soziolinguistika
Soziolinguistika eskuliburua
Euskararen normalizazioan dihardugunontzat interesgarria eta baliagarria izan daiteke dudarik gabe Soziolinguistika Klusterraren eskutik datorren Soziolinguistika eskuliburua lana.
Paperean eskuratu daiteke, baina sarean ere badago (pdf).
Soziolinguistika eskuliburua
Soziolinguistika Klusterrak bihar aurkeztuko du normalizazioan lanean edo interesatuta daudenentzako gida hau.
Katalana, zer da hori?
Kataluniako Plataforma per la Llengua erakundeak hango unibertsitatetara kanpotik heltzen diren ikasleentzat Què és això del català? (Katalana, zer da hori?) gida sortu du hango hizkuntzaren gaineko oinarrizko informazioa ematen eta hizkuntz-egoera zein den azaltzeko.
Gida hemen daukazue (pdf), eta lehenengo kolpe batean pentsatzen hasi naiz hemen ere euskara urrun duten askorentzat (kanpoko nahiz bertoko) horrelako zerbait ez ote dugun behar. Euskara ikasten hasten direnentzat, adibidez. Akaso "ni X naiz" ikasten hasi baino lehenago zer ikasten hasi garen ezagutzea izan daiteke lehenengo ikasgaia.
Hiznet: 10 urte eta irakurgaiak
Garagoikoaren bidez jakin dugu Hiznet ikastaroak 10 urte bete duela eta webgunean irakurgai gomendatuen bilduman eskaini duela.
Zorionak bada.
Sareak
Euskarari ahalmen guneak sortzeak dagozkio, hizkuntzaren lurralde metaforikoak izango direnak. Azkenean sare izatea dagokigu, hau da, euskarak sarea izaten jakin beharko du XXI. mendean.
"Gure hizkuntza komunitatean aurrerapausoak eman dira, baina egoerak kezkatzeko moduan jarraitzen du" (Noticias de Navarra)
Via Argia
Ezjakintasuna
...gizarteak ez daki hizkuntza bat berreskuratzeko zer-nolako neurriak hartu behar diren; ez daki hizkuntzaren egoera ahula neurri bereziekin konpentsatu behar ote den; ez daki euskal hiztunen eskubideak zein gutxi errespetatzen diren...; hainbat gauza ez daki! Ezjakintasun horrekin, jendeak ezin du neurri batzuen premia ulertu, hizkuntza ikasi edo jakin beharra baino ez du ikusten eta, sentimendu horiekin, txotxongilo bat da alderdi politiko batzuen eskuetan
Euskara bai, baina nola? (Argia)
Adinekoen zaindariak
Duela urte batzuetatik hona, gure etxeetako adinekoak zaintzeko nagusiki etorkinak kontratatzen dituzte familiek. Etorkin hegoamerikarrak gehienetan eta gaztelaniaz mintzo direnak ia beti. Hain zabaldua den fenomeno honek ez bakarrik gure hizkuntz paisaian, betidanik euskaraz funtzionatu duten eremu intimoetan ere aldaketa nabarmenak ekarri ditu.
Zaintzaile etorkinak (Euskara Gipuzkoan)
Diglosia digitala
Hizkuntza bat erabilera eta erregistro aldaera guztietan erabiltzea da hizkuntza-normalizaziorako prozesuaren xedea. Pentsa dezakegu gaur egun "diglosia digitaleko" egoera bat gertatzen ari dela maila globalean: ama-hizkuntzak erabiltzen dira zuzeneko komunikaziorako, eta ingelesa erabiltzen da komunikazio digitalerako.
Euskara, irakasleentzako gomendioak
Garaigoikoan Txerrak Hik Hasi aldizkaritik bildutako aritikulu-zerrenda egin digu. Euskara kontuetan zer egin dezake irakasleak?
Hizkuntza berdintasunaz
...hizkuntza berdintasunaz gehiegi hitz egiten da, horrekin euskara ez dela gazteleraren aurretik lehenetsi behar adierazi nahirik, baizik eta biak parean jarri.
Nortasun kulturanitza eta eleanitza
Juli Palouk HABEren ekitaldi akademikoaren inaugurazioan eman zuen hitzaldiaren transkripzioa ekarri dute Hizkunea aldizkarira.
Euskalgintzaren sintesia bideoan
Euskararen berreskuratzea from Garabide on Vimeo.
Garaigoikoan ikusi dugu bideo hau. Garabide elkarteak "Euskalgintza modernoaren sintesia" proiektua du martxan, 12 DVDko sorta izango dena. Goiko bideo hori proiektuaren trailer-a dugu.
Hizkuntza nortasun eraikitzaile nagusia?
Euskal Herriari dagokionez, ez al dugu bada gure herria ere euskararen herria? Salbuespenak salbuespen, aho batez onartutako definizioa. Alegia, euskararen baitan sozializatutako gizataldeak sortutakoa. Euskararen baitan diogu, eta ez euskararekin, gainerako elementuak (kultura, lurraldea, historia, pentsamendua, balioak...) hizkuntzaren baitan baizik ezin baitira sozializatu gizakiaren eta gizataldearen nortasuna eraikitzeko. Euskara ez da beste elementu bat gehiago gure herriaren identitatean, oinarria bera da. Bera gabe gainerako ezaugarriak hutsaren hurrengo dira.
Hizkuntza dominatzailea (Berria: 09-09-12)
Linguanet ikastaro berria
Hizkuntzaren normalizazioaren inguruan dihardutenentzat berriro antolatu da ikastaro hau. 6. edizioa dagoeneko.
Informazioa: Linguanet.
Bilatu
Harpidetu
Azken iruzkinak