euskalduntzea
Asko balio dugu!
Ta hori dena, jakin ere gabe bi urteren buruan zenbat ikasiko duen, edo ezer ikasiko duen… Ta gu enteratu gabe, euskaldunok, euskara barruan dugunez, zenbateko altxor garen… Aizak, Pello, euskara bai dela gure baitako altxorra, hau bai ‘errikeza interior’ peto-petoa…
Patxi Lopezen klaseen aurrekontuaren haritik tiratu dute Pello Zabalak eta ermano baserritarrak.
Balio dugu, balio dugunez! (Mendiko behatokia - Berria.info)
Elealea: lehenengo saioa
Atzo iragarri ziguten ia derrepentean, eta atzo bertan hasi zen emititizen. Hemen duzue lehenengo saioa.
Zer iritzi?
Funtzionariak funtzionariari
Pero hay que decirlo todo, el navarro es el único Gobierno autonómico que tiene funcionarios para dar clases a funcionarios
Zer esana ematen dabil gaur Noticias de Navarra-n Euskarabideako zuzendariari egin dion elkarrizketa. Hauek baino gauza deigarriagoak esan ditu Azanzak bertan, baina niri honek eman dit arreta. Funtzionarientzako euskara irakasleez ari da.
Jagon Jardunaldietako hitzaldiak
Euskaltzaindiak webgunean jarri dizkigu ostiral honetan Bilbon emango diren hitzaldien laburpenak. Gaien artean gure arloarekin lotutako hau:
Klasera bidali ala euskaldundu?
Hemen kontua denak euskarazko klaseetara bidaltzea omen da, euren titulutxoak atera eta oposizio, lehiaketa eta lekualdaketetan aurkeztu. Itxurakeria. Hipokresia ere bai, behar bada? Gutxirekin konformatzen gara.
Euskaldundu, erredios! (Tiraka)
Ez dakienak konprenituko ez duena
Mila aldiz errepikatu da edozein hizkuntzak bere hiztunei mundu-ikuskera eta inguruarekiko sentiberatasun berezia eskaintzen dizkiela, eta inguruko errealitatea bere erara ulertzeko bidea ere bai. Eta oso bertokoa izan arren, euskaraz ez dakienak ezingo du hori inoiz konprenitu, igerian ez dakienak ur-gainean flotatzean zer sentitzen den sekula jakingo ez duen bezala.
Erlea aldizkarian jasotako hitzak Argia.com-en bidez heldu zaizkigu.
Mundura zabaltzen
Helduen euskalduntzearen ekimenek oihartzuna izan dute egunotan hemengo hedabideetan, baina hemendik kanpoko kanal batzuetara ere hedatzen hasi dira.
Gaztelania ohetik bota duten bikoteak
Titulu deigarri horren azpian Argiaren erreportaje interesgarria dago. Etxean hizkuntza ohiturak erdaratik euskara aldatu duten bikoteak. Duela hilabete batzuk zabaldu zen *Soziolinguistika klusterrak gai honetaz egin duen ikerketa eta handik hartu du iturria erreportajeak. Esan bezala gauza interesgarriak irakurriko ditugu:
Bi kideak euskaldun zaharrak ez ziren kasuetan –aztertutako gehienak–, beti egon da ikasketa prozesu bat tartean bilakaera hauetan. Hala izan denean, euskarazko erabilpena dosifikatzen joatea askok aipatu dute: errazenak egin zaizkien egoeretatik hasi dira, zailegia zaiena momentuz gaztelaniaz eginez eta progresiboki gehitzen joanaz.
Duda barik euskalduntzera hurbilduko zaizkigun lagun askok bikote hauen bidea hartu nahi lukete, eta esango nuke gure ikasleriaren parte garrantzitsua direla, kantiateagatik ez bada, kalitateagatik behintzat bai.
*Hemen daukazue txostenaren laburpena pdf-n jaisteko.
Euskafe
Nafarroan helduen euskalduntzea sustatzeko ipini duten Juan Valdesen berri eman genuen lehengoan. www.euskafe.com webgunea ere atondu dute kanpainarako.
Bideo eta guzti.
Via Sustatu
Huelgatik euskarara
"Huelga" hitzarekin bateratsu, orduantxe bertan, beste bat azaldu zen gure mundura, beste bat etorri zen gure hiztegia osatzera, aurrekoa bezain indartsua eta erabakigarria izan behar zuen hitz bat: euskera. Nerabeak ginen eta gogoan dut misterio lanbro batean bilduta azaldu zitzaigula hitz hura hasieran -orduko hainbat eta hainbat bezala- eta lehen euskal hitzak ia ahopeka ahoskatu genituela, zer esan nahi zuten ondo konprenitu gabe, kalez kaleko gure ibileretan. Honek eta hark esandako, han eta hemen entzundako edo irakurritako berben eta esalditxoen berri ematen genion elkarri. Laster hasi ginen euskera ikasten. Auzoan bertan....
Kolonoak eta jauntxoak (erabili.com) eta bere blogean ere bai.
Lander Landaren Kolonoak artikuluari erantzun gogorra idatzi du Rojok, etorkinen seme-alaba baten ikuspuntutik.
Murrizketak ertzaintzaren euskalduntze-ikastaroetan
EJren Barne Sailak ertzainak euskalduntzeko irakasleen plantila murriztea erabaki du, eta Labayru ikastegiarekin zeukan hitzarmena eten egin du ondorioz.
Via Tiraka.
Osakidetzaren euskalduntzea
Osakidetzaren euskalduntze prozesuaz erreportajea ekarri dute El Correon gaur. Hainbat datu eta iritzi ematen dira. Titularra Vocentoren estiloan: "Osakidetza gastó 24 millones la última legislatura para que sanitarios estudiaran euskera: La partida se destinó apagar las sustituciones de los 2.700 empleados liberados para acreditar el perfil".
Osakidetzako langile baten esperientzia kontatu dute beste atal batean:«Estudio siete horas diarias»
HABEmus zuzendari
EHAAn irakurtzen denez, Eugenio Mugika Galpalsoro da HABEren zuzendari gaurtik aurrera.
Euskaltegiak hezkuntza-sistemara?
Kanpotik etorritako pertsona heldu batek hemengo bi hizkuntzatan alfabetatu nahi izango balu, gaztelania ikasteko hezkuntza sistemara jotzea luke, euskara ikasteko, ordea, oraindik ere gau-eskola kutsua duen euskaltegi batera jo beharko.
Euskara Irakasleak-en talde bat sortu da Helduen Euskalduntzea Hezkuntza sisteman sartzea eskatzeko. Foro horretako Zergatik Kultura eta ez Hezkuntza? mezuan irakurri ditugu hitzok.
Ulertzeko eskolak
Zer egin behar da euskaraz ez dakitenak erakartzeko? Ulermena lantzeko eskola batzuk hartzera gehiago animatuko lirateke erdaldunak, horrek ez baitu horrenbeste inposaketaren mamu hori.
Lana euskalduntzeko blogekoek iritzia eskatu diote Lourdesi IV. mapa soziolinguistikoaren harira eta erabileran urratsak berriak emateko zer beharko genukeen: Elebidun (hartzaile)ekin egin dezagun euskaraz!
Bilatu
Harpidetu
Azken iruzkinak