web2.0
Wikispaces euskaraz
Wikispaces wikiak sortzeko plataforma ezagunenetako bat dugu. ZirIKTeroak eta Nafarroako IKT dinamizatzaileen blogaren bidez jakin dugu aplikazioaren hizkuntzen artean euskara dugula aukeran orain. Bitxia, gaztelania baino lehen euskaratu da Wikispaces.
Pixton: komikiak sortzeko aplikazioa
Zuen lana ilustratzeko, zerbait azaltzeko edo istorioak egiteko ondo etortzen dira komiki batzuk. Egitea ez da pentsatzen den bezain zaila. Pixton aplikazio hau erabilita adibidez. Ikusi bideo hau bestela:
Via Wwwhat's New.
Tucent: komentatu testuko pasarteak
Internetek testu idatziei ekarri dien gauzetako bat irakurleak testua komentatzeko edo osatzeko aukera izan da. Blogen osagai ezinbestekoa dira iruzkinak esate baterako. Hala ere, iruzkinak eta erantzunak egiteko aukera testuaren ostean izaten dugu normalean, eta pasarte edo hitz zehatz bati erreferentzia egin nahi badiogu ere, beheko zerrenda horretan egin behar zaio ezinbestean.
Hizkuntzen ikas-irakaskuntzan hala ere, hainbat zer eginetarako interesgarria izan daiteke testuaren erdian, haren pasarteetan iruzkinak gehitu ahal izatea: zuzenketak, erantzunak, iradokizuna.... Tucent zerbitzuak geure blog, wiki edo webguneetan hori egiteko aukera ematen digu.
Tucent-en kontua egin eta nahi dugun testuarentzat foroa sortuko dugu. Foro horrek kode txiki bat emango digu testua dugun orrian txertatu eta gure irakurleek aukera izango dute nahi duen pasartean iruzkina txertatzeko. Iruzkin horiek orrian bertan edo Tucent-en sortu dugun foroan ikusi ahal izango ditugu.
Probako orri bat sortu dut ikusi eta proba egin dezazuen: Tucent: proba.
Zer hobetu asko dauka Tucent honek, baina interesgarria eta erabilgarria iruditu zait iruzkinak egiteko eta erakusteko bide hori. Zer deritzozue?
Wwwhat's New-ren bidez.
Funkziona: 2.0 munduan sartu
Julen Iturbek Funkziona web proiekturako prestatu diren aurkezpenen bildumaren berri eman digu. Errioxako funtzionarioentzat prestatutako materialak dira, 2.0 kultura lan ingurura ekarri eta mundu hau ulertzen hasteko abiapuntu interesgarri eta grafikoa prestatu du Alberto Ortiz de Zarate Alorza blogariak.
Baten batek dosazero edo modernidade internautiko hauek entzun eta zer den jakiteko ahalegin txikitxo bat egiteko arazorik ez badauka, hor dauka bilduma ederra. Antzina esaten zen moduan "santuez betetetako liburua".
Hemen ale bat:
Enarak eta pakidermoak
...mentre moltes institucions i entitats es mouen com autèntics paquiderms reumàtics a causa de la seva magnitud, d’inèrcies instal·lades, de resistències al canvi, o de la incapacitat per assimilar-lo o l’obsessió per controlar-lo abans que neixi, a l’horitzó volen aus lleugeres que apunten direccions: és el Vol d’orenetes (1913) inquietes i dinàmiques de Giacomo Balla. Unes orenetes que no necessiten més de deu minuts (el temps de crear un xarxa amb Ning) per esdevenir els Ocells llançant-se en picat (1919) de Paul Klee.”
Aprendre llengües: [233] Ismael Nafría a la UAB
Itzulpena-edo:
...hainbat erakunde, euren tamainagatik, errotutako inertziengatik, aldaketaren beldurragatik edo hari ekiteko ezinagatik, edo hura gertatu baino lehen kontrolpean izateko obsesioagatik, pakidermo erreumatikoak bezala mugitzen diren bitartean, zerumugan arin dabiltza hegaztiak hegan hona eta hara: Giacomo Ballaren "Enaren hegaldia" (1913) da. Eta enara hauek hamar minutu (Ning-en sarea sortzeko beste) baino ez dituzte behar Paul Klee-ren "Txoriak hegan amiltzen" (1919) bilakatzeko.
Blogean idaztea
El blog será efectivamente un medio de comunicación si sus usuarios (escritores y lectores) le dan esta función y conciben la elaboración de las entradas desde esta perspectiva. No hace falta que recuerde que la comunicación comienza con la necesidad de decir, de expresar, de axhortar, de informar, de compartir… Y continúa con la conciencia de que existe un destinatario al que se tiene en cuenta durante el proceso de escritura. Y, precisamente por esto, no vale cualquier modo de escritura.
Del blog sin adjetivos al blog educativo (Darle a la lengua)
Prestakuntzarik onena
Soy de los que piensan que la mejor formación para el profesorado interesado en la utilización de las herramientas que proporciona la web 2.0 es el conocimiento de lo que ya están haciendo otros compañeros con ellas
Las buenas práctica TIC la mejor formación mezuan hain zuzen ere praktika onen adibide baten aipamena egiten du.
Eta pentsatzen dut, web2.0rako eta denerako, ezta? Non daude erakusleihoak baina?
