EITBren albisteak irakurtzen dizkizun makina
2012, Urtarrila 16 - 19:35 — benitoAspaldian dago hor agian, baina ni gaur konturatu naiz, Eitb.com atariko albisteetan, albiste idatzietan, testua entzuteko aukera ere badagoela. "Orria entzun" loturan klikatzen bada, ahots sintetizatzaile batek irakurriko dizu testua, irakurtzen dituen pasarteen kolorea nabarmentzen den bitartean (karaokearen antzera).
Boteprontoan uste dut ikasten ari direnentzat lagungarria izan daitekeela testu idatziaren ahozko ispilu hori. Aplikazio zehatzagorik ere izan dezake agian.
Audiria: entzumena lantzeko ataria
2011, Martxoa 9 - 18:52 — benitoVia EcLecTIC ezagutu dugu Audiria atari hau. Gaztelania ikasten ari denarentzat entzutezkoaren ulermena lantzeko entzungaiak eta bideoak eskaintzen dituzte, eta haiekin batera transkripzioak eta ariketak.
Etxegiroan.com: testuak ahoz grabatzeko zerbitzua
2010, Martxoa 24 - 16:48 — benitoTestu idatzi bat nahi zenuke entzuteko moduan eduki? Musikatua gainera? Klaserako zein beste hainbat gauzetarako interesgarria izango litzateke, ezta?
Ba etxegiroan.com-ek eskaintzen dizu hori: ipuinak, narrazio laburrak, olerkiak... Bidali eta ahozko narrazio profesionala edukiko duzu musikak lagunduta. Lagin batzuk dituzue bertan, ez dut prezioen berririk aurkitu webgunean, zuzenean kontsultatu behar da dirudienez.
Eskerrik asko Goio.
LdeLengua 27
2009, Azaroa 26 - 20:41 — benito27. biderrez gomendatuko dugu podcast hau. Oraingoan besteak beste Competencia estratégica para la comprensión auditiva en español como lengua extranjera lanaren harira gauza interesgarriak entzun daitezke entzutezkoaren ulermenaren lanketaz.
Horrez gain atal berria zabaldu dute blogean, tutorialen bilduma. tresna telematiko batzuen inguruko screencast edo bideo-tutorial batzuekin hasi dira.
Ahozkoaren ulermena: wikia
2009, Maiatza 28 - 23:07 — benitoTres Tizaseko Carlos Díezek ahozkoaren ulermena ebaluatzeko gaztelaniazko ariketen bilduma egiten dabil Comprensión oral wikian. Sarean aurkitu dituen bideoak eta Hot Potatoes erabili du.
Berak aitortu duen bezala, ez dira oso aurrerakoiak ikuspegi didaktikotik, baina era guztietako probak egin ditu eta seguru ideia falta ibiltzen garen trebetasun honetarako zerbait ekarri ahal digula.
Hamaika telebista
2009, Otsaila 23 - 13:49 — benitoHamaika telebista lokalen sarea emititzen hasi da. Interneten ere bideoak jarri ditu eskuragai.Ongi etorri bada.
Bideoak berton ikusi ahal dira, baina ez dute ematen enbotatzeko edo jaisteko aukerarik. Horrek ez du esan nahi aukerarik egon ez dagoenik:
Vladi's podcast: entzungaien bilduma
2008, Azaroa 25 - 18:10 — benitoDingilizka21en bidez podcast hau aurkitu dugu. Euskara ikasteko entzungaien bilduma dirudi. irudiekin apainduta.
Hemen daukazue bat:
Radiokultura.com: euskara ikastaroa
2008, Urria 28 - 19:48 — benitoIparraldeko Radiokultura.com irrati elebidun digitalak eduki aukera polita jarri du entzuleen esku: blog-podcasta, erreportaiak eta goian aipatu dugun euskara ikastaro hori.
Beak eman zigun honen berri Euskara Irakasleak-en.
Belarri ona, hizkuntzak hobeto ikasi
2008, Urria 15 - 17:39 — benitoEl Paisen agertu da albistea, eta hau azken ondorioa:
Según los investigadores, la capacidad individual para distinguir los fonemas específicos del habla, tanto en el caso de la propia lengua como de otras, es un factor decisivo en el aprendizaje y capacidad para hablar y dominar otros idiomas.
Del.icio.us-en eta Rikardoren bidez.
Entzutezkoaren ulermena lantzeko baliabideak (gazt.)
2008, Martxoa 13 - 17:46 — benitoCuaderno Intercultural-en beste bilduma bat.