Normaltasunaz
2008, Azaroa 29 - 00:56 — benitoEuskara normalizatzeko, euskara bizitzako arlo guztietan "normaltasun" osoz erabiltzen den hizkuntza dela antzeman behar du herritarrak. Sarritan, euskararen inguruan gizartean zabaldutako kontzeptuak ezkorrak izaten dira: ikasteko zaila da, hizkuntza zaharra da, ez du gazteentzako hizkerarik, politikari lotutako gaia, ez du ezertarako balio... Kontzeptu hauek deuseztatu behar dira, berriak zabaldu eta horiekin identifikatu: euskara ikastea erreza da, milaka lagunek lortu dute, mundu berri bat zabaltzen zaizu, euskarak gauza askotarako balio du, egin beharreko esfortzua ez da alferrikakoa, irabazteko asko dago... Horretarako komunikazio-kanpaina eraginkorrek asko lagun dezakete.
Lehenak badu geroa: HABEren jardunaldia
2008, Azaroa 25 - 13:05 — benitoBarikuko jardunaldi akademikoaren egitaraua Ikasbilen.
Historia eta geroa
2008, Azaroa 20 - 12:43 — benitoBatzuentzat dagoeneko historia diren antzinako gau eskolak, ikastolen hasierako ezkutuko lanak, Euskaltzaindia, euskaltegiak, D eredua... euskararen aldeko apustuak izan ziren eta emaitza ona eman dute. Baina ez da nahikoa, eta ez gaitezen erlaxatu.
Kantitatea vs. kalitatea?
2008, Azaroa 12 - 00:50 — benitoHiztunen kopurua gehitzea erkidegoa sendotzearen ondorio izan behar zuen, ez, alderantziz, hura honen oinarri.
Larrun aldizkariaren 125. zenbakian: Nahiak, premiak eta ahalbideak
Txerraren bidez.
HABEko zuzendaria Euskadi Irratiko faktorian
2008, Azaroa 11 - 21:30 — benitoJoseba Erkizia "Faktoria" saioan egon da.
25 urte eta hemendik aurrera
2008, Azaroa 11 - 01:44 — benitoOro har, guztion lanari esker aurrera egin dugula baieztatu ahal izateak ez dizkigu begi bistatik kendu behar aurrean ditugun erronkei erantzuteko egin beharreko urratsak: herritarrei euskara ikasi ahal izateko laguntza ekonomiko handiagoak doakotasunaren bidean, bizitzaren alor guztietan sartu ahal izateko modulazio egokituak, etorkinei beren-beregi begirako planak, eta legeak aitortzen dituen eskubideak praktikan jarri ahal izateko benetako bermeak, besteak beste. Azken batean, euskaraz bizi nahi dugu bizitzako alor guztietan, eta euskararen eremu osoan.
Helduen euskalduntzearen bazterkeria
2008, Azaroa 10 - 19:47 — benitoUrte askotan politikaren ardura izan duten agintari politikoek uste izan dute belaunaldi berriak euskaldunduz iritsiko ginela normalizaziora. Helduen euskalduntzeak urte askotan izan duen bazterkeria ere tesi nagusi horren ondorioa da.
Joseba Erkizia, elkarrizketa
2008, Azaroa 7 - 11:09 — benitoHABEren 25. urteurrena dela eta, Joseba Erkizia zuzendariari egindako elkarrizketa publikatu dute Ikasbilen.
Besteak beste, HABEren etorkizunerako asmoak:
- Azpimailak.
- Hasiera urratsetarako materialak
- Ikasprozesua aztertzeko adierazleen sistema estandarra
- Autoikaskntza eta sistema konbinatuak
Elkarrizketaren bideo pasarteak ere txertatu dituzte.
Nire nabigatzailean orria kargatzearekin batera hiru bideoak hasten dira automatiko erreproduzitzen batera. Pluginen kontua da.
Behin batean...
2008, Azaroa 3 - 10:47 — benitoHain handia izan zen euskara ikasi nahian zebilen jendearen emana, non euskaltegiek eta gaueskolek ez zeukaten eskari hari erantzuteko ez lokalik ez nahikoa irakaslerik. Urte gutxi batzutan, jende askok ikasi zituen euskararen hasi-masiak eta euskaraz mintzatzeko gai izan zen. Eta euskaldunen artean bi kategoria sortu ziren, bi klase ia: euskaldun zaharrak eta euskaldun berriak.
Gardentasunaren alde (erabili.com)
Euskara 21 oinarrizko txostenari egindako ekarpena.
Euskara irakasleak Radio Euskadin
2008, Azaroa 2 - 13:27 — benitoOrain entzun dut irratian. Radio Euskadin (ez dut entzun ez saioa, ez ordua, ez eguna) euskara irakasle pare batekin saioa egingo dute entzuleen zalantzak argitu eta ohiko erroreak zuzentzeko. EITBren webgunean ez dut informazio gehiago aurkitu oraingoz.
Euskara ikastearen sozializazioaren adibidea izan daiteke. Hori bai,espero dezagun irakasle horiek honen modukoak ez izatea.
- « lehenengoa
- ‹ aurrekoa
- 1
- 2
- 3
- 4
- 5
- 6
- 7
- 8
- 9
- hurrengoa ›
- azkena »