Artikulu interesgarria eta erabilgarria Baionako AEKren blogean aurkitu dugun hori, Joseba Aurkenerenak idatzita eta Kazeta.info-tik ekarrita.

Umeekin euskaraz berba egiteko gutxien-gutxienekoak lantzeko saio sorta antolatu du Ermuko Udalak. Saio laburrak dira, Ku-ku izeneko materiala banatuko da saioetan.

Via: elcorreodigital

ETBren albiste honetan Madrileko Euskal Etxean atondu duten euskaltegiaren berri eman digute. Hemen euskaltegia hitza helduekin lotzera ohitu gara, baina Euskal Herritik kanpo umeak izaten dira sarri euskaltegien "bezero".

Belen Regueira kazetari galiziarrak Mestre Mateo saria jasotzean esan zituen hitz eder hauek.

Iñaki Eizmendi Ebeteko kideari egin diote elkarrizketa. Euskaraz eskolaratutako umeen gurasoek dakiten euskara apurrarekin zertzuk eta zelan egin ditzaketen azaltzen ditu.

UEUren Buruxkak liburutegi digitalean e-liburu hau dugu nobedadeen artean. Badakit ez garela umeekin ibiltzen, baina gainetik begiratuta ortografia, puntuazioa eta idazkeraren izaera eta eskuratzeari buruzko gauza interesgarriak daudela begitandu zait.

Gaur arratsaldean Armas, Germenes y Acero dokumentala ikusten nagoela, filmako pasarte honek eman dit gogoa kopiatu eta hona ekartzeko. Ez dakit zehazki zergatik, polita begitandu zait ume afrikar horien eleaniztasuna, eta hori baino ez da akaso.

Guns, Germs and Steel Jared Diamond (bideoan agertzen den "bwana") biologo eta irakasleak idatzi zuen liburua da. Berton Europarrok mundua zergatik menderatu dugun azaltzeko teoria berezia aurkeztu zuen.

Liburuaren gainean dokumental hau egin zen. Lehen eman dudan helbidean ikusi ahal duzue gaztelaniaz. Kalitate hobean nahi baduzue, kargamandoari eskatzea daukazue (1, 2 eta 3).  

Zabaldu.com-en bidez.