Batua naturaltasunez nork?
2012, Apirila 16 - 18:45 — benitoEz zait buruan sartzen berrogei urte euskara batuari eskaini dizkionak bere burua tresna bikain hori naturaltasunez erabiltzeko gai ez ikustea. Are gehiago donostiarra izanik, batua hango euskaratik askoz hurbilago baitago Barkoxe edo Urdulizkotik baino. Zer mezu zabaldu du, batua naturaltasunez erabiltzea oso zaila dela? Esatari profesionalok besterik ez genukeela horretaz arduratu behar?
Kezkatuta Euzkitze Ibon Sarasolaren adierazpen batzuen eduki eta formagatik. Euskara batuaren funtzioa eta lekua zein den zalantzan.
Euskara batuaren makurrak (Noticias de Gipuzkoa)
Zaharrak eta berriak
2011, Ekaina 27 - 14:32 — benitoEüskaldün berria egiazko eüskaldün ez lizateala, eüskaldün ez oso lizateala, eüskaraz ez beita ontsa mintzatzen, bere eüskarak haurzaroareki edo herri, güne bateki estekarik ez beitü. Ordüan bai, ikusmoldea hau balin bada, estigmatizazionea balin bada, kontüan har dezagün eüskaldün berriek indar handiak egin dütüela eüskararen ikasteko, eüskaldün zaharrek egin ez düena. Behar ere eüskaldün zaharretarik haboroena ez da gaitzeste hortan erorten.
Euskaltzain berria da Battittu Coyos ekainaren 25etik, larunbatean Maulen egin zuen sarrera-hitzaldia hain zuzen, eta euskaldun berri/zahar dikotomiaz jardun zuen besteak beste.
Bide batez, Battittu gau-eskoletan irakasle ere badabil.
Iparraldeko batua
2010, Urria 21 - 19:08 — benitoHegoaldetik batzuek galdetzen digute : «Zergatik eta zertako duzue iparraldeko batu hori ?» Erantzuna sinple zait : zuek hegoaldeko batu bat erabiltzen duzuelako, hiztegian guretzat aski urruna, ez errateko arrotza, gainera maiz erranaldietan gazteleraren pleguetara tolestua.
Iparraldeko Batua? (Le Journal)
Europako toponimia fisikoa: Euskaltzaindiaren araua
2010, Urria 4 - 15:49 — benitoEuskaltzaindiaren arau berria, Europako toponimia fisikoa, hau da, ibaiak, itsasoak, mendiak eta abarrak. Tirreniar itsasoa eta Oihan Beltza besteak beste.
Batuaren eredua zailegia?
2009, Uztaila 5 - 16:29 — benitoSoy firmante del documento 'Batasunaren Kutxa', de 1970, en el que unos pocos nos comprometíamos con la unificación de la lengua: era y es un paso indispensable. Pero las formas, en especial verbales, propuestas por filólogos (no por lingüistas), quizá buscando ser integradoras, son utópicas y complicadas. Demasiado para ser empleadas con fluidez por hablantes normales.
Euskararen egoeraz hausnarketa egin du Rotaetxe hizkuntzalariak. Bi faktorek dute eragina bere ustez oraingo egoeran: gaztelaniaren lehenentasun juridiko-administratiboa, eta, euskara estandarraren "diseinua". Forma batzuk zailak eta utopikoak bere ustez.
El Correon publikatu du artikulua: Políticas lingüísticas.
Eskerrik asko Rikardo.
Administrazio hizkuntzaren itzala
2009, Apirila 23 - 18:57 — benito...administrazioko hizkeraren itzala oso-oso luzea da gure hizkuntzan; hedadura handiko hizkuntzetan ez bezalakoa. Proportzionalki, administrazioko hizkerak euskaraz idatzitakoaren ehuneneko izugarria betetzen du, eta, ezin bestez, euskal administrazioko hizkeraren hedadura sozialak esparru handiak hartzen ditu
Anduk Hitz Bestera ekarri digu lehengo egunean Bilbon Eremu urriko hizkuntzen Europako gutunari buruzko kongresuan eman zuen hitzaldia: Lorpenak eta desafioak, hizkuntzaren baitatik
Hitzaldia ez nuen entzun, baina testua irakurrita lastima izan da benetan. Aukeratu dudan pasartea ez da adierazgarriena gainera. Euskara bezalako hizkuntza bateko idazlearen zer eginak, konpromisoak eta bilakaera jorratu ditu Anduk polito eta original. Osorik irakurtzea gomendatzen dizuet.
Destete
2009, Urtarrila 9 - 01:22 — benitoAsier Sarasuak euskaraz sortzen ari diren adizki berri batzuk zerrendatu ditu.
Lekuan-lekuan
2008, Abendua 23 - 19:07 — benitoAzken urteotan obsesionatu egin gara euskara batua aurrera ateratzeko nahi horrekin, eta ez ditugu bereizi eremu euskaldunak eta eremu erdaldunak. Berdin jokatu dugu Tuteran edo Leitzan. Horretan aldakuntza bat egin behar dugu.
Euskaltzaindia: arau-erabaki berriak
2008, Abendua 4 - 13:17 — benitoHauek dira:
- 152 Hiztegi Batua: F letra
- 153 Hiztegi Batua: G letra
- 154 Europako eskualde historiko-politiko nagusiak
- 155 Nafarroako udal izendegia
AEB zerbitzuaren bidez.