Sukaldeko eleketa, edo asteko sukaldar(h)itza
2012, Otsaila 21 - 17:39 — benitoBoisetik maitasun gutunak
2012, Otsaila 21 - 16:43 — benitoAstebetea joan da maiteminduen egunetik eta honez gero agian baten bati heldu zaizue maitasun deklarazioren bat "gutun honen bidez" kanaletik. AEBetako Boiseko euskara ikasleak izan dira segurutik, ez dakigu norainoko harremana nahi duten ikaskideekin, baina erantzun nahi baduzue, Euskalkultura.com-eko lotura horretan duzue bidea.
Arturo Kanpion euskaltegiak 40 urte
2012, Otsaila 21 - 16:26 — benitoBatzuek euskaltegi bat zer den Patxi Lopezek ikasteko behar dituen dirutzen berri izan arte jakin ez duten arren, euskaltegiak ez dira atzo goizekoak, ez. 40 urte Iruñeko Arturo Kanpionek adibidez.
Ikasleek zergatik nahi dute gramatika?
2012, Otsaila 21 - 16:16 — benito...hizkuntzaren parteak ikasteak arrakastaren sentipena eragiten die ikasleei, aurrera egiten ari direla sentiarazten die. Hirugarrenik, hizkuntzaren atalak ikasteak segurtasuna ematen die. Ikasleeek ia ukigarria den zerbait dute ikasteko, adibidez, astean zenbat hitz ikasi dituzten. Laugarrenik, ikasleek arau gramatikalen sortze-ahalmenean sinesten dute; arauak jakiteak adierazpenak sortzen eta ulertzen lagunduko dien ustea dute.
HABEren itzulpen saileko azkenengoan irakurri dugu: Diane Larsen-Freemanen Hizkuntza irakastea gramatikatik gramatikamera horren 21. orrialdean (Hitzurunek egin du itzulpena)
Ikasle euskaltzalea
2012, Otsaila 18 - 16:14 — benitoGehiago dira titulua eta hizkuntza eskakizunak buruan darabiltzatenak, “euskara ikasi nahi dut” esanez datozenak baino. Hala ere, era bateko edo besteko pizgarria izan buruan, ikasle euskaltzalea dugu.
Arabako Errioxako Oionen dabil Andoni, IKAk han duen euskaltegian irakasle. Hango eskualdeetan helduen euskalduntzea zertan den ikuspegi ona eman digu Argian Miel Anjel Elustondok egin dion elkarrizketaren bidez:
HABE: dokumentu biltegiko bideoak Ikasbilen
2012, Otsaila 17 - 16:22 — benitoHABEk aspaldian banatzen zituen bideo eta entzungaien bilduma batzuk VHS eta DVDn, "Dokumentu biltegia" izena zuten. VHS eta DVDak erraz galdu eta hondatu daitezke urteen joan-etorriarekin eta orain bideo haiek Ikasbilen sartzen hasiko direla iragarri dute.
Hizpide 78
2012, Otsaila 17 - 11:34 — benitoHABEk iragarri duenez Hizpide aldizkariaren 78.a kalean da dagoeneko. Edukien artean HABEren egiaztatze probak, Europako markoan sakontzeko modulua eta mintzamena lantzeko ariketak besteak beste.
ai, ai, ai EGAko azterketan GAI
2012, Otsaila 17 - 01:19 — benitoGasteizko AEK-koek bideo hau dedikatu diete gai eta ez gai guztiei.
Bideokopla lehiaketa
2012, Otsaila 15 - 00:32 — benitoAEK-k eta Bertsozale elkarteak antolatu dute lehiaketa hau. Euskara ikasleak bertsolaritzaren mundura erakartzea eta haiei euskarazko aktibitatea proposatzea dira helburuak.
Kopla batzuk egin eta bideoan grabatu baino ez da egin behar.
"Eta begiak itxi zituen" (Literatura ikasgelan)
2012, Otsaila 15 - 00:24 — benitoSantzurtziko Udal Euskaltegikoen Literatura ikasgelan proiektuaren bigarren atala dugu sarean. Oraingoan Xabier Etxaniz idazle eta euskara irakaslearen Eta begiak itxi zituen ipuina irakurtzeko eta lantzeko proposamena dator.
Hemen duzue aktibitatearen lanketarako proposamena.
- « lehenengoa
- ‹ aurrekoa
- …
- 5
- 6
- 7
- 8
- 9
- 10
- 11
- 12
- 13
- …
- hurrengoa ›
- azkena »