mintzapraktika
Kaixo maitia praktikarientzat doan
Ekimen deigarria AEKtik. Praktikatu AEK-k Facebook-en duen kontuaren lagunek hiru hilabeteko harpidetza doan izango dute Kaixomaitia.com harremanetarako atarian.
Euskaltegian ligatzea lortzen ez duenak mintza-praktikan du bigarren aukera.
Kredituak mintza-berba-lagun-kide unibertsitarientzat
Mintzalagun modura euskara ikasten laguntzen duten unibertsitariek kredituak eskuratzeko aukera izango dute EHU eta AEK-k sinatu duten akordioari esker.
Ez da plan txarra. Klasera joan beharren berriketan jardun eta gainera kreditua. Animoa neska-mutilak!
Pauso bat harago
"Mintzodromoa" eta "Euskararen Eguna" esaldi berean irakurri eta berehala, betikora jotzen ari garelakoan nago, alegia, euskararen erabilera mugatzera (eta murriztu eragitera): euskara umeekin, euskara eskolan, euskaraz txakurrei, euskaraz egin euskaraz egiteko egun-toki jakinetan... PAUSO BAT HARAGO eman behar dugu.
Sustatun albiste honi egindako iruzkina.
Ikasi mendizaleaaaak
Praktikatu blogean mendia eta mintzapraktika gustuko dituenentzat aukeren zerrenda eman dute. Ez dira gutxi, ez, eta aktiboak. Bide batez, mendizale hauentzako gomendioa: http://euskal-herria.org
50 mezu talde euskaldun baten alde
Single ingelesezko terminoarekin ezkongabeak edo bikoterik ez duten pertsonak izendatzen dira. Azkenotan hauentzako eskaintza zabalduz joan da sarean: foroak, guneak, eskaintzak, zerbitzuak, sare sozialak, merkatu-talde erakargarria nonbait.
Single-entzako sare sozial lokalak ere eratzen izan dira, Bilbon adibidez Club Clan 2000 dugu, Ning-en egitura erabilita antolatu den sarea. Eta han, erabiltzaile baten eskaera hau aurkitu dugu: 50 mezu talde euskaldun baten alde, alegia, sare sozial horien bidez "single" euskaldunen artean harreman sarea osatzeko deialdia.
Bistan dago, harreman sareak berez ehuntzen dira askotan.
Behatzetarako eraztunak
Atzamarrak, hatzak eta behatzak gora eta behera gabiltzan bitartean, AEK-koek mintzapraktika egistamoen inguruan klaserako materialak egin dituzte eta guztioan eskura jarri dizkigute, online ikusi edo pdf euskarrian jaisteko modura.
Ale bat:
"Mintzalagunak" eskoletan
EAEko Hezkuntza Sailak 133 jatorrizko hiztun jarri ditu eskoletan ikasleek haiekin hizkuntza praktikatu eta belarria egin dezaten. 12 ordu egiten dute astean eta 700 euro kobratzen dute. "Elkarrizketarako laguntzaileak" (Auxiliar de conversación?) dira, eta hizkuntza ingelesa.
Atzamar guztiak ez dira berdinak
AEKren kanpaian mintzapraktika proiektuak sustatzeko
Atzamarrak, behatzak eta hatzak ez dira berdinak, ez.
Sormen tailerrak Iruñean
Inguruan euskaldunik ez daukan jendearentzako aukera. Gai ezberdin ugariren gaineko ikastaro eta tailerrak dira. Ez da gauza berri-berria, baina beti izan da beste aukera bat.
Nahi/gura duzu?
Topaguneko elkarteen kanpaina ikasturte honetan mintzapraktikari lekuan-lekuan arrankea emateko.
Bertsio desberdinak daude. "Nahi" hori "gura" bihurtu da leku batzuetan adibidez.
IKA eta Topagunearen arteko akordioa
Araban eta Nafarroan mintzapraktika egitasmoak sustatzeko akordioa sinatu dute erakunde biek Oionen gaur.
Berbalaguna mugetatik harago
Bizkaiko Mendebaldeko mintza-praktika taldeek hedatzen jarraitzen dute, hainbesteraino non Euskal Herriko mugatik mendebaldera joan diren.
Mintzalaguna araneraz
Aran bailarako Kontseiluak bertako hizkuntza sustatzeko politikaren barruan Volontariat per Aranés ekimena ipini du martxan. Zer da? Hizkuntza praktikatu nahi dutenak ondo dakitenekin bikoteetan bildu eta berriketan hasi. Ezaguna, ezta?
Mintzapraktika egitasmoak sustatzeko akordioa
AEK-k eta Topaguneak gaur sinatu dute mintzalagun, berbalagun, mintzakide eta halako egitasmoak zabaldu eta garatzen jarraitzeko hitzarmena.
Bilatu
Harpidetu
Azken iruzkinak