teknologia

Redes: hezkuntza, ikaskuntza, garuna, teknologia...

2009, Otsaila 28 - 22:41 — benito

Berta Martinezek Redes saio bikainaren bideo-sorta polit hau hautatu digu. Gaiak: ikaskuntza, garunaren garapena, pedagogia eta gaur eguneko joerak eta bideak.

Gauza interesgarri asko bideo interesgarrietan, hausnarketa egunean hausnartzeko edo, besterik gabe, gustura ikusteko modukoak.

Sintaxia eta morfologia konputagailuaren bidez lantzen

2009, Otsaila 27 - 17:39 — benito

Lotura

UEUren udaberriko ikastaroen artean lehengoan aipatu genuen tailerraz gain hau ere interesgarria izan daiteke, irakasle-jardunean konputagailuak eta sarea gehiago erabiltzera jotzen dugun honetan.

Anjel Lertxundi: internet eta idazteko era

2009, Otsaila 27 - 01:21 — benito

Andu Lertxundi: Internet eta idazkteko erak from asapala on Vimeo.

Anjel Lertxundik gogoeta hau utzi zigun atzo Mahatserriko Irakurlearen Tartean. Internet eta teknologia idazteko erak, ohiturak, formatuak eta bideak zelan dabiltzan aldatzen azaldu zigun. Idazlearen eta interneteko erabiltzailearen esperientzia pertsonaletik abiatuta, formatu eta bide berriak jorratu eta probatzen dituen idazlea da Andu, konplexu eta aurriritzi barik.

Aintzat hartzeko gogoeta duda barik. Eta eredugarria Anduren jarrera, nire uste apalean.

Konpetentzia berriak

2009, Otsaila 25 - 13:29 — benito

Internet eta teknologiak gauzak eraldatzen ari direna topiko bihurtzekotan dabil. Zer ari dira eraldatzen? Bideo labur honek pista bat ematen digu. Zertarako prestatu behar dugu geure burua?

Kopia librea

2009, Otsaila 16 - 19:47 — benito

Nik norbaiti aipatzen diodanean eduki hau edo hura libre dela (mapak, argazkiak edo ez dakit zer), askori absurdua iruditzen zaio, ze berez, “dena libre omen da”. Edozer kopiatu daiteke erraz, eta ez dira konturatzen arazoa ez dagoela plano teknikoan baizik eta legalean.

— Gari Araolaza

Jakintza ikastolaren blogean Atzerapausoa euskararentzat mezuan egindako iruzkina.

Prestakuntzarik onena

2009, Otsaila 14 - 19:49 — benito

Soy de los que piensan que la mejor formación para el profesorado interesado en la utilización de las herramientas que proporciona la web 2.0 es el conocimiento de lo que ya están haciendo otros compañeros con ellas

— Celestino Arteta

Las buenas práctica TIC la mejor formación mezuan hain zuzen ere praktika onen adibide baten aipamena egiten du.

Eta pentsatzen dut, web2.0rako eta denerako, ezta? Non daude erakusleihoak baina?

Moodle: hamar urte atzera

2009, Otsaila 12 - 17:04 — benito

Aipatu nionean hori irakasletako bati esan zidan baietz, Moodle zurruna dela, baina segurua.

— Joxe Aranzabal

Joxe Aranzabalek Moodle probatu du lanean, eta hamar urte atzera egitea iruditu zaio: Moodle, amorragarria.

Zenbat eta zenbat?

2009, Otsaila 9 - 01:51 — benito

Milaka ordu eskainiko dizkiogu irakasleak IKTetan trebeak izateko beharrezkoa duten formazioa eskaintzen...
... eta zenbat eskainiko dizkiogu didaktikaren berrikuntzari? Ingurune berrietan murgiltzeari? Autoikaskuntzari?

— Jolaus

Twitteo pare batean botata.

Jakintza(?) digitala

2009, Otsaila 8 - 21:03 — benito

Digital wisdom means not just manipulating technology easily or even creatively; it means making wiser decisions because one is enhanced by technology.

— Marc Prensky

Jakintza digitala izatea ez da soilik teknologia erraz erabiltzea, ezta teknologiarekin sortzailea izatea ere, baizik eta erabaki egokiagoak eta argiagoak hartzea, teknologiak hartarako trebatu gaituelako. (itzulpen oso-oso librea, hitzetan eta esanahian. Baten batek hobetzen edo zehazten badu, estimatuta).

Marc Prensk-k digital wisdom kontzeptua plazaratu du. Natibo digitalak eta etorkin digitalen artekoa gainditu guran, teknologia norberaren eta egiten dituen gauzen garapenean eragiteko gaitasunean kokatzen du, ez teknologiaren erabilera hutsean ("digitally clever" vs. "digital wisdom!: teknikoki trebea vs. "jakintsua" nolabait).

Uste dut txoko hauetan agertu izan den hausnarketa bat hortxe kokatu ahal dugula: teknologiaren erabilera trebeak ikaskuntza hobea ziurtatzen du? Zerbaitetan laguntzen du "per se" teknikoki abila izateak? Teknologia erabiltzea ez da lehengoa formatu berrietara ekartzea baino zerbait gehiago?

Nodos Ele-n aurkitu dut erreferentzia: Digital Wisdom

Google-en hizkuntz tresnak

2009, Otsaila 6 - 22:00 — benito

Lotura

IXA taldekoek Google-en zerbitzuetan hizkuntza-teknologiarekin lotuta aurkitu ditzakegunei errepaso laburra egin diete bideo baten harira.

Atoan