bideoa
30 film euskaraz sarean ikusteko
Iragarri zuten bezala, gaurtik aurrera euskarazko 30 film ditugu ikusgai Eitb.com-en. Streaming-en bidez ikusi ahal dira filmok.
Bera / berdina
Santurtziko UEko Pilar Montoyak "bera" eta "berdina" bereizteko azalpen hau egin, bideoan jaso eta azpitituluekin publikatu du. Txalogarria ekimena.
Erroma, euskaltegia, zinea...
Ilazki Euskaltegian Erromaz, erromatarrez eta zinemaz jardun dutela dirudi, eta honelako "peplum" pare bat jarri dizkigute sarean. ;)
Euskara bidelagun: Aiaratik bideoa
Aiarako Berbalagunek eta Aiaraldea.com atariak spot hau prestatu dute Arabako bailara horretako biztanleak euskara praktikatzera animatzeko.
Euskaltube bizirik
Duela hiru urte abiatu zen Euskaltube geldirik egon da azkenotan, diru-arazoak medio. Internauta euskaldunoi bideoak eta audioak partekatzen lagundu digun ekimena laguntza eske datorkigu orain. Babesleak eta laguntzaileak behar ditu Euskaltubek.
Horra enbidoa, pasorik merezi ez duena.
Gaurko hitzak
Bi urte Gaurko Hitzak, eta hortxe enredatu gaitu Maitek geure bideo-hitza egiteko. Eta hazi eta hazi dabil zerrenda.
Zorionak, bi urte hauengatik, eta eduki duzun arrakastagatik. Honela jarraituz gero, Gaurko Hitzaren bideo-hiztegiak Euskaltzaindiaren tomo guztiek baino sarrera gehiago izango ditu.
Dissapearing languages
Google-ek arriskuan dauden hizkuntzak salbatzen-edo hasi behar du. Living Tongues Instituteko hizkuntzalari batzuek lagunduta Youtube-n kanala zabaldu du: Endangered Languages. "Disappearing Languages" irakurtzen da kanalaren buruan. Gure hizkuntza inoiz hor agertzen bada, ez dakit arduratzeko arrazoi gehiago ez ote liratekeen egongo lasaitzeko baino.
Bideo berriak HABEren formazio sailetik
HABEkoek antolatzen dituzten ikastaro eta hitzaldi asko bideoan grabatu ohi dituzte. Editatu, jaso eta gero liburutegian jartzen dituzte eskuragai. Halaxe egin duten azken urte honetan batzuekin, eta 10 aletan bildu dituzte (pdf). IFB deitzen da bilduma (Irakasleen Formaziorako Bideo-saila).
Atera arbela kalera!
Euskara praktikatzeko kanpaina honen berri bideo batekin eman digute Pratikatu blogean:atera arbela kalera! kanpaina berria
Ikasle baten Vloga
Vloga -bideo-bloga- ireki du Youtuben euskara ikasle batek. Euskaltegian izena eman du ikasturte honetarako eta bideo honetan (erdarazko bakarra izango ei dena) kontatu digu zein den bere asmoa: euskara ikastea jendearekin berbetan eroso egiteko beste, eta vlogak hori lortzen laguntzeko tresna izatea.
VlogaEuskaraz du izena kanalak. Naturaltasunaz eta gogoz ekin dio Asierrek abenturari. Ez dakit honelako esperientzia gehiago egon diren, baina hasiera interesgarria da, duda barik.
Kamarak euskaltegian
Barakaldon Bideo eta Argazkilaritza tailer batekoak Udal Euskaltegian sartu dira, eta euskaltegiko egun bateko testigantza polit hau utzi digute.
Ikasi euskara, eskertuko dizute
"Ikasi euskara, eskertuko dizute" izena duen bideoa zabaldu du Kontseiluak, gaztelaniazko bertsioa ere bada.
Ikasle Madarikatua
Ikasle madarikatua from Zenbat Gara on Vimeo.
Bilboko Gabriel Aresti euskaltegian bideo-lehiaketa antolatu dute ikasturte amaieran. Ikasle madarikatua hau dugu aurtengo irbazlea.
Via Camile Fauque
- « lehenengoa
- ‹ aurrekoa
- 1
- 2
- 3
- 4
- 5
- 6
- 7
- 8
- 9
- hurrengoa ›
- azkena »
Bilatu
Harpidetu
Azken iruzkinak