ikastea
"Euskeraz ikasi" aplikazioa
Market eta Store desberdinetan saltseatzen "Euskeraz ikasi" izeneko aplikazio hau aurkitu dut. Iker Etxebarria garatzaileak sortu du doako aplikazio hau, funtsean hiztegia, zuzentzaile ortografikoa eta hiztegi-ariketen bilduma da, interfazea gaztelaniaz da, eta esango nuke zer hobetu asko dituela, ikuspegi didaktikotik zein teknikotik.
Edonola ere, euskara ikasten laguntzeko gailu mugikorretan erabiltzeko lehenengo "aplikazioa" dela uste dut, eta hala bada aipamena merezi du behintzat.
- Android bertsioa telefonoetarako (Android Market)
- Android bertsioa tabletetarako. (Android Market)
- iPhone bertsioa (App Store)
- Chrome bertsioa (Chrome web store)
Bizitza osoa
Euskaraz berriro ikasten hasi naiz. Ilusioarekin, benetan. Astean bost ordu. Ez da gehiegi, badakit. Ez daukat denbora gehiago.
“Zenbat denbora behar dugu hizkuntza bat ikasteko?”
Hori izan da irakasleak egin digun lehenengo galdera, gaur goizean, lehenengo klasean.
Berehala ikasle batek erantzun du: Bizitza osoa.
Eta ados nago.
Berriro euskararekin (Euskaldunberri naiz)
Verbling: hizkuntzak praktikatzeko "chatroulette" bat
Duela hilabete batzuk ezaguna egin zen Chatroulette, ausazko bideo-txataren ideia original, barregarri eta eskandalagarri ere suertatu izan da. Ausazko harreman horren ideiak beste aplikazio batzuk eduki litzake, eta hala ikusi dute Verbling honen sortzaileak. Hizkuntzak praktikatu behar dutenentzat aukera izan daiteke.
Gaztelania eta ingeles hiztunekin soilik funtzionatzen du nagusiki oraingoz. Sistema erraza da, zeure ama-hizkuntza eta bigarren hizkuntzako maila zehaztu eta konektatu. Bosna minutu hizkuntza bakoitzean jardun (gaztelania eta ingelesa adibidez) eta beste "bikote" bat topatu.
Via @beatxo
Sare sozialak eta hizkuntzen ikaskuntza
LdeLenguan Language Learning and Social Media – 6 Key Dialogues proiektuaren berri eman digute. Sare sozialek hizkuntzen ikaskuntzan zer eragin duten eta zeintzuk aukera ematen dituzten aztertu eta eztabaidatzeko taldea da. Pertsona batzuen esperientziak erakutsi dizkigute bideo honetan
Subjuntiboaren kontra
Subjuntiboaren madarikazioa ez da euskararena bakarrik. Gaztelania ikasten duten eslovakiar batzuk subjuntiboaren kontra matxinatu eta taldea sortu duten Facebook-en.
Mitxelena XVIaren oihanean hartu beharko ote du babesa subjuntiboak ergatiboaren arrimuan?
ele...mental edo NodosElen irakurri ditugu berria eta eztabaida.
"Bidaia intimoak" sarean
Duela bi urte, Korrika 16ren bueltan, Bidaia Intimoak dokumentala estreinatu zen. Lau pertsonak euskararekin izan duten istorioa eta "bidaia" kontatzen digun film gomendagarri hau sarean dugu orain, Argiaren dokumental bilduman hain zuzen ere.
Politikariak euskaltegira
robergutierrez-ek tuiteatu du komiki hau. Ez dakit norena eta nongoa den, Montxokok Euskaraban publikatua. Ez dago txarto ideia, hauteskunde urtea eta hauteskunde urtea ez denerako.
Erabiliz ikasten da
“Lehendabizi ikasi, gero erabili” paradigmaren mende gauden artean jai dugu. Erabiliz ikasten da, hemen eta nonahi. Hori baino ikuspegi integratuagoa behar da, ezer lortuko bada euskalduntze alorrean: bai azken orduko etorkinekin eta bai, nola ez, hasieratiko vasco-erdaldunekin. Etorkinen eskola bidezko euskalduntze-saioen eragimena mugatua da oso, eta hala izango da gero ere, saio horrek beren bizi- eta lan-ingurumenetik deskonektaturik jarduten duen artean.
