Jabetze-plangintza

Hizkuntzen ikaskuntza eta irakaskuntza dugu hizkuntza-politiken
alor garrantzitsuenetariko bat, eta hain da garrantzitsua ezen
soziolinguista batzuek hizkuntza-plangintzako berariazko alor bat gehitu diotela corpusaren eta estatusaren plangintzari: jabetze-plangintza (acquisition planning,
Robert Cooper, 1989). Mundu osoan ikusi da irakaskuntza dela familian
transmititzen ez diren hizkuntza gutxituak babesteko lehen tresna edo
baliabide bakarra. Horixe da Ipar Euskal Herrian ere gertatzen dena.