Escuela de Sara blogean euskarari buruzko azalpen linguistiko-filologiko interesgarriak egiten dituzte gaztelaniaz. Oraingo honetan euskararen ortografiaren nondik norako batzuk ezagutzeko parada eman digute.

Iturriren bidez izan dugu gaztelaniazko azentu ortografikoak kalean zuzentzeko ekimen honen berri.

Euskaraz azentuak ez, baina halako zuzenketak egiten ez litzateke lanik faltako.

Wwwhat´s New-k Internet-ek hizkuntza lantzeko ematen duen beste aukera bat aurkeztu digu. Lehengoan azken belaunaldiko hiztegia aurkeztu zigun, eta oraingoan gramatika edo ortografia zalantzak argitzeko bide bat ekarri digu.

Websource.it berez ez da hizkuntza kontuak garbitzeko lekua, Google-en aldi berean bi termino bilatu eta emaitzak erakusten dituen zerbitzua baino. Baina hizkuntzari begira aukera bat eskaintzen du: hitz baten idazkera edo formaz seguru ez bagaude, aukeran ditugun bi termino sartu, eta zein den erabiliena esango digu. Probabilitate handiagoa dago termino zuzena ager dadin. Hona hemen proba batzuk:

• "blogan" vs. "blogean"
• "maiatzan" vs. "maiatzean" 
• "ezkerrik asko" vs."eskerrik asko"
• "arreta" vs "harreta"
• "Donostia" vs."Donosti".
• "ilargia" vs. "hilargia"

Zer? Asmatzen du?

Honez gain, edozelako konparaketak egiteko erabil daiteke.

Euskaltzaindiak 156. araua aurkeztu du, alfabeto zirilikoaren transkripzioa (pdf). Errusiera, Ukrainiera, Bulgariera, Serbiera eta Europa Ekialde zein Asia erdi aldeko hainbat hizkuntzatako hitzak eta izenak euskarara ekartzeko bideak.

Potemkin edo Potiomkin, Eisensteinen maisulana maisulan betiko:

UEUren Buruxkak liburutegi digitalean e-liburu hau dugu nobedadeen artean. Badakit ez garela umeekin ibiltzen, baina gainetik begiratuta ortografia, puntuazioa eta idazkeraren izaera eta eskuratzeari buruzko gauza interesgarriak daudela begitandu zait.

Irene Arraratsek siglak eta deklinabidea ezkontzeko aholku, gida eta arau batzuk eman dizkigu 2itzul blogean.

Sechu Séndek hortografia faltekin duen harremana azaltzen. Neuk ere sentitu dut halako zerbait inoiz (to atxaki merkea!)

Gaztelaniazko testu ezagun bat errorez beterik dago. Txakurrak ortozik...