tituluak
Dekretua agertu da
Gaur, apirilak 16 agertu da apilaren 3ko dekretua BOPVn, bai ikasketak euskaraz egiteagatik euskara agiri batzuk homologatuko dituen zorioneko dekretu hori.
Hemen duzue pdf reglamentarioa.
Euskaltegi sare batzuk mailako probak direla eta
Euskaltegi homologatu batzuetako ordezkariek idazkia zabaldu dute, hor HABEren mailak egiaztatzeko proben 2012ko ebazpenaz eta ikasleentzako diru-laguntzen murrizketaz. euren iritzia eta kezkak plazaratu dituzte.
Ikasi edo segitu
(HABEko euskaltegietan, ikasleen laurdenek 16-20 urte dituzte. Eskolan euskara ikasi ez duten seinale.)
Edo segitu nahi dutela, edo hobetu. 400.000 ikasleri buruz ari gara, eta HABEra joaten direnak proportzio txikia dira. Gure sisteman ondo funtzionatzen du euskarak.
HABEko euskaltegietan (sic) euskara ikasten ari diren edo HABEra (sic) doazen gazteei buruzko hipotesiak euskara agirien konbalidazioa dela eta .
Produktibitatea
Kontuak atera, mesedez, egin kalkulua, Hezkuntzara bideratzen duzuen diruaren hamarrenarekin erdia produzituko genukeen
Aste honetako Argian euskara agiriak hezkuntza sistemaren kalifikazioekin homologatzeko dekretuari buruzko erreportajea dator. Miel Anjel Elustondok IKAko Jon Zabala eta Mailu Lasartek hitz egin du eta haiekiko solasaldian jaso zituen hitzok. Lehengo batean EAEko euskaltegiek Patxi Baztarrikari, orduko euskara sailburuordea, esanak-edo.
Produktibitate formulak (helduen) euskalduntzean aplikatu beharko dira bada.
HABEren azterketen eta tituluen oinarri berriak
HABEren tituluak eta probak arautzen dituen agindu berria argitaratu da: Euskararen komunikazio-gaitasunen mailak egiaztatzeko oinarri berriak du izena.
Euskaltegiek titulua azterketa barik eskatu dute
Hori dio El Correoren albiste horrek, euskaltegien ordezkariek euren ikasleentzat D ereduko ikasleekin egin nahi dena eskatu dutela, azterketarik gabe titulua ematea.
Euskaltegien inguruan Vocentoren albisteak eta titularrak ondo eta kontuz irakurtzekoak izaten dira baina tira, klasean eztabaidatzeko gaia behar baduzue, hor duzue bat, polita gainera: "Azterketarik gabe eman beharko ligukete titulua?"
Euskaltegien beldurrak eta titular bi
- La posible pérdida de alumnos no preocupa a los euskaltegis (Diario Vasco)
- Los euskaltegis temen una caída de matrículas por las exenciones a alumnos de modelo D (El Correo)
Bizkaian beldurrez eta Gipuzkoan ez, edo titularretako bat ez da zuzena, edo Vocentoren misterioak.
Komentarioetan betiko saltsak, hori bai.
EGA: azterketaren eredu berria
2011n EGA azterketa zelakoa izango den zehazten duen agindua (pdf) atera da, eta Santurtziko Udal Euskaltegiaren foroan egin digute laburpena.
Ikasketekin euskara tituluak emateko proposamena aurkeztu dute
D ereduan ikasita automatikoki euskara-agiria emateaz aspaldian ari gara. Gaur aurkeztu dute proposamena Urgell eta Zelaak. Proposamena aurkeztu, eta 2011ren azken hiruhilekoan zehaztuko omen da.
Trikimailuak
Orain beste pertsona batzuei laguntzen diet, beste ikasle batzuei azterketak prestatzen… Nik ez ditut euskara-eskolak ematen, ze ni ez naiz irakaslea, baina bueno, nire trikimailuak erabiltzen ditut besteei laguntzeko.
Elena Sánchez El Euskaltegi blogaren egilea da. HABE aldizkarian(pdf) egin diote elkarrizketa eta han orain beste ikasle batzuei laguntzen dabilela kontatu digu besteak beste.
