txillardegi
Txillardegi nor zen
Ez nuen ezagutu. Hil da. Eta orain badakit nor izan den.
Txillardegik euskararen alde lan asko egin zuen, euskara batuaren alde. Lan hori ni bezalako pertsonentzat oso garrantzitsua izan da. Eta ez nekien. Orain arte.
Euskara ikasten ari naiz. Euskara batua.
Eta José Luis Álvarez Enparantza, Txillardegi, euskara batuaren bultzatzaile nagusietako bat izan zen.
Niretzat, oso inportantea da euskaldunberria zela. Ikasle guztientzako eredua da.
Kaixo Txillardegi! (Euskaldunberri naiz)
Txillardegi euskara ikasten
Txillardegiren bizitzaren eta obraren hainbat aipamen eta irakurketa zabaltzen ari dira egunotan. Euskaldun berria izatea zen haren meritu-ezaugarri ezagunenetako bat, euskaraz ez jakitetik euskaltzaletasunaren eta euskalaritzaren goreneko mailara ailegatu zen. Baina nola ikasi zuen euskara? Berak kontatu zion Ahotsak-eko jendeari elkarrizketa honetan.
Amaren euskara aztertu eta gramatika bat egiten hasi omen zen Jose Luis gaztea. Gerora hainbat gramatika eta liburu lagun klaseak ere hartu zituen gerra osteko Donostia hartan. "Gramatika" hitzak pisu handia eduki zuen haren prozesuan dirudienez.
Beldurra edo lotsa
Ausardiarekin gauza kuriosoa gertzen zaigu Euskal Herrian, ausardiaren kontrarioa guretzat ez da koldarkeria, ausardiaren kontrarioa guretzat lotsa da. (...)
Txillardegik eduki du gauzak aurrez aurre ikusteko eta pentsatzeko ausardia. (..) Lotsa gainditu egin du, eta hori zor digu neurri handi batean. (...)
Joxe Azurmenik Txillardegiz jardun du gaur goizean Amarauna irratsaioan. Haren ekarpena goiko hitz horietan jasotakora laburtu du nolabait (45 minutuaren inguruan).
Entzun irratsaioa:
Bilatu
Harpidetu
Azken iruzkinak