Euskara taktikoa

...Joaquínek [Caparrós] beti eskatzen digu hala egiteko, baita aurkariari kontzentrazioa galarazteko ere. Kopako finalean Messiri etengabe euskaraz egiteko esan zidan. Eta estrategia jokaldietan, noski. Taldeko erdaldunek ere menperatzen dute hiztegi txiki bat.

— Koikili Lertxundi

Athletic-en euskara arma taktiko modura nola erabil litekeen azaldu digu Koikilik Argian. Taktika horien emaitzetan oraindik zer hobetu asko dagoela esango nuke

Anekdotak anekdota, Koikili aspaldian dabil futbolarekin batera euskararekin ere lanean serio, eta elkarrizketa osoa irakurtzea gomendatzen dizuet: Koikili Lertxundi: Kirol taldeetan euskara ez erabiltzea ohitura arazoa da"

Euskara erabiltzeko kontuetan ez da Caparros aitzindaria izan; aspaldiko kontua delakoan nago. Eta eskerrak Messiri euskaraz egin ziola finalean Koikilik :-D

Bestetik, futbol munduan euskara erabiltzea, askok egin izan dugu (eta egiten dugu) era naturalean beheko mailetan behintzat ;-)