Euskararen legeak hogeita bost urte. Eskola alorreko bilakaera: balioespen‐saioa liburuaren pasartea.
Liburua hemen duzue (pdf).
Txerraren bidez.
Euskararen zailtasuna... klasean
Nire ustez zailtasuna neurri handi batean mito bat da; mito bat eta aitzakia bat ikasi nahi ez duten pertsona askorentzat. Hala eta guztiz ere, puntu batean egon ninteke ados zailtasunaren tesi horrekin. Zergatik? Hasieran euskara ezagutzen ez duenak, ikasten hasten denean, ez daukalako heldulekurik. Hau da, nahiz eta ezagutu ingelesa, alemana edota gainontzeko hizkuntza asko ezagutu, ni gogoratzen naiz aurreneko asteetan euskaltegiko klase haietan elkarrizketa labur bat entzuteko eta bikotekidearekin errepikatzeko kasete bat jartzen zigutenean, badakizu: 'kaixo, zer moduz, ni Ludger naiz' eta horrelako gauzak, hemengo jendeak hori jada entzunda zeukanez, ez zeukan inongo arazorik esaldi hura errepikatzeko. Nik, ordea, nola ez nekien non hasten zen hitz bat eta non bukatzen zen hurrengoa, benetan tontoa bezala sentitzen nintzen klasean, ez bainintzen gauza izaten ezta esaldi bakar bat errepikatzeko ere.
Zaila ala erraza?
Txerrak azken egunotan euskararen zailtasunaren inguruan agertu diren artikulu batzuk batu ditu Garaigoikoan. Baita honen inguruko galdera bat bota ere.
Zeinek du ikasi beharra?
"Ikasi? Zeinek du hemen ikasi beharra? -mikaztu natzaio- Gizon horrek bere hizkuntza ezezik gurea ere ondo zekien. Baina zer dakigu guk eta, batez ere, zer dakizu zuk aimaraz?"
Tirakan eman digute Lontxo Rojoren berri. Munduan barrena bizikletaz dabil Lontxo eta izen bereko blogean dabil bidaiaren berri ematen. Bolibian gertatu zitzaion pasadizo linguistiko baten errematea dira hitz horiek.
Hemen irakur dezakezue: Trujillo (Peru). 2011ko urtarrila (Munduan barrena bizikletaz)
HEOS: ingelesa ikasteko... sistema eragilea
Hizkuntzak ikasteko teknologia informatikoak zenbat aplikazio izan ditzakeen ez gara kontatzen hasiko, oraingo honetan sistema eragile osoa atondu dute. HEOS ingelesaren ikaskuntzara bideratutako linux distribuzioa da.
Ubunturen gainean eraikita, ikasleentzat nahiz irakasleentzat hainbat tresna, aplikazio eta zeribitzu dakartzan integratuta. Ordenagailu sareak kudeatzeko ere prestatuta omen dator.
Via Genbeta.
Lagunak egin
aholku hori ematen diet ingurune erdaldunetan bizi diren ikasleei, adiskide euskaldunak egin ditzatela
Duela hogei urte antolatu zen Argentinan lehen barnetegia. Euskara ikasi ez ezik, irakasleak trebatzea ere zen asmoa. Han ikasi zuen Maite Bilbaok eta gaur egun Hernaniko AEKn dihardu irakasle.
Gazezulon irakurri dugu erreportaia: Euskaraz, che! eta Zuzeun hartu dugu erreferentzia.
100 egun to learn euskera
Nine days until my Basque adventure begins. There are so many things I want to do and only a little over 100 days to do them all.
1. Learn Euskera (Alde Zaharra, AEK; Maizpide, Lazkao; Gabriel Arresti, Bilbo)
...
Urte berrirako asmoak azaldu Idahotik Euskal Herrira etorri den ikasleak, Barnetegi eta bidaiatzen blogean hain zuzen ere: Urte Berri (Barnetegi eta bidaiatzen)
Erreala euskara... irakasten?
Polita Errealeko jokalariek egin duten bideo hau, didaktikoa ere bada.
- « lehenengoa
- ‹ aurrekoa
- 1
- 2
- 3
- 4
- 5
- 6
- 7
- 8
- 9
- …
- hurrengoa ›
- azkena »
Bilatu
Harpidetu
Azken iruzkinak