Irakasle gelan entzundakoak
2012, Otsaila 4 - 19:02 — benitoBea Sallaberryk irakasle gelan entzundakoen bilduma eta sailkapen egin digu. Zuenean ere entzuten dira horrelakoak?
Haren ondorioa:
Momentu horietan ez da helburu edo desafio berezirik. Nolazpait, ez da egiazki lan egiten. Burutzen direnak zeregin tipiak dira, azken minutakoak, komunak. Ez da deus frogatzeko, deus eztabaidatzeko, deus erabakitzeko, ez da mundua berregiten. Alde humanoa agerikoa izaten da, presiorik ez da, dena lasaitzen da (piska bat, anitz, batzuetan batere)
Euskaraz egiteko aukerak horman
2011, Urria 24 - 12:23 — benitoSakanako Itsasi euskaltegian ideia sinplea eta polita erakutsi digute ikasten dugun euskara praktikara eramateko. Euskaraz egiteko lekuak eta pertsonak klaseko panel batean apuntatzen dira deskubritu ahala.
Euskararen zailtasuna... klasean
2011, Apirila 1 - 18:12 — benitoNire ustez zailtasuna neurri handi batean mito bat da; mito bat eta aitzakia bat ikasi nahi ez duten pertsona askorentzat. Hala eta guztiz ere, puntu batean egon ninteke ados zailtasunaren tesi horrekin. Zergatik? Hasieran euskara ezagutzen ez duenak, ikasten hasten denean, ez daukalako heldulekurik. Hau da, nahiz eta ezagutu ingelesa, alemana edota gainontzeko hizkuntza asko ezagutu, ni gogoratzen naiz aurreneko asteetan euskaltegiko klase haietan elkarrizketa labur bat entzuteko eta bikotekidearekin errepikatzeko kasete bat jartzen zigutenean, badakizu: 'kaixo, zer moduz, ni Ludger naiz' eta horrelako gauzak, hemengo jendeak hori jada entzunda zeukanez, ez zeukan inongo arazorik esaldi hura errepikatzeko. Nik, ordea, nola ez nekien non hasten zen hitz bat eta non bukatzen zen hurrengoa, benetan tontoa bezala sentitzen nintzen klasean, ez bainintzen gauza izaten ezta esaldi bakar bat errepikatzeko ere.
Erroma, euskaltegia, zinea...
2010, Abendua 10 - 15:54 — benitoIlazki Euskaltegian Erromaz, erromatarrez eta zinemaz jardun dutela dirudi, eta honelako "peplum" pare bat jarri dizkigute sarean. ;)
Nahiz eta mila aldiz jarri
2010, Urria 25 - 17:11 — benitoGaur sorte daukagu telebistako saio bat jarriko dut-eta, baina beti bezala ez da ezer entzuten edo oso gaizki entzuten da. Berdin dio, “total, ez dut ezer ulertuko nahiz eta audioa ona izan” pentsatzen du. Saioa bukatutakoan, “zer moduz ulertu duzue” galdetzen du irakasleak eta “beno…” erantzunak jasotzen ditu. Saioari buruzko galderak egin ondoren berriro jartzen du ea zerbait gehiago harrapatzen duten… ezer ez. “Nahiz eta mila aldiz jarri, gauza bera ulertuko dugu” pentsatzen dute irakasleek; “nahiz eta mila aldiz jarri, gauza bera ulertuko dute” pentsatzen du irakasleak.
Hernaniue blogean (Hernaniko Udal Euskaltegia?) irakurri dugu Ikasle arrunt baten kronika.
Euskaltegi ikustezina
2010, Urria 20 - 16:55 — benitoGipuzkoa Telebista Txingudiren webgunean aurkitu dugu bideo bitxi hau. Euskaltegi baten matrikulazio kanpainarako spot-a dirudi, orain zer euskaltegi den eta non dagoen asmatu behar da. Publizitaterako ideia berria ote?
Vloga: lehenengo sarrera euskaraz
2010, Urria 4 - 22:23 — benitoAsierrek hitz eman zigun euskaltegian apuntatu eta Vbloga elikatzen hasiko zela. Esan eta egin, hemen dago lehenengoa, euskarazako lehenengoa. Interneten eta gailuekin ikasteko zer dugun kontatzen hasi zaigu. Abila mutila bideoarekin. Aupa tu!
Motibazioaren kiribila
2010, Iraila 28 - 13:44 — benitoBeraz, hiru elementuz osatutako prozesu bat da. Esate baterako, pertsona bat motibaturik dago euskara ikasteko eta ikasi egin behar duela esaten dio bere buruari (helburu bat izan), bere herriko euskaltegian ematen du izena (helburua lortzeko erabakia hartzea) eta ikasteko esfortzuan iraun egiten du (ekinean mantentzen da).
Motibakiribila (Lan ta lan)
Artikulu interesgarriaren hasiera dira goiko hitzok.
Ikasle Madarikatua
2010, Uztaila 16 - 17:15 — benitoIkasle madarikatua from Zenbat Gara on Vimeo.
Bilboko Gabriel Aresti euskaltegian bideo-lehiaketa antolatu dute ikasturte amaieran. Ikasle madarikatua hau dugu aurtengo irbazlea.
Via Camile Fauque
Bertsoak: Euskaltegiko bikotea
2010, Apirila 13 - 17:19 — benitoIñaki Gurrutxaga, Ainhoa Agirreazaldegi, Uxue Alberdi eta Iñigo Manzisidor "Mantxi" bertsolariak topatu ditugu Eibarren euskaltegiko ikasle-irakasle paperean ligatzeko ahaleginetan.