bideoa
Karaokerako kantuak
Gabi de la Maza, Plentziako euskal girotze barnetegiko irakasleak euskarazko kantuak Karaokerako egokitu eta kanala zabaldu du Youtuben. Bere blogean nola egiten duen azaldu digu gainera.
Eta Euskaljakintzakoek (haien bidez ezagutu dugu Gabiren lana) wiki batean ipini digute kantuen zerrenda eta kantuak entzun ahala hutsuneak betetzeko ariketen zerrenda.
Gainera, nire gogokoena jarri dute. Ze polita! Entsaiatzera noa segidan.
Jardunaldi akademikoaren bideoa
Irakasleen Formaziorako bideo-sailaren barruan eskuragai dago lehengo eguneko jardunaldiaren grabazioa, bi DVDtan banatuta.
30+10 mintegiko bideoak sarean
Urriaren 23an Elgoibarren egin zen 30+10 mintegiko ponentziak bideoan jaso eta sarean jarri dituzte IMHkoek.
Hemen daukazue ale bat, Kataluniako Elena Blaya eta Jordi Bosch Tallers per la llengua egitasmoa azaltzen.
Wiziq, eskola birtualak zuzenean
Ikaslearekin zuzenean jarduteko tresna: arbel birtuala, bideoz edo ahoz jardun daiteke, edukiak banatu...
Uploaded on authorSTREAM by rmarsiglia
Educación tecnológica-n ikusita: Wiziq: clases virtuales en tiempo real
Han beste bi tresna hauek ere aipatzen dira: DimDim eta Yugma.
Kameratoia
Topaguneakoek laugarren aldiz antolatu dute "Ikus-entzunezkoen Rally" izenarekin hasi zen ekimen hau. Egun batean bideoa egin eta erakustea da kontua. Parte-hartzera animatzen ez bazarete ere, hortik ikus-entzunezko material deigarriak etortzen direla jakin.
Bat: Bahia Blancako ikasleen bideoa
Ikasbilen irakurri dugu. Argentinako Bahia Blancako ikasleek egin dute bideoa euskaraz.
Blog honetan dugu bideoaren meikinofa-edo.
Ikasteko bideoak
Consumer Eroski aldizkariaren teknologia atala berez izaten da interesgarria, eta bereziki gomendagarria "eski ni informatikaz....." konplexua Urte Berri egunean edo beste egun seinalaturen batean kentzeko propositoa hartu dutenentzat.
Artikulu honetan interneten hainbat gauza ikasi, irakatsi edo erakusteko sortu diren bide-guneen errepasotxoa egin dute. Euskara ikastea ez dute aipatu, baina, igual buelta pare bat eman eta ideia edo baliabideren bat aterako dugu hortik.
Wordia: hiztegia bideoekin egiten
Web2.0 zerbitzu honetan erabiltzaileek hiztegia osatzen dute hitzen definizioak bideoetan azalduz edo iradokiz. Proposamen erakargarria eta hizkuntzaren ikaskuntzari begira erabilgarria.
Voices of the world, dokumental interesgarria
Canal de Historia-n dokumental honekin egin dut topo. Munduan hizkuntza zertan den, galbidean dauden hizkuntzak, hizkuntza minorizatuak, slang-ak, identitatea, emozioak... Interesgarria benetan. Hiztunen esanak gehien bat. Aditu batzuk ere tartean: David Cristal, Peter Austin, eta Jørgen Rischel hain zuzen ere.
Dokumentalaren jatorrizko izena "Voices of the World" da, Janus Billeskov Jansen eta Signe Byrge Sørensen daniarrek zuzendu zuten 2005 urtean. Instituto lingüistico de invierno-n topatu dugu informazioa eta bideoaren lotura.
PD: Badakizue, David Crystal ostiral honetan izango da Donostian.
- « lehenengoa
- ‹ aurrekoa
- …
- 2
- 3
- 4
- 5
- 6
- 7
- 8
- 9
- 10
- hurrengoa ›
- azkena »
Bilatu
Harpidetu
Azken iruzkinak