ekitaldiak
Euskara bere bakardadean
Euskararen inguruko bideo sortak ari dira agertzen Youtuben azkenotan. Esango nuke Unibertsitateko ikasleen lanak direla. Deigarria eta desberdina Iratxe Garitagoitiak eta Nahikari Santanok sinatzen duten "Euskara bere bakardadean" hau.
Eibarren egongo da baten bat neskari konpainia egiteko, ezta? 
Euskaraz bizitzeko aukerak Donibaneko Irrintzi euskaltegiarekin
Iruñeko Donibane auzoko Irrintzi euskaltegiak euskaraz bizitzeko aukerak izenpean jarduera sorta zabala atondu du gaurtik hasita eta datorren astera bitartean, auzoko jaiekin batera. Ondo pasa ba!
Ikasblogak 09
Hezkuntza munduko blogarien ekitaldi honen edizio berria. Aurten Erandion ekainaren 29an. Hemen duzue programa.
Kameratoia
Topaguneakoek laugarren aldiz antolatu dute "Ikus-entzunezkoen Rally" izenarekin hasi zen ekimen hau. Egun batean bideoa egin eta erakustea da kontua. Parte-hartzera animatzen ez bazarete ere, hortik ikus-entzunezko material deigarriak etortzen direla jakin.
Utzi korritzeari
Utzi korritzeari euskararen alde. Utzi maratoiak. Karrera ziztrin bat prestatzen ematen duzuen denbora piloa, zientoka ordu horiek euskarari eskaini ez zaizkion orduak dira. Susmoa daukat zuen alarde fisiko eta jendetsuak benetako ardurari ihes egiteko amarruak baino ez direla. Hizkuntza batekin lau gauza egin daitezke: hitz egin, irakurri, idatzi edota produktuak erosi eta dastatu. Hori bakoitzak egin behar du, bere bakardadean, bere etxean, bere baitako indar batez. Euskararen alde korrika ateratzen zareten bakoitzean zeuon barruan dagoen arduragabekeriari eta gezurrari ihes egiten diozue. Eman aurpegia; izan ausartak.
Euskara salbatzeko dekalogoa (Berria)
Bilatu
Harpidetu
Azken iruzkinak