euskaltzaindia
Euskaltzaindiaren baliabide berriak: HBO eta LB
"Hiztegi Batua. Irizpideak, prozedurak eta tresnak" jardunaldiaren barruan aurkeztu ditu Euskaltzaindiak Hiztegi Batu OInarriduna (HBO) eta Lexikoaren Behatokia (LB). Ahotsak.com-eko lagunek eman digute horren berri eta lehenengo azalpena.
Literatura terminoen Hiztegia sarean
Literaturaren ikerketan, historian eta abarretan garatutako euskarazko terminologia batu du Euskaltzaindiak eta sarean dugu kontsultagai. Gaur aurkeztu du Andoni Sagaranak.
Ez al zaigu inor erretxinduko! XD
Euskaltzaindiaren arau-erabakien multzo berria
Aspaldian daude batzuk iragarrita, baina aste honetan zabaldu dira e-AEB zerbituzaren bitarteaz.
- Hiztegi Batuan, E letran oharrak gehitu dira.
- Euskal Onomastikaren Datutegia eguneratu da.
- 156, 157 eta 158. arauak gehitu dira.
- JAGONET kontsulta zerbitzuko edukia eguneratu da.
Euskaltzaindiaren arauak lantzeko ariketa sorta berria Euskaljakintzan
Ariketa berriak ditugu Euskaljakintzan, Euskaltzindiaren arauak lantzekoak. Berrikuntza gehiago gainera, ariketok Maiteren ikasleek eurek sortutakoak dira.
Kanpoko leku-izenak ahoskatzeko gomendioak
Euskaltzaindiak kanpo-izenak ahoskatzeko gomendioak plazaratu ditu. Gomendioak gomendio direla gogoratuta hona adibide batzuk:
- Zurich: <tzurij> ("tz" hasieran eta euskalki batzuetako edo gaztelaniazko "J" bezala amaieran)
- Yorkshire: <jorkxair> ("j" hori "y" bezala ahoskatuta)
- Hamburg: <hamburg> (Iparraldean "h" ahoskatzen den bezala, bestela Hegoaldean gaztelaniazko "j" hori ahoskatzeko aukera ematen da)
- Tübingen: "ü" hori zubereraz ahoskatzen den bezala. Bestela ü hori ahoskatzeko zailtasunak dituztenentzat "tibingen" edo "tubingen" alternatibak ematen ditu.
Jagon Jardunaldietako hitzaldiak
Euskaltzaindiak webgunean jarri dizkigu ostiral honetan Bilbon emango diren hitzaldien laburpenak. Gaien artean gure arloarekin lotutako hau:
Etorkinak eta euskara jardunaldiak eta Dolz-en hitzaldia
Euskaltzaindiak XIV. Jagon Jardunaldiak egingo ditu datorren azaroaren 20an. Aurtengo gaia "Etorkinak eta euskara" izango da. Programan didaktikaren munduan ezaguna den Joachim Dolz irakaslearen hitzaldia dugu.
Abizenak eta deiturak
Mikel Gorrotxategi, Euskaltzaindiaren Onomastika Batzordeko idazkaria euskal abizenez mintzo Euskonews-en, Euskal Herria Mugaz Gaindi mintegian eman duen hitzaldiaren harira.
Apur bat off topic izan daiteke hemen, baina beti izaten da gai interesgarria izen eta abizenena, eta gainera bideoan eta argi azalduta (euskara irakaslea izan da Mikel).
Orotariko Euskal Hiztegia Interneten
90. urteurrenaren ospakizunen karietara Euskaltzaindiak OHE ipini digu Interneten ikusgai eta kontsultagai.
Hemendik aurrera oraindik errazago "...eta Euskaltzaindiak zer dio?" galderaren erantzuna.
Biologia, ez arkeologia
Jakin behar dugu, akaso, fisika nuklearra irabazi dugula baina galdu sukaldea, lagunartea, egunez egunekoa, seme-alabekiko edo gurasoekiko adierazkortasuna. Pentsa dezagun, agian, galdu egin dugula, guztiok aberastu gaituen ahozko euskararen transmisioa, finean euskara idatzirako jauzia ahalbideratu diguna. Hauxe da gaur egungo erronka nagusia, alegia, nola bultzatu euskararen transmisioa maila afektiboan eta maila ez-formalean.
Beste kontu interesgarri batzuk ere aipatzen ditu Andres Urrutia euskaltzainburuak, El Correon egin dioten elkarrizketa honetan.
Erlea
Euskaltzaindiak argitaratu eta B. Atxagak zuzenduko du Erlea aldizkari berria. Literatura izango du hizpide eta langai. Izen handiak ditugu bertan.
Eztia ala eztena? Kulturgintzak biak ala biak behar dituelakoan nago.
Ongi etorria aldizkari berriari!
Ahaztu ohi direnak
...Ahaztu egiten dugu euskara bera komunikatzeko tresna bat dela beste hizkuntzak diren bezalaxe, baina ahaztu egiten dugu euskarak berak nolabaiteko nortasuna ematen digula. Eta batzuek ulertzen dute nortasun hori modu batera eta beste batzuek beste era batera.
Noticias de Alava egunkariak egin diote elkarrizketa: "Ez dago hizkuntzen arteko gatazkarik; horiek kanpoko osagaien bitartez sortzen dira"
Azken iruzkinak