unibertsitatea
Euskara irakurle/irakasle plazak Txilen eta Argentinan
Etxepare Institutuak Argentina eta Txileko unibertsitate bitan euskara irakurle plaza bana ditu betetzeko. Euskara irakurle horien lanen artean euskara klaseak ematea dago.
Hemen duzue deialdia EHAAn (pdf).
D eredua eta euskara maila
Emaitzek alarma piztu zuten, D eredukoek ere, behar besteko euskara maila ematen ez zutelako. Orain inolako azterketarik egin gabe, D ereduan aritzea berme dela, titulua emango zaie? Zaila da ulertzen Kultura Sailaren ekimena
EGA titulua aterako ez zuketen ikaskideak (Argia)
Gai honetaz sarean beste aipamen bi:
-
Gaztelaniaren Gaitasun Agiria. Urgellentzako ideiak (Ugaitz Zabala - Hitzak eta hotsak)
-
Matematiketan litzentziatu eta euskara titulua opari (Zu zeu)
Ikasi euskara Erasmus bidez
Etxepare Institutuak eta Birminghameko Unibertsitateak hitzarmena sinatu dute eta hango ikasleek euskara ikasteko aukera izango dute. Han hiru urtez ikasi, eta laugarrenean Erasmus programaren bidez amaitu beharko dute. Irakasleen artean Xabi Paya dugu.
Eitb.com-en ingelesez dago albistea. Hemen beste lotura bat gaztelaniaz:
Filologiabako baten erantzuna
Zeu ibili izan bazina, ostera, a zelango euskaradun aberatsak eta egokiak aterako ziren! Zeure esku leun eta samurren ferekak jasoko zituzten nire «atzaparrenak» barik. Gainera, zuk, «lan-merkatuan galduta» ibili beharrean, nire soldata eskastxo honen ordez (2.000 euro likido hilean, 14 paga, bi hilabeteko oporraldia udan, irail osoan ia ia antzera -fitxatu arren-, Gabonetako eta Aste Santuko hamabostaldiak, urtean zehar izaten diren jai-zubiak ....) halako bi edo hiru edo lau , gutxienez, kobratuko zenuke (zeure jakinduriaren tamainakoa, mesedez), eta hainbat liberazio eta baimen lortuko zenituzke ikastaro bereziak eta graduondokoak egiteko, zeure euskara-maila goren hori are landuagoa izan dadin eta bost urte horietan ikasitakoa ahaztu ez dagizun.
Luis Astorkia, Sestaoko Udal Euskaltegiko irakasleak gogor erantzun dio Berrian Josu Gotzon Landetari. Hark lehengoan Euskal Filologia mespretxuaren putzuan artikuluan hain zuzen, gogor kritikatu zuen bere ustez euskal filologia tituluari ematen zaion balioa.
Josu Gotzon Landetari erantzunez (Berria)
Polemika hau apur bat bizantinoa iruditzen zaion bakarra naiz?
1000 lagunetik gora unibertsitatean euskara ikasten munduan
Gure hizkuntza ikasteko munduan interes apur bat badagoela dirudi, hemengo batzuengan baino gehiago bai.
NUPen mahai ingurua egingo da gaur ikasle horiekin gainera.
Kredituak mintza-berba-lagun-kide unibertsitarientzat
Mintzalagun modura euskara ikasten laguntzen duten unibertsitariek kredituak eskuratzeko aukera izango dute EHU eta AEK-k sinatu duten akordioari esker.
Ez da plan txarra. Klasera joan beharren berriketan jardun eta gainera kreditua. Animoa neska-mutilak!
Didaktikatik euskaltegira
Ikasleek euskaraz ondo ez dakitenez, euskaltegi bihurtu dira euskararen didaktikaren klaseak. Oso tristea.
Twitter-en botata (@ainhoaeusk). Unibertsitateko ikasleen azterketak direla eta.
Kotalaia2.0, komunikazio ikasleen bloga
EHUn martxan dauden euskarazko trebakuntza programen barruan Komunikazio Zientzien fakultateko ikasleek blog hau sortu dute Euskararen araua eta erabilera ikasgaiko jardunetik abiatuta. Hango ikerketak eta gogoetak sarera zabaldu nahi dituzte hain zuzen.
Joseba Ezeizak jakinarazi digu Karrajuan, eta berarekin batera Oier Aranzabal dabil admistratzaile. Bloga kolaborazioetara irekita dago.
Nola garatu komunikazio gaitasunak ikas-irakaskuntza prozesuetan?
Joseba Ezeizak (eskerrik asko!) eman digu webgune honen berri Karrajuan. Unibertsitateko irakasleei zuzenduta dago berez, baina hainbat arlotako ekarpen baliagarriak izan ditzake, baita guretzat ere.
EHUren Uda ikastaroak
EHUk urtero antolatzen duen ikastaro-sortaren egitaraua (gaztelaniaz baino ez oraingoz) argitaratu dute dagoeneko, eta urtero bezala HABEk EHUrekin batera antolatzen duen bat ere badago: El profesor de segundas lenguas / II: la formación inicial y el desarrollo de la competencia docente (pdf)
Beste honek ere interesgarria ematen du: Aprender eficazmente una lengua extranjera (pdf).
Doktore euskaldunak
Ikasketa guztiak euskaraz egitea lortu arren, gradu ondokora heltzean erdara hutsez ikastera behartzen gaituzte. Gero, zori eta azarearen arabera zuzendari erdalduna edo elebiduna egokituko zaizu eta horrek, hizkuntzari dagokiola, zure jarduera osoa erabat baldintzatuko du. Eta horri guztiari gehitzen badiogu euskarazko material-eskasia, euskarazko zuzentzaile-eskasia, euskararekiko konplexuak eta 4-5 urtetako ikerkuntza-aldiak sortzen duen nekea, azkenean nor egongo da prest tesia euskaraz lantzeko?
Tiraka-ren bidez.
Zer da OCW?
OpenCourseWare zer den eta zer ez den definitzen dute Salamancako unibertsitateko gune honetan.
Funtsean, zenbait unibertsitatek erabiltzen dituzten ikasmaterialak sareratzean datza. Baliagarria oso, ikaskuntza ezformalerako, beste unibertsitate batzuetako irakasleek beren materialak atontzeko eta erabakiak hartzen laguntzeko horietako gai batean ikasle izateko asmoa dutenei.
Partekatzearen kultura leku guztietara heltzen ari dela dirudi. Leku guztietara?
Internetarako gramatikaren entziklopedia egingo du EHUk
Bide batez, internetArako ala internetErako?
EHU: hiztegiak eta gramatika sarean
EHUk sarean jartzeko asmoa duen proiektuen berri: hiztegiak, corpusak,gramatika.
Bilatu
Harpidetu
Azken iruzkinak