Coggno: eLearning edukiak sortu eta saldu
Penintsula Iberiarreko euskaldun elebidunok barreari ezin eutsita ibiliko gara zerbitzu honen izena ahoskatzen saiatu ahala, baina ideia interesgarria da.
Funtsean eLearning edukiak sortzeko plataforma da. Zeuren edukiak edo materialak dokumentuetan edo SCORM paketeetan sartu, igo eta aukera daukazu prezioa ipini eta saltzeko, edo, besterik gabe, doan banatzeko.
Gordeta dauzkazuen zuek egindako material zoragarri horiekin aberasteko aukera krisi sasoi honetan.
Wwwhat's New-n ikusia. Interesgarria Alvaro Gregoriren iruzkina eta proposamena.
Web2.0 zelan klaseratu?
Iñakik Bartzelonako Encuentro Practico-rako prestatu zuen aurkezpena jarri digu eskura:
Web2.0 tresnak ikas-irakaskuntzarako
¿Qué pasará con todas estas herramientas que están pensadas para un uso eminentemente lúdico y social?, ¿será la comunidad educativa capaz de crear un sentido para cada cosa cuando se inventó para una finalidad de alta profusión y la adaptamos a otra más restringida y altamente formalizada?
Calidad de la enseñanza 2.0 (pdf). RED aldizkarian argitaratuta.
2.0 zertarako?
De què serveix un wiki a qui no té res per coconstruir amb ningú? De què serveix un mapa conceptual a qui no té ni necessita tenir idees ni pensar? De què serveix un bloc a qui no vol compartir res, a qui no sap ni enraonar ni escriure? De què serveixen les eines del web 2.0 als qui no tenen una actitud 2.0?
Zertarako nahi du wikia inorekin ezer eraikitzeko ez daukanak? Zertarako nahi du mapa kontzeptuala ideiak izan eta hausnartu beharrik ez duenak? Zertarako nahi du bloga ezer konpartitu nahi ez duenak, elkarrizketan jardun eta idazten ez dakienak? Zertarako web2.0aren tresnak 2.0 jarrerarik ez daukanak?
Embedit.in: dokumentuak edo webguneak "enbotatzeko" zerbitzua
Blogetan edo web-ean oro har dokumentuak erakusteko zerbitzu asko ditugu dagoeneko. Embedit.it hau berria izateaz gainera, dokumentuak ez ezik, webguneak ere enbotatetzeko aukera ematen digu.
Hemen daukazue pdf dokumentu baten adibidea. Ete hemen behean webgune ezagun baten "potoa".
Embedit.in Increo enpresaren ekimena da. Increok beste zerbitzu aipagarri bat ere badu: Backboard. Zerbitzu honetan dokumentu edo webgune bat enbotatzearekin batera, hari buruzko ekarpenak eta "feedback-a" jasotzeko bidea ematen du. Egokia prestatu duguna publikatu baino lehen lagunen edo ingurukoen iritziak jasotzeko eta hobekuntzak eta egokitzapenak egin ahal izateko.
Edo ikasleek prestatutako testu bati ekarpenak, ideiak edo (bai!) zuzenketak egin ahal izateko, berbarako. Ezta?
Hemen adibidez, webgune honi buruzko ekarpenak egin ditzakezue.
Hezkuntza2.0
Hezkuntza2.0 izenburu-etiketarekin bideo sorta agertu da Youtuben. EHUko ikasleen lanak dira dirudienez. Bideoak oso ondo eginda eta landuta daude. Hezkuntza 2.0 horren deskribapena apur bat gehiegizkoa ez ote den geratu naiz baina.
Plisti-plastak haietako bat jarri zigun hemen aspaldian. Gaur Magic IKTeroak erakusi digu hiruko sorta.
iKnow, hizkuntzak ikasi eta irakasteko beste zerbitzu bat
Japoniatik dator iKnow hau. Web2.0 zerbitzu askoren antzera, erabiltzaileei hizkuntzak (baita euskara ere) ikasi edo irakasteko baliabideak sortu, partekatu eta zabaltzeko aukera ematen du.
Kasu honetan hitz-zerrendak, fitxak eta sekuentziak sortu ahal dira, baita konpartitu eta komentatu ere. Erabiltzaile bakoitzari ikasi nahi duen hizkuntza eta bere interesen arabera ikastaroak eta ibilbideak gomendatzen dizkio.
Ez ditut aukera guztiak arakatu. Probarako hitz zerrenda bat sortu dut. Enbotatzeko kodea eskaintzen du eta hemen behean sartu dut. Aukera interesgarri batzuk dituela dirudi: lagunen sarea egitea, hitz eta esamoldeen audio grabazioak... Itxura ona dauka, orain arte ikusi dugunetik desberdina, aparteko ezer izan barik.
Klaseko blogen etorkizuna
...en 3 años los blogs como repositorio de ejercicios de clase carecerán de todo sentido -si es que ahora mismo tienen alguno.
Lola Torres eta David Vidalek "XVII Encuentro practico de profesores de Ele" ekitaldirako prestatu duten La navaja de Ockham. Elaboración y evaluación de Actividades 2.0 tailerraren aurkezpen-mezuaren eztabaidako iruzkina.
Bilatu
Harpidetu
Azken iruzkinak