soziolinguistika
Jabetze-plangintza
Hizkuntzen ikaskuntza eta irakaskuntza dugu hizkuntza-politiken
alor garrantzitsuenetariko bat, eta hain da garrantzitsua ezen
soziolinguista batzuek hizkuntza-plangintzako berariazko alor bat gehitu diotela corpusaren eta estatusaren plangintzari: jabetze-plangintza (acquisition planning,
Robert Cooper, 1989). Mundu osoan ikusi da irakaskuntza dela familian
transmititzen ez diren hizkuntza gutxituak babesteko lehen tresna edo
baliabide bakarra. Horixe da Ipar Euskal Herrian ere gertatzen dena.
Gaur egungo euskara eta euskarazko eskola-irakaskuntza Ipar Euskal Herrian (Gipuzkoaeuskara.net)
Arnasgune euskaltegia
Zenbat eta euskarazko arnasguneak ugariago eta aktiboago izan, orduan eta errazago izango da euskaraz erdipurdika moldatzen diren hiztunek ere beren hizkuntza-gaitasuna (ahozkoa oraingoz, idatzizkoa gero ere lor liteke) indartu eta zabaltzea. Igeri eginez ikasten da igeri egiten, gainean jarri eta pedalei emanaz ikasten da bizikletan ibiltzen, … ingurukoekin honetaz eta hartaz hitz eginaz ikasten da erraz eta lasai hitz egiten. Ez da oraindik horrelako euskaltegirik asmatu, eta ez
asmatuko ere.
Udaltop jardunaldietako materialak jarri dituzte sarean, eta haien artean Mikel Zalbidek jardunaldietan aurkeztu ziuen Aurrez aurreko jardunaren lekua HINBE saioetan txostena (pdf). Bertan irakurri dugu (49. orr.) goiko pasarte hori.
Garaigoikoaren bidez.
Moreno Cabrera nazionalismo linguistiko espainiarraz
Juan Carlos Moreno Cabrerak "La Lingüística y el nacionalismo lingüístico español" hitzaldia eman zuen UOCen Filologia katalanaren sailaren 10. urteurrenean.
Nazionalismo linguistiko espainiarra sustengatzen duten mitoak jorratu eta euren lekuan jartzen saiatu da. Zorrotza eta zuzena. Umorerako tartea ere badago. Interesgarria beti ere.
Bikoteen arteko hizkuntz-ohiturak
Erabilera erabiltzetik etorri da. Bietako batek euskara gutxi zekien bikoteetan, oinarrizko maila batetik ez da gertatu lehenik gaitasun on bat eskuratzea eta gero erabiltzea. Biak batera joan egin dira
Soziolinguistika klusterrak burutu duen Bikoteen artean hizkuntza ohituren aldaketa ikerlanaz laburpena eta iruzkina egin digu Txerrak Garaigoikoan:
Bikoteen hizkuntza ohiturak zelan aldatu?
Horkoa da aipamen hori.
Erabili, ikasi, izan
Erabilerak adierazten duena ez da bakar-bakarrik euskararen osasun-egoera. Erabilerak adierazten du, orobat, hiztunaren zer-nolakoa ere, hizkuntzak, ikasi, erabiltzen diren neurrian baizik ezin direlako ikasi. Euskaldun izatea ez da euskara-jakite kontua, maiz esan izan dugunez, hizkuntza bat modu akademikoan eta formalean (eskola, euskaltegia...) jakiteak besterik gabe ez duelako inor hizkuntza horretan sozializatu denik frogatzen.
Hiznet: 9. edizioa martxan eta matrikula zabalik
Asmoz Fundazioak berak jakinarazi digunez, abian da dagoeneko Hiznet
Hizkuntza Plangintza graduondokoa. 9. edizioa dagoeneko, hizkuntzaren normalizazioarako profesionalak eta prestakuntza sustatzen lan ona egin da hortik eta beti da gomendagarria. Honela dago enfokatuta:
Graduondokoa euskalgintzako euskaltzaleei, euskara teknikariei, egunen batean zeregin horietan aritzeko asmoa dutenei, herri administrazioan, hezkuntza sisteman eta antzeko lan arlotan hizkuntza normalkuntzean erantzukizun publikoa dutenei,... zuzenduta dago.
