Bilingual pun H1/H2
2011, Martxoa 4 - 19:33 — benitoMarkos Gimeno palindromozaleak beste hitz-jolas bat proposatu digu bere blogean. Ingelesez bilingual pun deitzen dena euskara-gaztelania bikotera ekarri. Adibide bat:
- Bostezaba tu colega mi aereo dolor de ánimo ¡Ja!
- Bost ezabatuko. Legamia ere odol. Ordea, ni, moja.
Euskaraz edo gaztelaniaz irakur daitezkeen esaldiak alegia. Gaztelania H1etik euskara H2ra bidean dabiltzanentzat bidaia horretarako jolasa izan daiteke, hizkuntza ikastearen alderdi ludikoa baztertu nahi ez badugu.
Aditz Trinkoen Erret Akademia (ATEA)
2010, Abendua 11 - 19:06 — benitoFacebook-en sortzen diren orri horietako bat. Aditz trinkoekin olgatu eta euskarari "ekarpenak" egitea dute asmoa antza. Itxaro Bordaren artikulu batek piztu du garra dirudienez. Edo Amurizaren proposamenak akaso?
Uzta batzen hasi dira: Lirakaskete, dizerdit, dizurit, genekaskiguke... Segi, segi lagunok.
Kasinoa: zuzentasuna lantzeko jolasa
2010, Azaroa 18 - 12:59 — benitoFormación ELE blogean ideia hau eman digute zuzentasuna lantzeko. Esaldi bat zuzena den ala ez apostuak egitea da kontua. "Ondo/gaizki" ariketak baino dibertigarriagoa izan daiteke behintzat.
Salbatu hitzak
2010, Iraila 7 - 15:54 — benitoGalbidean dauden hitzak gordetzeko ekimena aurkitu dugu sarean. Ingelesezko hitzak hain zuzen ere, baina edozein hizkuntzatako hitzei (eta hizkuntzari berari ere bai akaso) aplikatu ahal zaizkio bertan botatzen diren ideiak: hitzak adoptatu, maskotaren izena, tatuatu, hegazkin batez zeruan marraztu eta abar...
Wekanun: hizkuntza desberdinetako hiztegi-jokoa, euskara ere bai
2010, Apirila 19 - 21:08 — benitoFormación ELEn Wekanun jokoaren berri eman digute. Hizkuntza desberdinetako hitzak lotu behar dira ariketa-moduko batean. Abiapuntuko hizkuntza eta xede-hizkuntza aukeratzen dituzu eta gaika antolatzen diren hitzen itzulpenak lotu behar dituzu. Jolasa ez ezik, joko erreala ere bada, benetako txapelketa, eta sariak ere badaude.
Eta interesgarriena, jokatzeko aukeratu daitezkeen hizkuntzen artean euskara ere badugu.
Lehiaketa: jarri hitzak komikiari
2010, Urtarrila 15 - 13:22 — benitoAltsasuko Kima euskara taldeak txapelketa baten komiki bati hitzak jartzea proposatu digu. Lehiaketa polita, seguru behin baino gehiagotan egin dugula halakoren bat klasean.
Hemen duzue komikia. Txapelketan parte hartu nahi ez baduzue ere,klasean erabiltzeko behintzat baliagarria izan daiteke.
Argiaren bidez.
Hitzokeiren biltegia
2009, Azaroa 5 - 01:04 — benitoAspaldian aipatu genuen hemen #hitzokei ekimena, Twitter-en hiztegi eroa sortzen joateko proposamena. Arrakasta izan du Twitter-en, baina han sarrerak topatzea eta biltzea ez da erraza izaten.
Duela aste batzuk Mikel Iturbek wiki batean biltzen eta ordenatzen hasi zen. Wikira lantzean behin bildu eta "eskuz" ekarri behar da hala ere, eta lan hori automatikoki egiteko modua aurkitzea komeni zen. Julen Ruiz Aizpuruk egin du eta hortxe daukagu orain hitzokei-ren biltegi automatikoa.
Euskara ikasleei gustatuko zaiela esango nuke, askok inoiz halako jolasak egin dituztela ere bai. Jolasa hizkuntza ikasteko bide ona izaten da, ezta?
Via: Sustatu.
PD: Sustatu, A-Sustatu... hitzokeirako definizioren bat okurrituko zait/zaigu.
Hitz gurutzatuen txapelketa
2009, Urria 15 - 23:53 — benitoLuma aldizkaria egiten duen Xedera elkarteak Euskal Herriko hitz gurutzatuen III. txapelketa antolatu du.
Seguru gurean gurutzegramen artista bat baino gehiago dabilela, irakasle eta ikasle. Ezta?
Via Garaigoikoa.
Hiztegi eroa Twitter-en. @smuakr
2009, Apirila 16 - 16:18 — benitoHitzperimentu bat osasunguran izen aldrebeseko blogean palindromoak eta hitzekiko dibertimenduak sareratzen ditu Autore erotuak. Twitter-en #hitzokei etiketa erabilita hizegi eroa osatzeko proposamena luzatu digu oraingoan. Adibide batzuk:
- TXOSNA: zapatilek kalimotxo putzuetan egiten duten soinuaren onomatopeia
- ZAKHILA viagra hartzeko garaia
@smuakr erabiltzailea hasi da baina etiketa hori twittero guztiok erabili ahal duzue zuen hitz-definizioak zabaltzeko. Hemen ikusiko dituzue.
Inoiz ez dituzue horrelako hitz-dibertimenduak egin klasean?
Eztabaida torneoa
2009, Martxoa 3 - 11:42 — benitoGaliziatik dator ideia hau. Eztabaidazaleak ei gara euskaldunok, apustu eta lehiazaleak ere bai. Zelan ez zaio inori horrelakorik okurritu oraindik? Klaserako beste ideia bat edozelan ere.