Herria hizkuntza normal egiten
2009, Otsaila 27 - 01:01 — benitoGalizia partera egin dugu gaur. Hango blogosferan bideo hau izan dute hizpide egunotan. Burela Galiziako iparraldeko kostako herria da, arrantza portu bizia. Galiziera da hango hizkuntza naturala, ahozkoa, baina testu idatzien urritasunari erreparatu zioten. Burelako herritar desberdinek kontatzen digute euren hizkuntza normala egiteko egin dituzten ahaleginak, bizipenak eta sentipenak.
Erreportaia gustura ikusi dut. Uste dut inspirazio iturria, edo beste barik ideia-iturria izan daitekeela gurean normalizazio lanetan dabiltzan hainbatentzat.
Via Culturagalega.org.
Hiztun berriak boterera
2009, Otsaila 26 - 20:09 — benitoTras tanto tempo de enxebrización da lingua, de exaltación da pureza, a miúdo baseada nos aspectos diferenciais, case sempre relacionados co léxico,modismos e fonética propios do rural, parece necesario agora un novo xiro, unha valoración do galego “voluntario”.
Gústannos os neofalantes (A nosa Terra). Eztabaida Chuza!-n.
Itzulpen-legea:
Hainbeste denbora hizkuntza garbitzen eman eta gero, jatortasuna goraipatzen, sarritan inguruko hizkuntzetatik bereizten duten ezaugarriak azpimarratuz, baserri giroko hiztegia, esamoldeak eta fonetikan oinarrituta, ikuspegi berria behar da, galiziera "bolondresaren" balorazioa.
Euskara erabiltzeko motibazioa sustatzeko ikastaroa.
2009, Otsaila 26 - 18:23 — benitoIkastaro interesgarria Eibarren UEUren eskutik. Maiatzean izango da, baina Txerrak bota digu abisua gaur, eta guk zabaldu.
Atzo Leireren artikulu hau irakurtzen euskaldunok/euskaltzaleok zenbat tentsio eta etsipen soportatzen ditugun pentsatzen jarri nintzen. Halako tailer eta jardueren beharrean gaude azken batean?
Hizkuntzak ikasteko sare sozialak
2009, Otsaila 26 - 18:16 — benitoArtikulu interesgarria Wwwhat's new-n. Mundu honetaz interesa daukanarentzako abiapuntu izan daiteke.
Hauteskundeak eta helduen euskalduntzea: EA
2009, Otsaila 26 - 18:04 — benito,,,,Eusko Alkartasunak honako neurri hauek proposatzen ditu:
- Euskara etorkinengana hurbiltzea, gizarteratu eta laneratu daitezen,
eta beren seme-alaben hezkuntza-prozesuan inplika daitezen errazteko. - ...
- Helduak euskalduntzeko politikak berriz definitzea eta hobetzea.
- Gizarte- eta lan-eremuan eta gainerako erakunde pribatuetan euskalduntzea sakontzea eta zabaltzea.
Euskarari agindutakoak (III) (erabili.com)
Hauteskundeak eta helduen euskalduntzea: PP
2009, Otsaila 26 - 17:59 — benitoHala nahi duten helduei euskara ikasteko aukera bermatuko diegu. Horretarako, HABEko ikastegien sare publikoa baliatuko dugu.
Euskarari agindutakoak (IV) (erabili.com)
Norberaren erantzunkizuna
2009, Otsaila 25 - 13:37 — benitoAldi berean, ezin dugu alde batera utzi UNESCOk hizkuntzen egoeraren neurketa horretarako erabiltzen duen bertze irizpide bat, hots, hiztunek bere hizkuntzarekiko duten jarrera. Irizpide honen baldintzak bete-betean harrapatzen gaitu. Baldintza horren erantzukizuna gutako bakoitzarena da, norberak bere burutik hasita eman behar duen erantzuna, alde batera eta bertzera begira inolako errudunik bila hasi gabe.
Euskara arrisku bizian ala kontuzko egoeran? (Euskaltzaindia.net)
Hitz-jasa klaserako
2009, Otsaila 25 - 13:32 — benitoFormacion Eletik jarraitzen dute klaserako ideia sinple baina baliagarriak eskaintzen. Hemen bat hiztegia lantzeko, Krisiarekin lotua, baina intereseko edozein gairekin erabiltzekoa.
Hemen gurean inork ez du inoiz eduki horrelako ideia sinpleren bat besteokin konpartitzeko?
Konpetentzia berriak
2009, Otsaila 25 - 13:29 — benitoInternet eta teknologiak gauzak eraldatzen ari direna topiko bihurtzekotan dabil. Zer ari dira eraldatzen? Bideo labur honek pista bat ematen digu. Zertarako prestatu behar dugu geure burua?
Hauteskundeak eta helduen euskalduntzea: Aralar
2009, Otsaila 25 - 13:07 — benitoHelduen euskalduntzeari dagokionez sakondu egin behar da azkeneko urteetan eginiko lanean. Mesfidantzak eta lehia gorria alde batera utzi dira, eta badirudi gobernuaren eta helduen euskalgintzaren arteko elkarlana inoiz baino errazagoa eta, beraz, oparoagoa dela. Irakasleen lan baldintzak hobetuz jarraitu beharra dago, lanbidearen prestigio soziala handitzeko. Euskaltegien mapa osatzeari ekin beharra dago behingoz, helduen euskalduntzea ahalik eta eraginkorrena izan dadin. Eta dibertsifikaziorako aukerak aztertu behar dira, helduen euskalduntzeak esparru gehiago har ditzan. Honetan ere, ausardia beharko da.
Modelo berri bat eraiki behar da euskalduntzea, erabiltzea eta integratzea batera landuko duena eta horretan berbalagun eta antzeko ekimenek zabaldutako bideak sustatu behar dira.
Berbalagun egitasmoa bultzatu egin behar da, baliabidez hornitu, gero eta gehiago izango diren euskaldun berriei euskara erabiltzeko aukerak emateko ekimen bikaina delako.
Erabili.com-en jasotakoa. Aralarren asmoan hemen: Euskarari agindutakoak (I)
- « lehenengoa
- ‹ aurrekoa
- …
- 185
- 186
- 187
- 188
- 189
- 190
- 191
- 192
- 193
- …
- hurrengoa ›
- azkena »