Irakaslea izateko era asko daude seguruenik.
Ahaleginaren balioa
Bukatzeko, ahaleginaren balore berri hau berdindu al daiteke hain ezaguna zaigun lo importante no es ganar, sino participar? Zuek, bultzatzaileek, sinesten al duzue lelo horretan zuen eguneroko politikagintzan? Badakizue, ahalegindu arren, emaitza onik eskuratzen ez baduzue zuen boto-emaileentzat, ez zaretela egongo hurrengo gobernuan, ez duzuela euskal gizartearen azterketa gaindituko. Ez al da horrela izan behar?
Ikasketekin euskara agiriak balioztatzearen inguruan ahalegina saritu nahi horretaz hausnartu du Edu Zabalak: EGA titulua desagertzear? Bertandona kolektiboaren tesien garaipen bat? (Gara)
Ikasketen bidez euskara agiriak emateaz
Ikasketen bidez euskara tituluak homologatu nahi direla, Berriakoek iritzia eskatu diete Imanol Igeregi Ikastolen Elkarteko zuzendari orokorrari, Paul Bilbao Kontseiluko idazkari nagusiari, Ricardo Arana Hezkuntzako komunikazio arduradunari eta Lontxo Oihartzabal EAEko Eskola Kontseiluko lehendakari izandakoari.
Tituluen baliokidetza eta EEMn kokatzeko dekretua Nafarroan
Ebazpena argitaratu da gaur Nafarroako Aldizkari Ofizialean. Hizkuntz-tituluen baliokidetza ofizialdu eta Europako Marko-Esparruan kokatzeko pausoak ematen ditu.
Filologiabako baten erantzuna
Zeu ibili izan bazina, ostera, a zelango euskaradun aberatsak eta egokiak aterako ziren! Zeure esku leun eta samurren ferekak jasoko zituzten nire «atzaparrenak» barik. Gainera, zuk, «lan-merkatuan galduta» ibili beharrean, nire soldata eskastxo honen ordez (2.000 euro likido hilean, 14 paga, bi hilabeteko oporraldia udan, irail osoan ia ia antzera -fitxatu arren-, Gabonetako eta Aste Santuko hamabostaldiak, urtean zehar izaten diren jai-zubiak ....) halako bi edo hiru edo lau , gutxienez, kobratuko zenuke (zeure jakinduriaren tamainakoa, mesedez), eta hainbat liberazio eta baimen lortuko zenituzke ikastaro bereziak eta graduondokoak egiteko, zeure euskara-maila goren hori are landuagoa izan dadin eta bost urte horietan ikasitakoa ahaztu ez dagizun.
Luis Astorkia, Sestaoko Udal Euskaltegiko irakasleak gogor erantzun dio Berrian Josu Gotzon Landetari. Hark lehengoan Euskal Filologia mespretxuaren putzuan artikuluan hain zuzen, gogor kritikatu zuen bere ustez euskal filologia tituluari ematen zaion balioa.
Josu Gotzon Landetari erantzunez (Berria)
Polemika hau apur bat bizantinoa iruditzen zaion bakarra naiz?
Tituluen baliokidetza: HAEE-IVAPen oharra
Epai horrek ez dakar aurreko egoera aldatzerik (hizkuntza-eskakizunak aitortzeaz eta baliokidetzeaz), zeren bere xedea soil-soilik baita aipaturiko dekretuan aurreikusitakoaren izaera murrizgarria deuseztatzea. Esan nahi baita, ikasketa-sistema arautua den aldetik, eta Hizkuntzen Europako Erreferentzia Markoaren barruan, edozein hizkuntza-eskola ofizialek emandako euskarazko titulu eta ziurtagirien balioa onartu behar dela, eta ez bakarrik Euskadiko eta Nafarroako Hizkuntza Eskola Ofizialenak.
EAEko Auzitegi Nagusiak euskara-tituluen baliokidetzaz eman zuen epaia dela eta, HAEE-IVAPek ohar hau zabaldu du.
Bilatu
Harpidetu
Azken iruzkinak