Atoan

Lotura

NodosElen eta Wwwhat'sNew-n jaso dugu hiztegi honen berri. Ez da kontu berri-berria hitzen inguruko informazioa emateko sarearen aukerak erabiltzen dituen hiztegia. Hiztegi formal desberdinen defizinizioak jaso, adibideak bilatu testuetan edo multimedian.

Interesgarriena izan daiteke, hiztegi hauek ingeleserako pentsatuta egon arren, Twitter edo Flickr bezalako zerbitzuetan bilatzen duten momentutik beste hizkuntzetako berbekin ere eskaintzen dituzte emaitzak. Probatu euskarazko hitzak sartzen eta zerbait agertuko da.

Edo pentsatu Euskalbarreko hiztegietako emaitzak eta sareko zerbitzuen bilaketak batzen dituen balizko hiztegi batean, adibidez.

Lotura

JRamonek (blog honetan mezu bakoitza sorpresa atsegina izaten da, benetan) hausnarketa bitxia egin du: zeintzuk dira ELE irakasle baten 2.0 ezaugarriak? Berak argi ohartarazten duenez, ez dira 2.0 irakasle baten ezaugarriak, hizkuntza-irakasle batek web2.0rekin dituen ezaugarri komunak baino.

Grafiko batera ekarri digu hausnarketa eta emaitza harrigarria bezain erakargarria egin zait neuri behintzat.

Lotura

UEUk antolatu du ikastaro hau. Datorren astean hasiko da Iruñean.

Lotura

Nodos Eleko Emilio Quintanak aurkeztu digu sarean egiten hasi diren hiztegi hau. Kaleko gaztelaniaren hiztegi kolaboratiboa izan nahi du. Jasotzen duen edukia interesgarria da duda barik: hizkera arruntean sortzen diren hitz eta esamolde biziak eta berriak, bizimoduaren joan-etorriarekin eta eduki soziokulturalak deitzen den horrekin lotuak, baina horrekin batera formatuak eman dit arreta. Hiztegi kolaboratiboa da batetik, edonork bidal dezake ekarpena, eta kontzeptuak sareko edukiek ilustratuta dakartza: argazkiak, testuak, bideoak.

Alpha fasean ei dago, baina ideia bista-bistan dago, eta teknikoki erraza da.

Lotura

Via Wwwhat's New ezagutu dugu irakaskuntzarako aplikazioen Top 100 dinamiko hau. Etengabe eguneratzen ari da, eta akaso ideiaren bat emango digu, edo ezagutzen ez dugun zerbaiten berri.

Lotura

Blogge@ndon ahozko hizkuntza web2.0ko tresnen bidez lantzeko antolatu duten ikastaroaren berri eman digute, baita ikastaroko webgunea erakutsi ere.

Lotura

Gaur Iñaki Muruaren bidez heldu zaigu Azkue Fundazioaren berri. Proiektua datorren azaroaren 4an aurkeztuko da. Asmoa euskara sarera eta teknologiaren modernitatera ekartzea dela dirudi. Egitasmo asko  bateko (Xuxen bizkaieraz adibidez), eta  Twitter, Flickr, Youtube... besteko. Web2.0 ikuspegia eman nahi izan zaiola dirudi. Hemen duzue Youtuben aurkitu dugun bideo hau adibidez:

Bitxikeria pare bat, JClic software-a JKlik bihurtu digute, eta blogrollean zer eta Karrajua aurkitu dugu.

Datorren azaroaren 4an informazio gehiago izango dugu beraz.

Lotura

Enric Serraren esperientzia eta gogoeta. Zer dira eta non daude gaur egun "hizkuntz-zerbitzuak"?

Francisco Herrerak aurkeztu digu bideo hau bere blogean. Ataza kontzeptua zer den eta ataza2.0 zer izan daitekeen argitzeko pistak.

Lotura

Cervantes Institutuak ikastaro hau ipini du martxan, Moodle-en bidez antolatu da eta edukiak bistan daude bai Moodle-en bertan bai ikastaroaren blogean.

El blog de Lola-n irakurri dugu.