testuak
Anjel Lertxundi: internet eta idazteko era
Anjel Lertxundik gogoeta hau utzi zigun atzo Mahatserriko Irakurlearen Tartean. Internet eta teknologia idazteko erak, ohiturak, formatuak eta bideak zelan dabiltzan aldatzen azaldu zigun. Idazlearen eta interneteko erabiltzailearen esperientzia pertsonaletik abiatuta, formatu eta bide berriak jorratu eta probatzen dituen idazlea da Andu, konplexu eta aurriritzi barik.
Aintzat hartzeko gogoeta duda barik. Eta eredugarria Anduren jarrera, nire uste apalean.
EGA azterketan idazteko #EGA=$
Azterketa honetan idatzitako testu eta bertan agertzen diren elementu guztien jabetza intelektualaren eskubideak [Jarri zure izena](e)k dauzka.
[Jarri zure izena](e)k bere buruari aitortzen dio, edozein unean eta aurretiaz ohartarazi gabe, berton dagoen informazioa edo haren konfigurazio zein itxuraren aldaketak eta eguneraketak egiteko ahalmena.
Bai testuen irakurketa, bai bertan dagoen informazioaren erabilera, erabiltzailearen ardurakoak izango dira. Aipatutako irakurketak edo informazio erabilerak sor dezakeen ondorio edo kaltearen inguruan, [Jarri zure izena](e)k ez du inolako erantzukizunik izango, bere eskumenen erabilera zehatzetan jarraitu behar dituen legezko xedapenak ezartzearen ondorioak diren egintza guztietan izan ezik.
[Jarri zure izena](e)k ez du bere gain hartzen testuan hirugarrenek egindako zuzenketetatik, iruzkinetatik edo testuaren edukietatik sor daitekeen inolako erantzukizunik.
Azterketa honek duen informazioa baimenik gabe erabiltzeak eta baita ere [Jarri zure izena](r)en jabego intelektual eta industrialaren eskubideetan sorturiko kalte eta galerek, aipatutakoari legez dagozkion egintzak erabiltzeko bidea emango diote eta, horrela badagokio, horren ondorioz diren erantzukizunetara.
Aurten EGA azterketa (edo bestelakoren bat ere bai badaezpada) egiteko asmoa daukazuenoi azterketan, idazlanaren amaieran testu hau idaztea gomendatzen dizuegu.
Badaezpada... Gure obra edonoren eskuetan jausten bada edo.
Xedeak eta xedeak
Xede guztiak ez dira zilegi. Dugun euskara maila erakustea, esaterako, EGA azterketa egin behar duenarentzat izan liteke egoki, baina hortik kanpo oso gutxitan.
(Ahozko) Komunikazioa: eginak egin, badugu zer egin (Jendaurrean Hizlari liburuaren harira). Administrazioa Euskaraz aldizkariaren 62. zenbakian argitaratutako artikulua (pdf. 20.orr)
Lan ta Lan-en bidez.
albiste bilatzaileaMikronarrazioen lehiaketa
EuskoSarek antolatu du hirugarren aldiz. Testu laburrak sortu eta irakurtzea hizkuntzaren ikaskuntzarako jarduera interesgarria izan daiteke. Gainera 300 hitzeko neurria ere ezaguna dugu, ezta?
Hitzaditza: emaitzak eta testuak sarean
Hitzaditza lehengo astean egin zen Baionan. Orain emaitzekin batera erabilitako testuak jarri dituzte sarean.
Hizkuntza teknologiak ikasleen testuak aztertzeko. Ikastaroa UEUn
UEUren udaberriko eskaintzaren barruan hau aurkitu dugu.
Bilatu
Harpidetu
Azken iruzkinak