Atoan

Lotura

Jramonele blogean elementu kimikoen taula periodikoaren egokitzapen bitxia egin dute ELE (gaztelaniaren irakaskuntza) munduan sartzeko ikastaro baterako. Oinarrizko glosarioa izateko asmoarekin egin da.

Hemen klikatu taula tamaina handian ikusteko.

Lotura

EHUk urtero antolatzen duen ikastaro-sortaren egitaraua (gaztelaniaz baino ez oraingoz) argitaratu dute dagoeneko, eta urtero bezala HABEk EHUrekin batera antolatzen duen bat ere badago: El profesor de segundas lenguas / II: la formación inicial y el desarrollo de la competencia docente (pdf)

Beste honek ere interesgarria ematen du: Aprender eficazmente una lengua extranjera (pdf).

Lotura

Ainhoa Ezeizak irakurtzen dituen liburuak komentatu eta gomendatzen dituen bloga dauka: Liburuetatik ikasten.

EHUren 2004an egindako ikastaro batetik jaso zituen aurkezpenak batzen dituen Multilingüismo, competencia lingüística y nuevas tecnologías liburua komentatu digu oraingoan.

Laburra eta arina esan digu Ainhoak. Kasu egin beharko zaio .

Lotura

Julen Iturbek Funkziona web proiekturako prestatu diren aurkezpenen bildumaren berri eman digu. Errioxako funtzionarioentzat prestatutako materialak dira, 2.0 kultura lan ingurura ekarri eta mundu hau ulertzen hasteko abiapuntu interesgarri eta grafikoa prestatu du Alberto Ortiz de Zarate Alorza blogariak.

Baten batek dosazero edo modernidade internautiko hauek entzun eta zer den jakiteko ahalegin txikitxo bat egiteko arazorik ez badauka, hor dauka bilduma ederra. Antzina esaten zen moduan "santuez betetetako liburua".

Hemen ale bat:

Lotura

Berta Martinezen bidez Carlos Monereo UABeko psikologia irakaselaren hitzaldi pare bat batzen dituen webgunera heldu gara. Ezagutza estrategikoa eta teknologiaren eragina ikaskuntzan jorratzen ditu Monereok gehien bat. Gomendagarriak bideoak eta haren testu idatziak ere bai.

Lotura

Lan ta lan blogekoek adimen emozionala lantzen ibili dira ikastaro batean, eta han jasotakoaren laburpen ederra egin digute.
Honelako gaiok gustagarri izaten ditugu gainera, praktikara eramaten samurrak ez diren arren.

Lotura

Badirudi HABEren webgunearen azkenengo moldaketatik lehengo eduki batzuk oraindik daudela sarean. Konturatu barik Hizpide aldizkariaren ale batzuk aurkitu ditut. Deliciousen apuntatu ditut badaezpada. Eta baten bat gehiago topatuz gero han apuntatuko dut.
Badaezpada ordenagailura jaitsi ditut, oraindik euren ibilbidea egin ez badute-edo.

Lotura

Hizpideren zenbaki berri bi agertu dira hil honetan dirudienez. Lanean jasotzen ditut eta bajan nagoenez ez dut ezer hartu. Ikasbilen irakurri dugunagatik salgai daudela dirudi.

Inork jaso ditu? 

Sentitzen dut gure aldizkariari betiko propaganda egin ezin izana. Eta ez, ez ditut betiko galderak egingo.  Eta zuen kontura bertsio online interaktiboa egiterik okurritu ere ez! (ideia nirea izan da eta!)