorentzat. Hala eta guztiz ere, puntu batean egon ninteke ados zailtasunaren tesi horrekin. Zergatik? Hasieran euskara ezagutzen ez duenak, ikasten hasten denean, ez daukalako heldulekurik. Hau da, nahiz eta ezagutu ingelesa, alemana edota gainontzeko hizkuntza asko ezagutu, ni gogoratzen naiz aurreneko asteetan euskaltegiko klase haietan elkarrizketa labur bat entzuteko eta bikotekidearekin errepikatzeko kasete bat jartzen zigutenean, badakizu: 'kaixo, zer moduz, ni Ludger naiz' eta horrelako gauzak, hemengo jendeak hori jada entzunda zeukanez, ez zeukan inongo arazorik esaldi hura errepikatzeko. Nik, ordea, nola ez nekien non hasten zen hitz bat eta non bukatzen zen hurrengoa, benetan tontoa bezala sentitzen nintzen klasean, ez bainintzen gauza izaten ezta esaldi bakar bat errepikatzeko ere.
Nire ikaslea izan zen
Urologoaren hitzak entzutean, aspaldian ospitalean klaseak eman nituen garai hartan nire ikaslea izan zela gogoratu nuen eta une horretantxe ere burura etorri zitzaidan mehatxu hura. Begiak gogor itxi, Jainkoaren izena esan eta, ez dut gehiago gogoratzen, konortea galdu nuen.
Ikasleekin zelan portatzen garen-eta epe batean sorpresak izan ditzakegu. Irakurri gehiago Euskerabilin: EUSKARA IRAKASLEA IZATEAREN ARRISKU TXIKIAK
Euskararen plazerra
Mintzapraktikan ari direnekin ibili dira solasean Berriakoak, eta erreportaia batera bildu dizkiguten ikasle-praktikari horien esanak.
Germán el Hablador
Kerman mintzalagun bilatzailearen parodia egingo dute Alkainek-eta Finlandia umore saio berrian. Aurki ETB1en.
Euskaraz esan, erdaraz erantzun eta apurka-apurka
Euskaltegitik bueltan hasi nintzen pixkanaka euskaraz hitz egiten, kostata. Baina bazen koadrilan neska euskaldun bat, andereño zena Iruñean. Oso ohituta zegoen bera euskaraz egiten eta erantzuna gaztelaniaz jasotzen eta orduan berarekin honela egiten nuen. Berak beti euskaraz egiten zidan eta nik erdaraz erantzun. Horrela hasi nintzen. Halako batean, konturatu gabe buelta ematen diozu horri eta euskaraz erantzuten hasten zara, modu naturalean.
HABE aldizkariaren "... euskara-ikasle" atalean Pirritx, Porrotx eta Marimotots pailazo hirukoteko hirugarren hori den Mertxe Rodriguezek kontatu digu euskara nola eta zergatik ikasi zuen.
Kanpoan dagoen mundu hori
In an EFL world full of syllabuses, course deadlines, exams and student stress, we often forget that there is a world outside the classroom and it is in that world where we want our students to be focussing their language.
Itzulpen saioa: "Programez, ikastaroen epemugez, azterketez eta ikasleen estresaz beterik dago EFLren (English as a Foreign Language, ingelesa atzerriko hizkuntza bezala irakastea) mundua, eta sarritan ahazten dugu hor gelatik kanpo mundua dagoela, eta gure ikasleek mundu horretara bideratu behar dutela hizkuntza."
Berba sinpleak, erraz sinatzeko modukoak, baina praktikan jartzen ez dira hain errazak, ezta?
Using the Internet in the Clasroom (An ELT Notebook)
Euskaltegien errua?
Me gustaría decir que si esos alumnos han estado en algún centro, han sido mal asesorados, porque el profesor sabe, salvo en muy contados casos, quiénes están preparados para presentarse al examen y quiénes no. En el caso que nos ocupa, alguien ha pecado de ser muy poco selectivo.
Euskara proben (administrazioko langileena batez ere) gainditze tasak direla eta. Rufino Iraolak artikulua idatzi du Diario Vascon: Euskaltegis con más de 73% de aprobados
Eguneraketa. Bere blogean ere jarri du artikulua Rufinok.
Lagunak egin
aholku hori ematen diet ingurune erdaldunetan bizi diren ikasleei, adiskide euskaldunak egin ditzatela
Duela hogei urte antolatu zen Argentinan lehen barnetegia. Euskara ikasi ez ezik, irakasleak trebatzea ere zen asmoa. Han ikasi zuen Maite Bilbaok eta gaur egun Hernaniko AEKn dihardu irakasle.
Gazezulon irakurri dugu erreportaia: Euskaraz, che! eta Zuzeun hartu dugu erreferentzia.
Izorratzeko soilik: ikasle talde baten bloga
Gasteizko Iralen ikasten ari den talde bat dabil blog hau egiten aspaldian. Bloga bera baino interesgarria da egin duten baliabideen bilduma, eta izena aukeratzen ere asmatu dutela esango nuke.
Euskaltegiek titulua azterketa barik eskatu dute
Hori dio El Correoren albiste horrek, euskaltegien ordezkariek euren ikasleentzat D ereduko ikasleekin egin nahi dena eskatu dutela, azterketarik gabe titulua ematea.
Euskaltegien inguruan Vocentoren albisteak eta titularrak ondo eta kontuz irakurtzekoak izaten dira baina tira, klasean eztabaidatzeko gaia behar baduzue, hor duzue bat, polita gainera: "Azterketarik gabe eman beharko ligukete titulua?"
- « lehenengoa
- ‹ aurrekoa
- 1
- 2
- 3
- 4
- 5
- 6
- 7
- 8
- 9
- …
- hurrengoa ›
- azkena »
Azken iruzkinak