bideoa
Euskara bere bakardadean
Euskararen inguruko bideo sortak ari dira agertzen Youtuben azkenotan. Esango nuke Unibertsitateko ikasleen lanak direla. Deigarria eta desberdina Iratxe Garitagoitiak eta Nahikari Santanok sinatzen duten "Euskara bere bakardadean" hau.
Eibarren egongo da baten bat neskari konpainia egiteko, ezta?
Badakizu euskaraz?
Kalean egindako inkesta hau aurkitu dugu Youtuben. "Badakizu euskaraz?", "Norekin egiten duzu?", "Lanerako eskatu dizute?". Hiru pertsonak sinatu dute (Iraitz Madariaga, Irati Moreno eta Usoa Mediavilla), baina ez dakit norako edo nongoa den kazetaritza ikasleak direla ematen du.
Ohiko galderak izan arren, beti da interesgarria jendeari entzutea, ezta?Eta lana ondo eginda badago, gehiago. Zorionak egileei beraz.
Züperman
Sustatuk eman digu gaur bideogile zuberotar honen berri. Euskara ikasten dabil Züperman pertsonaia hau. Botere bereziak eta "dekoderra" erabili ditu AEKren ikastaldian dirudienez.
Testuen bideo-zuzenketa
Beak, kontinentean dugun kontaktuak , jarri gaitu jakitun. Frantziako telebista-albistegi honetan testuak eta azterketak bideoaren bidez zuzentzen dituen hizkuntza-irakasle ingeles baten berri eman dute. Russell Stannan du izen-abizen eta webgune. Eta zer egiten du Russell honek? Erraza:
- Ikaslearen testua testu prozesadore batez zabaldu ordenagailuan.
- Screencast edo pantailan geratzen dena bideoan grabatzeko programa bat (Camtasia kasu honetan) martxan jarri.
- Zuzenketa egin eta komentatu, mikrofonoa ere zabalik dagoela
- Amaitu ondoren, bideoa gorde eta ikasleari bidali
Betiko zuzenketa da, baina formatu berri honetan ikasleak pozik dabiltzala dio Stannanek. Proba egin beharko litzateke. Stannanek dio irakasleari ez dakarkiola ahalegin estrarik gainera. Hala den konprobatzen inor animatuko?
Baten bat ezagutzen dut zuzenketaren tortura arintzearren gustura probatuko lukeena.
Hemen daukazue lagin bat.
Egun bat mendian "in plain basque"
Ortuella BHIko ikasle-irakasleek klasera ekarri dute Commoncraft estiloa.
Via: Tres Tizas.
Azpitituluek laguntzen dute hizkuntzak ikasten?
Ikerketa egin dute Nimegako (Herbehereak) Radboud Unibertsitateak eta Max Planck psikolinguistika institutuak. Bertako ikasle batzuei bideo batzuk ipini dizkiete, batzuetan ingelesezko azpititulukein, besteetan euren ama hizkuntzan (neerlandera). Ondorioen artean, bigarren hizkuntzako azpitituluek ulermena garatzen ama-hizkuntzakoek baino gehiago laguntzen dutela dirudi. Bestalde, aldaera dialektalak ezagutzen eta ulertzen ere lagungarriagoak bide dira.
Interesgarria, eta logikoa ere badirudi. Hala ere, Europa Press-eko albistearen titularra gehiegizkoa iruditu zait. Gehiago lagundu dute bigarren hizkuntzakoek, baina ama-hizkuntzako titularrek ere zerbait ikasten lagunduko dute, ezta? ikasprozesuaren beste une batean, beste trebetasun batean edo bestelako edukiren bat akaso.
Via: Menéame.
Hizkuntz-portolioa ikasgelan
Santurtziko Udal Euskaltegiaren webgunean bertako Pilar Montoyak egin duen "El portfolio de lenguas en el aula" bideo-aurkezpena jarri dute.
Prestakuntzarako bideo berriak HABEn
HABEren liburutegian 11 ale berri daude. Uda honetan zehar egin diren ikastaro, jardunaldi eta hitzaldietan grabatuak.
Batean agertzen den bat ezaguna egin zait.
Superheroien gorabeherak
Zubiarte euskaltegian laburmetraia hau egin dute, eta guk Youtuben aurkitu.
Ikasleak mintzo: autoikaskuntza internet bidez
Santurtziko Udal Euskaltegian ikasleei galdetu diete zer euskara Internet-en bidez ikasteaz zer uste duten, bideo-kamara aurrean jarri eta hor dugu.
Bideoa enbotatu dut hemen goian. Ez dakit zelan ikusiko duzuen. Bestela lotura daukazue gorago.
Veus unides, ahots batuak hizkuntz-aniztasunaren alde
Kataluniako Generalitatek sustatzen duen Lingua Món - Casa de les llengües ekimenaren atari gomendagarrian Veus Unides (ahots batuak) proiektua aurkitu dugu. Munduko pertsonalitate ezagunak hizkuntz-aniztasunaren alde mintzo bideoan. Noam Chomsky, Paul Auster, Maria de Medeiros, Arata Isozaki eta Luigi Cavalli-Sforza besteak beste.
Honekin batera bideo-proiektu interesgarri gehiago dituzte han: Veus del món a Catalunya adibidez. Kataluniara etorri berrien testigantza eta esperientziekin egina.
Zarauzko Udal Euskaltegia: elkarrizketa
Zarauzko Udal Euskaltegiko zuzendariari egindako elkarrizketa hau aurkitu dugu Youtuben
.
Elkarlanen spot-a
Elkalanekoek ere sareratu dute euren bideoa.
Hitza hartu... suabe-suabe
Patxi Gaztelumendiren bitartez topatu dugu bideo hau. Berak dioen bezala hizkuntza sentitu eta adierazteko modu bat behintzat ekarri digute irudiok.
Hitzahartu izeneko kanala dago Youtuben, eta handik bidali zuten bideo-deialdia lehengo irailaren 12an bideoa grabatzeko.
- « lehenengoa
- ‹ aurrekoa
- 1
- 2
- 3
- 4
- 5
- 6
- 7
- 8
- 9
- hurrengoa ›
- azkena »
Azken iruzkinak