Digital dialects: euskara ikasten hasteko
2010, Urria 22 - 00:47 — benito
Enric Serraren Aprendre Llengües blogean Digital Dialects gunea aurkitu dugu. 60 hizkuntza ikasten hasteko ariketa errazak eta grafikoki ondo diseinatuak daude bertan.
Euskara ere hor dago, oinarrizko hiztegia ikasi eta lantzeko ariketa eta jolas sortatxo polita hain zuzen ere. Ingelesa hartzen du abiapuntuko hizkuntza.
Interesgarria "... eta Interneten euskara ikasteko zer dago?" galdetzen duen hasi berriarentzat.
Euskal mapa: munduko toki-izenekin egindako mapa
2010, Urria 1 - 22:23 — benitoMunduko mapa euskaraz daukagu eta sarean gainera. Munduko toki izenak euskaraz erakusten dizkigu berez. Euskarak munduari esateko moduak dituela ikusi eta ikustarazteko lekua dugu beraz.
Via: Dingilizka B2
Informazio gehiago: Sustatu
Hitz gurutzatuen txapelketa
2010, Maiatza 23 - 12:07 — benitoDatorren larunbatean Basaurin goitik-beherakoak eta zeharkakoak betetzen abilago nor den neurtuko dute. Berbekin olgatzeko era dibertigarria, edo hitzekin jolastea dibertigarri egiteko era.
Sinesgarritasuna
2010, Maiatza 12 - 15:56 — benitoZehatz korapilatsua da auzia, zeren eta gurean, ahozkotik idatzirako koskaz gainera, bakoitzak bere euskara baitu, estandarra nahiz dialektala izan daitekeena; garbizaletasuna nahiz jatortasuna ere lehian aritzen dira; bada azpigeruza ideologiko bat, sakonaren sakonean; irakurleen gaitasun azpigaratua...
Sinesgarritasuna (Idazkolako takatekoak). Ematen du takatekoak takata hasi direla berriro aspaldiko partez.
Etxezalea vs. etxezuloa
2010, Maiatza 7 - 17:37 — benitoHalako euskara itxi, etxezulo batera ohituta gaude. Nik euskara etxezalea nahi dut, baina ez euskara etxezuloa, harresiaren artean kikilduta dagoena. Badaude munduko berba asko eta asko, kultura berbak-eta, gureak ere badirenak.
Gararen Mugalari gehiagarrian irakurrita (2010-05-07, paperezko edizioan soilik): "Euskara etxezalea nahi dut, ez euskara etxezuloa"
Wekanun: hizkuntza desberdinetako hiztegi-jokoa, euskara ere bai
2010, Apirila 19 - 21:08 — benitoFormación ELEn Wekanun jokoaren berri eman digute. Hizkuntza desberdinetako hitzak lotu behar dira ariketa-moduko batean. Abiapuntuko hizkuntza eta xede-hizkuntza aukeratzen dituzu eta gaika antolatzen diren hitzen itzulpenak lotu behar dituzu. Jolasa ez ezik, joko erreala ere bada, benetako txapelketa, eta sariak ere badaude.
Eta interesgarriena, jokatzeko aukeratu daitezkeen hizkuntzen artean euskara ere badugu.
Animalien onomatopeiak
2010, Martxoa 28 - 23:15 — benitoItzul posta zerrendan galdera baten ondoren animalien hotsen onomatopeien bilduma eta haiek topatzeko iturrien zerrendatxoa egin dute.
Telebistak zertarako balio duen
2010, Martxoa 23 - 12:56 — benitoAdibide txiki bat jartzeko: gure garaian, jolasten ari ginela, Socorro! esaten genuen. Duela urte batzuk, lehenbizikoz entzun nuenean Laguntza, mesedez! edo holako zerbait, esan nuen, neure artean, Kontxo! Telebistak balio dik zerbaitetarako.
Euskaltzaindiaren baliabide berriak: HBO eta LB
2010, Martxoa 23 - 12:41 — benito"Hiztegi Batua. Irizpideak, prozedurak eta tresnak" jardunaldiaren barruan aurkeztu ditu Euskaltzaindiak Hiztegi Batu OInarriduna (HBO) eta Lexikoaren Behatokia (LB). Ahotsak.com-eko lagunek eman digute horren berri eta lehenengo azalpena.
- « lehenengoa
- ‹ aurrekoa
- 1
- 2
- 3
- 4
- 5
- 6
- 7
- 8
- 9
- hurrengoa ›
- azkena »
RSS - hiztegia