II soziolinguistika jardunaldia: bideoak eta materiala sarean
2009, Apirila 29 - 16:07 — benitoSoziolinguistika klusterrekoek otsailean egin zen II soziolinguistika jardunaldiko materialak sarean jarri dituzte jada. Bideoak eta aurkezpenak dituzue hor besteak beste.
Oximorona ala lapsusa?
2009, Apirila 27 - 16:01 — benitoAldi berean elebidun eta elebakarra izan ote daitekeen elukubratzen hasi beharrean, hobe IV. Mapa Soziolinguistikoari kuku bat egiten badiogu (hemen pedefea). Eta ez horrelako "gazapoak" topatzeko soilik.
Ezagutza eta erabilera
2009, Otsaila 20 - 03:16 — benitoGurean ere, nahiz eta askotan kontrakoa esaten diguten, ez dira aparteko bi mundu ezagutza eta erabilpena. Uste duguna baino askoz lotuagoak daude.
Gomendagarria oso Argiarako Sustrai Colinak egin dion elkarrizketa: «Linguistikoki dominatzaileak ez bagara ere, hala bagina legez jokatu behar genuke»
Eralan proiektua, materialak sarean
2009, Otsaila 19 - 19:06 — benitoSoziolinguistika klusterra Eralan proiektua ari da garatzen. Lan munduan burutzen ari diren normalkuntza planetan lidergoaren funtzioa aztertzea du asmo nagusia.
Egitasmoaren barruan ikastaro modukoak egiten ari dira, eta materialak eskuragai jarri dizkigute sarean: aurkezpenak eta saioetako bideo-grabazioak.
Gauza interesgarriak daude guztiontzat ere.
Soziolinguistikaz berripapera
2009, Otsaila 17 - 16:16 — benitoSoziolinguistika klusterrak lantzean behin buletin hau bidaltzen du epostaz arlo horretan batu dituzten albiste interesgarrienekin.
Klusterraren webgunearen atarian ikus daiteke "enbotatua", edo MS word-en doc edo pdf formatuetan jaitsi. Txerrak kopipastea egin digu bere blogean eta hobeto irakur daiteke horrela.
Iradokizuntxo bat: albiste horiek Sareko Argian edo Atoan-en berton aurkezten ditugun moduan aurkezterik? Ez da zaila. Animo!
Udaltop: udaletako euskara zerbitzuen topaketak
2009, Otsaila 16 - 16:24 — benitoMaiatzean egingo dira topaketa hauek. Programak interegarria ematen du.
Euskara Gipuzkoan-en bidez: UDALTOP: udaletako euskara zerbitzuen topaketak
Bideoa: Living Languages Digital Dialog
2009, Otsaila 15 - 02:39 — benitoAurreko mezuan aipatu dugu David Harrison hizkuntzalaria. Poptech ekitaldian hitzaldia eman zuen lehengo urtean. Hitzaldia bideoan jaso eta sareratu zen, eta euskaratzeko aukera izan dugu.
Hizkuntzen aniztasuna munduan zergatik behar den izan zuen mintzagai. Argudio nagusiak hizkuntz-ekologiaren markoan kokatu daitezke.
Harrisonek hizkuntzen desagerpena espezie biologikoen desagerpenaren parean jartzen du. Hizkuntzen galera jakintza linguistikoa ez ezik, giza-jakintzaren basean deitzen dionean ere galera handiak ekartzen dituela frogatu nahi du: teknologiak, ingurunearen ezagutza eta interpretazioa... Pertsonen jakintza globalari kalte egiten dio ondorioz hizkuntza txikien galerak.
Aurkezpena nahikoa "amerikanoa" iruditu zait, onerako nahiz txarrerako. Harrisonen argudioak apur bat azalekoak ematen dute batetik, estetika "etkniko" batekoak edo batzuetan. Bestetik, hizlari trebea izan barik, ideien azalpen erakargarria, argia egin du inor aspertu barik. Hitzaldia gustura ikusten da eta bitxikeria interesgarri batzuk kontatzen ditu behinik behin.
II Euskal Soziolinguistika Jardunaldia
2009, Otsaila 6 - 22:02 — benitoGazteak
2008, Urria 13 - 01:33 — benitoEAEko gazte elebidunak (16-24 urte) gaztelania dauka lehen hizkuntza (%56) eta erraztasun handiagoa dau erdaraz euskeraz baino (%56). Oinarrizko (%79) eta bigarren mailako (%69) ikasketak D ereduan egin dauz.
IV Inkesta soziolinguistikoaren irakurketa eginez: ELEBIDUNEN IZAEREA ASKO ALDATU DA HAMABOST URTEOTAN
Astazakilak eta eskubideak
2008, Urria 10 - 11:48 — benitoAurkitzen duzun elebakar astazakil bakoitza giza eskubideei errespetua dien pertsona batean bilakatzen saiatzen baldin bazara, leher egiten duzu eta gehienetan huts egingo duzu. Astazakil bat, astazakila da, eta zuk ez duzu harekin ezer egiteko beharrik.