moodle
MoodleMoot Euskadi 2010
Aurtengo MoodleMoot Euskadiren webgunea dugu bistan. Ekainaren 18an izango da Errenteriako Tknika zentruan, eta programa oraindik osatzen ari den arren, badakigu irekiera saioan Javier Martinez Aldanondo izango dugula.
AEKren E-gela barrutik
euskaltube.com bideoak | Izenburua: E-gela barrutik | Erabiltzailea: talo
AEK-koek e-gela plataformaren atzetik zer-nor dabilen erakutsi digute bideo honetan. Ondo dago jakitea 
MS Office eta Moodle uztartzeko plugina
MS Office Microsoft-en ofimatika suite ezaguna eta erabilia eta Moodle LMS ezaguna uztartzeko plugina garatu dute Microsoft-ekoek. Honen bitartez Moodle ikastaroetako irakasleek Office-tik bertatik kudeatu ditzakete plataformako dokumentuak: igo eta editatu.
Zenbait girotan ez dira oso popularrak aplikazio biak, biana dudarik gabe euren arloan erabilienetakoak dira, eta seguruenik batek baino gehiagok eskertuko du plugin hau, ondo badabil behintzat.
Moodle 1.8 eta 1.9 bertsioekin eta Office 2003 eta 2007 bertsioekin dabil.
Via Genbeta
Hizkuntzaren didaktika: ikastaroa bistan
Ainhoa Ezeizak gaztelaniazko "Didáctica de la lengua" ikastarorako garatu duen Moodle gunea (txuloa, portzierto ) bistan utzi digu, material eta baliabide politak edonork ikasteko. Bisitari modura sartu baino ez da egin behar.
Via: @ainhoaeus
Moodle-en bloga erabiltzeko ideia
Moodle plataformak eskaintzen duen bloga apur bat berezia da ohiko blogen aldean. Hala konturatu zen Felipe Zayas, eta hartara egokitzen saiatu da bere klasean.
Moodle ikastaroak sortu eta konpartitzeko gunea
Atzo euskal+moodle+moot+birra moduko bilkura egin zen Usurbilen, eta dagoeneko lehenengo fruituak ikusten hasi gara. Gune horrekin batera hemen dauzkazue atzoko bileraren emaitza gehiago (gonbidatu modura sartu hasieran galdetzen badu).
Anibal de la Torre MoodelMoot Euskadin: slidecast
MoodleMoot Euskadiren antolatzaileek Anibal de la Torrek eman zuen hitzaldiaren slidecast-a (diapositibak eta ahotsa) jarri digute blogean.
Kutsidazu bidea... Moodle
Deigarria egingo zaigu blog horri ipini dioten izena, baina ez dauka zer ikusirik euskara ikasi-praktikatzearekin edo Ixabelekin. Moodle-en gainekoa da eta gaztelaniaz dago.
Hemen gaude #mooteu09
Moodle eta, gehien bat, Moodle ez denaz gauza interesgarri asko ikus-entzuten.
Moodlemoot 09: euskara irakasleen unconference-a
Datorren astean egingo den Moodlemoot Euskadiren programan irakasleen unconference bat antolatu da arratsaldean. Interesgarria eta berria.
Twitter-en edukiko duzue informazio eguneratua.
MoodleMoot Euskadi 2009
Moodlezaleek eta Moodle-en erabiltzaileek hitzordua dute maiatzean Deustuko Unibertsitatean.
Via Josu Orbe
EGA prestatzeko webgunea: informazioa
Sareko Argiakoek egin digute biltze-lana (aupa zuek!). Hemen daukazue atzoko prentsaurreko esperimentalak hedabideetara ekarri duenaren laburpena.
Kazetariekin fidatu bai, baina egileen aho-eskutik jakiteko deseatzen gaude. Animo neska-mutilok! 
Eguneraketa:
Bideo hau agertu da Euskaltuben
Mudle
Grazia egin dit Mondragon Unibertsitateak Moodle atarirako aukeratu duen izena eta domeinua.
Proba bat. Zelan idazten da? Moodel, Mudle, Mudel, Moodle, Modle, Moodele...
Moodle: hamar urte atzera
Aipatu nionean hori irakasletako bati esan zidan baietz, Moodle zurruna dela, baina segurua.
Joxe Aranzabalek Moodle probatu du lanean, eta hamar urte atzera egitea iruditu zaio: Moodle, amorragarria.
LdeLengua 17
Hizkuntzen irakaskuntzari buruzko podcast-aren saio berria (gero eta maizago egiten dutela ematen dit niri). Honetan:
- Sevillako Encuentro Práctico
- Jane Arnold: afektibitateaz eta.
- Victoria Castrillejo Moodle tailer baten gainean.
- Eta... MdeMoodle podcast berria. Eta berton ezaguna egiten zaidan neska bat... Entzun ezazue, ea zuek ezagutzen duzuen. Nondik ezagutzen dut ba?
Bilatu
Harpidetu
Azken iruzkinak