HABEren liburutegikoak online erabiltzeko aukera
2012, Otsaila 7 - 19:51 — benitoLurdes Auzmendiren blogean irakurri dugu albistea. Dirudienez HABEren liburutegiko funtsa online kontsultatu ahal izango dituzte HABErekin hitzarmena egindako erakunde batzuetako ikerlariek (Mintzola, Asmoz, Soziolinguistika Klusterra besteak beste).
Albistea irakurrita zalantza etorri zait. Euskaltegietako partaideok hitzarmenen bat daukagu HABErekin liburutegiko funts horiek online erabiltzeko aukera emango diguna? Liburutegi hori helduen euskalduntzea sustatzen duen erakunde publiko batena izan eta horrelakoak pentsa daitezke deskuidoan.
Masa-fenomenoa
2011, Otsaila 3 - 19:30 — benitoMintzapraktika egitasmoetan parte hartzaile kopurua izugarri hazi da; 2004-05 ikasturtean 1.041 lagun izatetik, 2010-11an 3.847 izatera pasa da. Horrelako hazkundea izaten duten ekimenak oso gutxi dira, masa-fenomeno baten aurrean gaudela esan daiteke
Mintzapraktika egitasmoaren eraginkortasuna neurtzen ikerketaren emaitzak aurkeztu dira gaur Bilbon. Praktikatu blogean laburpena egin digute eta handik jaso ditugu hitzak.
Hemen duzue emaitzen laburpena
Eta hemen txosten nagusia (pdf)
Mintzapraktika: emaitzen ikerketaren aurkezpena
2011, Otsaila 1 - 13:32 — benitoEtzi, otsailak 3, goizeko 11etan aurkeztuko da Bilbon Mintzapraktika egitasmoen eraginkortasuna neurtzeko ikerketa. Aztiker erakundeak egin du Eusko Jaurlaritzak eskatuta.
Euskarazko sintaxiaren tratamendu automatikoa
2011, Urtarrila 3 - 16:17 — benitoBertol Arrietaren tesiaren berri eman digute Ixa taldekoek Hizkuntza teknologia blogean. Testuen zuzenketa automatikoa sintaxira ere zabaltzeko ikerketan jardun du Arrietak, ikasketa automatikoa izan du langai nagusietako bat, makinari berari ikasteko gaitasuna ematea nonbait.
Kontzeptu interesgarria, hezur-haragizko makinak baino bizkorragoak izango ote dira makina mekaniko-elektronikoak?
Sinpleki
2010, Ekaina 30 - 17:49 — benito"Adiskidekin mintzatu nahi dut sinpleki" da helburu hautatuena herrikoentzat (%54) eta etorkinentzat (%61). Bigarrena "euskaraz frantsesez bezain ontsa mintzatu nahi dut" da herrikoentzat (%45) baina hirugarrena etorkinentzat (%35). Azken helburua « lanbide bat euskararen bidez eskuratu nahi dut » da bi multzoentzat.
"Helduen euskalduntzea eta etorkinak Ipar Euskal Herrian" liburua aurkeztu du Euskaltzaindiak asteon. Erramun Baxok eta Jean-Baptiste Coyosek burutu dute ikerketa landu hau.
Basque Centre on Cognition Brain and Language
2008, Abendua 19 - 14:11 — benitoInteresgarria Donostian zabalduko den zentro hau:
Euskara eta gaztelera hitz egiten dugunok ze prozesu kognitibo erabili ditugu bi hizkuntza hauek bereganatzeko? Donostiak galdera honi eta beste hainbesteri erantzuna bilatuko dio datorren urteko Azaroan Gipuzkoako hiriburuan irekiko den Basque Centre on Cognition Brain and Language-ari esker.
Ikertu beharrekoak
2008, Iraila 23 - 04:53 — benito[...]creo que necesitamos más datos de la organización y el desarrollo de las actividades en las aulas; necesitamos más investigación acerca de las percepciones, asunciones e ideaciones de los estudiantes y de los profesores de lengua.
Transmisioari buruzko ikerketa baterako laguntza
2008, Maiatza 8 - 15:04 — benitoSoziolinguistika Klusterrak hizkuntza ohituren aldaketari buruzko ikerketa bat egiteko laguntza nahi du.
Gasteiz, Laudio,Irun, Arrasate, Donostia, Hernani, Lasarte-Oria, Beasain, Tolosa, Zarautz, Igorre, Bilbo, Durango,Balmaseda, Bermeo, Lekeitio eta Mungia herri/hirietan bizi diren eta bikoteko hizkuntza ohitura “aldatu” duten bikoteen erreferentziak behari dituzte(telefonoa, emaila...).
Horren bikoteen berri izanez gero, jar zaitezte harremanetan Soziolinguistika Klusterreko kideekin.
Garaigoikoan informazio gehiago.