Hiznet-en webgunean duzue informazio gehiago. Matrikula uztailera arte zabalik.
Euskararen egoera Nafarroan 2008
Euskarabidek atera berri du lana. Foru Komunitatean euskararen egoeraren datuak ematen ditu. Adibidez, %11,9 dira euskaldunak, %5 inguruk erabiltzen dute, eta %7,3k dute euskara lehen hizkuntza.
Testua pdf fitxategi batean jaitsi daiteke hemendik.
Konstruktibismoa, norbanakoaren eraikuntza eta motibazioa
Baina post-modernitatean sartzean, bereziki globaltasunarekin eta informazio eta komunikazio teknika berriekin, nortasunak beste itxura bat hartzen du eta konstruktibismoak esplikazio hobea ematen digu : nortasuna da gizabakoitzak beretzat eraikitzen duen zerbait, lehenagoko kulturaz jabetuz bai eta ere inguruko kulturak onartuz. Motibazio eskasa aipatzen dugularik, maizenik motibazio aldaketa bat gertatzen da.
Gazteenen motibapena 2006ko inkestan (Euskal soziolinguistikaz | Erramun Baxok soziolinguistaren kronikak).
Blogaren berri eman digu gure Txerrak, eta segidan aurkitu dugu aipamen interesgarria. Ez da bakarra gainera.
Udaltop topaketaren laburpena
Lan ta lanekoek lehengo astean egin ziren Udaltop topaketetan entzundako gauza interesgarrienak batu dituzte.
Transmisinoa eta erabilerea: jardunaldia Bilbon
Mendebalde Alkarteak Bilbon antolatu ditu jardunaldiok aste honetarako, barikuan eta zapatuan hain zuzen ere.
Txerra ohartu den moduan, egun beretan gai beraren gainean jardunaldi bi herri txiki honetan.
II soziolinguistika jardunaldia: bideoak eta materiala sarean
Soziolinguistika klusterrekoek otsailean egin zen II soziolinguistika jardunaldiko materialak sarean jarri dituzte jada. Bideoak eta aurkezpenak dituzue hor besteak beste.
Oximorona ala lapsusa?
Aldi berean elebidun eta elebakarra izan ote daitekeen elukubratzen hasi beharrean, hobe IV. Mapa Soziolinguistikoari kuku bat egiten badiogu (hemen pedefea). Eta ez horrelako "gazapoak" topatzeko soilik.
Ezagutza eta erabilera
Gurean ere, nahiz eta askotan kontrakoa esaten diguten, ez dira aparteko bi mundu ezagutza eta erabilpena. Uste duguna baino askoz lotuagoak daude.
Gomendagarria oso Argiarako Sustrai Colinak egin dion elkarrizketa: «Linguistikoki dominatzaileak ez bagara ere, hala bagina legez jokatu behar genuke»
Eralan proiektua, materialak sarean
Soziolinguistika klusterra Eralan proiektua ari da garatzen. Lan munduan burutzen ari diren normalkuntza planetan lidergoaren funtzioa aztertzea du asmo nagusia.
Egitasmoaren barruan ikastaro modukoak egiten ari dira, eta materialak eskuragai jarri dizkigute sarean: aurkezpenak eta saioetako bideo-grabazioak.
Gauza interesgarriak daude guztiontzat ere.
Soziolinguistikaz berripapera
Soziolinguistika klusterrak lantzean behin buletin hau bidaltzen du epostaz arlo horretan batu dituzten albiste interesgarrienekin.
Klusterraren webgunearen atarian ikus daiteke "enbotatua", edo MS word-en doc edo pdf formatuetan jaitsi. Txerrak kopipastea egin digu bere blogean eta hobeto irakur daiteke horrela.
Iradokizuntxo bat: albiste horiek Sareko Argian edo Atoan-en berton aurkezten ditugun moduan aurkezterik? Ez da zaila. Animo!
Azken iruzkinak