azterketak
HABEk sinposioa datorren astean
Gutuna heldu da gaur, eta Ikasbilen ere eman dute horren berri. HABEk sinposioa antolatu du EALTArekin batera datorren astean Donostian. Gaia: hizkuntz-proben nondik norakoak.
Programa luzea datorren ostiralekoa, hiru hitzaldi goizean, eta eztabaida taldeak eta mahai-ingurua arratsaldean. Programa potoloa, astebeteko digestioa beharko du.
Aztertzaileei
Kokoteraino egoteaz gain, nekatuta gaude urte osoa eman dugulako azterketak prestatzen: hamaika atariko, hamaika idazlan, eta hamaika eztabaida. Ideiak bukatu zaizkigu!
Ahozko azterketaren atarian eskari-aholku batzuk bota ditu Elenak aztertzaileentzat nahiz azterketarientzat: Ahozkoan, laguntasuna, mesedez!
Kezkagarria ahozko proban azterketarien arteko lehia-giroaz dioena.
Azterketak zer diosku?
Hace tiempo que los exámenes me dicen muy poco de los alumnos. A lo sumo, un examen de lengua puede dar idea de la competencia lingüística, pero muy poco de la pragmática o de habilidades comunicativas relacionadas con la sociedad
Antonio Solanoren hitzok Lourdes Domenech-en A pie de aula blogeko iruzkin batetik hartu ditugu. Hain zuzen ere hizkuntza-gaitasuna zer den eta konpetentzien saltsa horretan hizkuntzaren paperaz Lourdesek egin duen gogoetatik abiatuta: Competencia lingüística: Dos definiciones y una interpretación.
Gomendagarria post osoa beraz, bereziki Lourdesek ekarri digun mapa kontzeptual hau.
Euskaltegirik gabe triste
Ikusten duzuenez oso triste nago. Zer edukiko duen euskaltegiak droga bat izango balitz bezala behar dudala?
EGA lortu eta euskaltegira ez da gehiago joan behar, eta triste. Graduondoko masterrak antolatzen hasi beharko dugu geuk ere?
Eguneraketa (El euskaltegi)
IVAP-HAEE: hizkuntza eskakizunak egiazatzeko deialdia
Santurtziko Udal Euskaltegikoek eman digute horren berri.
Ikasleentzako diru-laguntzak eskatzeko epea
Azterketa EAEn gainditu dutenek irailaren 8tik aurrera diru-laguntza eskatu ahal izango dute.
Diru gehiago azterketa gainditzen dutenentzat
Eusko Jaurlaritzak aurten 500.000 euro inguru gehiago emango ditu HABEren mailakako azterketak gainditu duten ikasleentzat. Igoera handiena 1. eta 2. mailetan izan da. Matrikularen kostoaren %75 estaltzea dute helburu.
%100 inoiz?
EGA gainditzeko irizpide bat gehiago
20 Minutos tema berezia dute EGArekin. Gaur zabaldu duten albistearen arabera azterketan zelan idatziari ez ezik, zer idatziari ere arreta eman beharko zaio. Idazlanetan iritzi eta jarrera sexista, homofobo eta arrazistak ez bide dira onartuko, eta ondorioz azterketa ez da gaindituko, antza denez.
20 Minutosekoak aztertzaile jarrita zenbatek gaindituko?
Azterketak automatizatzen Ikasbilen
Ikasbileko sekuentziak atalean azken urteotako mailako azterketak sarean automatizatuta egiteko prestatzen ari direla ematen du. Entzumena, irakurmena eta gramatika eta lexikoaren arabera banatuta. Hona hemen batzuk:
- 2008ko urria. 3. maila. Gramatika eta lexikoa
- 2005eko maiatza. 2. maila Irakurmena
- 2008ko urria. 3. maila. Entzumena
Bestalde, idazmenari dagokionez ikasle batzuek egindako idazlanen gaineko sekuentziak eskaintzen dituzte "Idazlana hobetzen" izenburupean:
- Idazlana hobetzen 3. maila: Gorputz perfektuaren bila
- Idazlana hobetzen. 3. maila. Gaur egungo kontsumoa
- ...
Azterketak hurbiltzen ari dira, duda barik.
Liburua: Osakidetzako probak
Hizkuntz-eskakizunez gero eta gehiago hitz egiten dela, Osakidetzak bere probak bildu eta liburu batean argitaratu ditu. Beste azterketa-liburu bat beraz munduan.
Kasu honetan ez dirudi "ibilbideen" arazorik egongo denik. Izan ere, azterketa ereduak (ez dakit liburuan dauden guztiak ote diren) sarean ere badaude.
EGA azterketan idazteko #EGA=$
Azterketa honetan idatzitako testu eta bertan agertzen diren elementu guztien jabetza intelektualaren eskubideak [Jarri zure izena](e)k dauzka.
[Jarri zure izena](e)k bere buruari aitortzen dio, edozein unean eta aurretiaz ohartarazi gabe, berton dagoen informazioa edo haren konfigurazio zein itxuraren aldaketak eta eguneraketak egiteko ahalmena.
Bai testuen irakurketa, bai bertan dagoen informazioaren erabilera, erabiltzailearen ardurakoak izango dira. Aipatutako irakurketak edo informazio erabilerak sor dezakeen ondorio edo kaltearen inguruan, [Jarri zure izena](e)k ez du inolako erantzukizunik izango, bere eskumenen erabilera zehatzetan jarraitu behar dituen legezko xedapenak ezartzearen ondorioak diren egintza guztietan izan ezik.
[Jarri zure izena](e)k ez du bere gain hartzen testuan hirugarrenek egindako zuzenketetatik, iruzkinetatik edo testuaren edukietatik sor daitekeen inolako erantzukizunik.
Azterketa honek duen informazioa baimenik gabe erabiltzeak eta baita ere [Jarri zure izena](r)en jabego intelektual eta industrialaren eskubideetan sorturiko kalte eta galerek, aipatutakoari legez dagozkion egintzak erabiltzeko bidea emango diote eta, horrela badagokio, horren ondorioz diren erantzukizunetara.
Aurten EGA azterketa (edo bestelakoren bat ere bai badaezpada) egiteko asmoa daukazuenoi azterketan, idazlanaren amaieran testu hau idaztea gomendatzen dizuegu.
Badaezpada... Gure obra edonoren eskuetan jausten bada edo.
Pentsatzeko denbora
Laburbilduz, ez dut uste Saramagok idatzi duena ordubetean idatzi duenik. Seguru nago asko pentsatu duela, denbora luze idazten eman duela, eta etxean, gainera. Horregatik, azterketak antolatzen dituztenei proposatuko diet idazlanen gaiak banatzea idazlana etxean lasai egin ahal izateko, horrela bai ikusiko dutela zenbat dakigun.
Bilatu
Harpidetu
Azken iruzkinak