Atoan

Lotura

Via Wwwhat's New Wordnik zerbitzu hau ezagutu dugu. Hitz bat bilatzeko esan eta denetariko informazioa emango digu: hiztegietako definizioak, argazkiak, twitter-eko aipamenak, adibideak, antzeko hitzak, erabileraren estatistikak... Horrez gain, erabiltzaileek aukera dute hitzei informazioa gehitzeko: etiketak, oharrak...

Gaur berton Euskaltzaindiak OHE sarean ez duela ipini kexu ibili gara hemen. Bitartean, etorkizuneko hiztegiak nolakoak izango diren erakutsi digu Wordnik honek?

Ohi bezala, ingelesezko hitzekin funtzionatzen du gehien bat. Adibide modura hemen daukazue basque hitzaz dioskuna.

Lotura

Hezkuntzarako eduki irekiak sortzen eta lantzen lagundu nahi du zerbitzu honek. Testu-liburuak, edo hezkuntz-testuak askoren artean sortu, landu, osatu eta eguneratu daitezke. Sarean ikusi edo inprimatzeko aukera ere ematen du.

Via Cuaderno Intercultural

Joan-Tomas Pujolák utzi digu aurkezpen interesgarri hau EcLEcTICen: Tareas2.0

Jane Hart adituak Jane's E-Learning Pick of the Day blogean elearning-erako plataformak eta LMSak web sozialerantz ekartzeko bideak jorratu ditu, eta aurkezpen honetan laburtu. Ikaskuntza sozial, kolaboratiboa, parte-hartzailea eta informalerako bideak zabaltzeaz ari da azken batean.

A closer look at using a social media platform ...(Jane's E-Learning Pick of the Day)

Lotura

Wikispaces wikiak sortzeko plataforma ezagunenetako bat dugu. ZirIKTeroak eta Nafarroako IKT dinamizatzaileen blogaren bidez jakin dugu aplikazioaren hizkuntzen artean euskara dugula aukeran orain. Bitxia, gaztelania baino lehen euskaratu da Wikispaces.

Lotura

Zuen lana ilustratzeko, zerbait azaltzeko edo istorioak egiteko ondo etortzen dira komiki batzuk. Egitea ez da pentsatzen den bezain zaila. Pixton aplikazio hau erabilita adibidez. Ikusi bideo hau bestela:

Via Wwwhat's New.

Lotura

Internetek testu idatziei ekarri dien gauzetako bat irakurleak testua komentatzeko edo osatzeko aukera izan da. Blogen osagai ezinbestekoa dira iruzkinak esate baterako. Hala ere, iruzkinak eta erantzunak egiteko aukera testuaren ostean izaten dugu normalean, eta pasarte edo hitz zehatz bati erreferentzia egin nahi badiogu ere, beheko zerrenda horretan egin behar zaio ezinbestean.

Hizkuntzen ikas-irakaskuntzan hala ere, hainbat zer eginetarako interesgarria izan daiteke testuaren erdian, haren pasarteetan iruzkinak gehitu ahal izatea: zuzenketak, erantzunak, iradokizuna.... Tucent zerbitzuak geure blog, wiki edo webguneetan hori egiteko aukera ematen digu.

Tucent-en kontua egin eta nahi dugun testuarentzat foroa sortuko dugu. Foro horrek kode txiki bat emango digu testua dugun orrian txertatu eta gure irakurleek aukera izango dute nahi duen pasartean iruzkina txertatzeko. Iruzkin horiek orrian bertan edo Tucent-en sortu dugun foroan ikusi ahal izango ditugu.

Probako orri bat sortu dut ikusi eta proba egin dezazuen: Tucent: proba.

Zer hobetu asko dauka Tucent honek, baina interesgarria eta erabilgarria iruditu zait iruzkinak egiteko eta erakusteko bide hori. Zer deritzozue?

Wwwhat's New-ren bidez.

Lotura

Julen Iturbek Funkziona web proiekturako prestatu diren aurkezpenen bildumaren berri eman digu. Errioxako funtzionarioentzat prestatutako materialak dira, 2.0 kultura lan ingurura ekarri eta mundu hau ulertzen hasteko abiapuntu interesgarri eta grafikoa prestatu du Alberto Ortiz de Zarate Alorza blogariak.

Baten batek dosazero edo modernidade internautiko hauek entzun eta zer den jakiteko ahalegin txikitxo bat egiteko arazorik ez badauka, hor dauka bilduma ederra. Antzina esaten zen moduan "santuez betetetako liburua".

Hemen ale bat: