Aritu.eu: euskaraz aritu nahi duenarentzat
2011, Martxoa 15 - 11:17 — benito
Euskaraz aritu nahi duenarentzako webgunea, hala aurkeztu zaigu Artez euskara zerbitzuaren proiektu hau. Ez da mintzapraktikarako gunea hala ere, TELP eta halakoen harira, euskara erabiltzeko oztopo psikologikoak eta sozialak gainditzen laguntzeko tresna dugu batez ere.
Egoera gehienetan
2010, Abendua 28 - 23:49 — benitoEgoeraren arabera, faktore askok parte hartzen dute. Baina garrantzitsuena eroso sentitzea da. Gure mezua honako hau da: egoera errazetan bakarrik egitea euskaraz, hau da, egoera gehienetan.
Gaur Donostian hitzaldia eman behar zuela, elkarrizketa egin diote Berrian Sortir de l'armari lingüístic liburuaren egileetako bat den Sanginesi.
«Semaforoa berdean badago, euskaraz egin; gorrian edo horian badago, zeuk erabaki» (Berria)
Interpreteak eta hiztunak
2010, Apirila 13 - 12:36 — benitoHelburua ez da kabinak jartzea eta kabinetan interpreteak egotea; hiztunak behar dira kalean, legebiltzarrean, negoziazio kolektiboetan, sindikatuetan... Hizlariak izan behar dira teknikariak, arduradunak, irakasleak, zinegotziak eta gai guztiez mintzatu behar dira, ez soilik Korrikari eman beharreko laguntzari buruz.
Martinezena blogean Joseba Urkiak Senez aldizkariaren 37. zenbakian argitaratu zuen artikulu honen laburpena egin dute: Interpretazioa: Nora goaz, norantz joan nahi dugu?
Erdaldun berri
2009, Azaroa 21 - 16:13 — benitoEta bitxia da: euskaldunok euskaldun berri espresioa asmatu genuen euskarara zetozenentzat, baina ez genituen euskaratik zihoazenak izendatu, ez genuen erdaldun berri espresioaren beharrik sentitu. Hiztegietan ez dator adibide bakar bat ere. Logikoa, erdaldun berriena iruditzen zitzaigulako, seguru asko.
Erdaldun berri (Hitz beste)
Sakontasunak
2009, Urria 28 - 10:28 — benitoNork bere mundu-irudia du, baina horrek ez du deus legitimatzen: euskal hiztunok ere badugu geurea, baina nire lana ez da nire talaiatik ikus nezakeen beste balizko Euskadi sakon bat deskribatzen hastea, hango lurraldeak izendatzea, gaitzestea, zanga zangago egitea. Hitzen eta espresioen erabilera zuzen batetik abiatuta eraikitzen da lurraldeen eta hizkuntzen arteko harmonia. Eta oker ez banago, horixe du lehendakari batek egiteko nagusi.
Iparraldeko Hiztegi Ttipia: proposamena
2009, Iraila 15 - 18:16 — benitozergatik ez osatu “Iparraldeko Hiztegi Ttipi” bat, glosario labur bat ohiko hiztegietan aurkitzen ez diren Iparraldeko hitz horiekin, eta albistari honetan edo Interneteko beste edozein plazatan zabaldu? Ez du zertan paperezko edizioa izan, ezta gauza dotore eta ponpoxoa ere. Nik behinik-behin eskertuko nuke. Nor animatzen da?
Zuzeu-n bota du proposamena: Alaina
Euskararen mapa berri bat
2009, Ekaina 25 - 12:50 — benitoEuskalkien mapa klasikoetatik harago, Euskara Kultur Elkargoak euskarazko matrikulazioetan oinarritutako mapa berria egin du. Gaurko euskaldunen argazki hau errealagoa dela ematen du. Interesgarria duda barik.
Mapa pdf fitxategi batean jaitsi daiteke hemendik.
Hiztun beteranoak
2009, Urtarrila 29 - 15:52 — benitoLa escuela, a veces, olvida que ante todo, los alumnos son hablantes con años de experiencia.
Komunikazioa eta metafisika
2008, Azaroa 12 - 14:25 — benitoHizkuntza normalkuntza ez da bideragarria izango alderdi sinbolikoen inguruan egindako balizko hitzarmen metafisikoei esker, baizik komunikazio elkar eragintza prozesu bati esker.
Valentzieraz hitz bi (Euskara Gipuzkoan-en aspaldi publikatua)
Iñaki Arrutik Argian publikatu duen Valentzieraren laranja-zukuak artikulutik nabigatzen hasi eta Toni Molláren webgunean bere artikuluen zerrendan aurkitu dut.
Normalizazioa normala?
2008, Urria 29 - 19:37 — benitoEuskalgintzan aspaldian darabilgun terminologiak ez digu errealitatea garbi ikusten uzten. Hizkuntza normalizazioaz hitz egiten dugu eta aje, erru eta eraso guztiak, hizkuntza bakarrean kokatzen ditugu etengabe, gugandik kanpo kokatzen dugun euskara izeneko abstrakzio batean: hizkuntza normalizazioa, euskararen normalizazioa, euskarari eraso, hizkuntza inposatuta, demokratikoa, eta gisako esapideak dira horren adibide garbiak.
RSS - hiztunak