Ele2tor: zenbatu ezagutzen dituzun hitzak
2011, Urria 10 - 00:31 — benito
Euskaraz eta erdaraz zenbat hitz ezagutzen ditugun kalkulatzeko tresna sortu du Erramun Turutarenak. Steve Pinkerren arau baten oinarrituta Elhuyar hiztegiaren corpusaren gainean eraiki da ezagutza kalkulatzeko edo, besterik gabe, hitzekin jolasteko tresna hau.
Informazio gehiago Turutenen: Ele2tor: Ezagutu zure hitz datu-basea
Gazteek badakite euskaraz?
2011, Martxoa 2 - 13:55 — benitoGazte gehienek euskaraz dakitela diote: % 71k ongi edo nahiko ongi ulertzen dutela baieztatzen dute; % 69k euskaraz idatzitako testuak ongi edo nahiko ongi irakurtzeko gai direla esaten dute; % 63k euskaraz ondo edo nahiko ondo idatz dezaketela; eta, azkenik, % 59ren hitzetan, euskaraz ongi edo nahiko ongi mintzatzen dira. Edonola ere, gazteen % 62k hizkuntza-gaitasun handiagoa dute (erraztasun handiagoz hitz egiten dute) gaztelaniaz euskaraz baino.
Gainera, gazteen % 38k diote euskara ikasi dutela eskolaren esparrutik kanpo...
Gazteen Euskal Behatokiak Euskal Jaurlaritzaren Euskara: erabilera, jarrerak, politikak azterlanerako datuetatik 15 eta 29 urte bitarteko EAEko gazteei dagozkienak jaso ditu eta emaitzen artean goiko hori dugu besteak beste.
Helduen euskalduntzearen geroaz hausnartzeko datua izan liteke beharbada.
Erabili.com-en ikusia:EAEko gazteen %70en ama hizkuntza gaztelania da
Inkestak eta euskara
2011, Otsaila 3 - 19:16 — benitoEn definitiva, de esas encuestas por vía telefónica no se concluye cuántos conocen y usan el vascuence, sino cuántos dicen conocerlo y usarlo. No informan de cuántos quieren aprenderlo, sino de cuántos manifiestan querer aprenderlo. (Y tampoco informan, claro está, de qué proporción de encuestados desearían más otros aprendizajes o antepondrían otras necesidades tenidas por más acuciantes o debidas, sencillamente porque eso no se pregunta). Digamos que esas encuestas valen tanto como valdrían las notas académicas de los alumnos si dejáramos que se calificaran a sí mismos.
Euskararen ezagutzari buruzko inkestetako emaitzen fidagarritasuna kolokan jarri du Artetak El Correon: Falsas encuestas, falsas conciencias.
Artikuluak tonu erasotzaile darabil euskararekin, euskararen iruzurraren ideia saltzen dator. Pentsatzeko moduko kontu batzuk egon daitezke hor hala ere.
Euskaraz sozializatzea
2010, Abendua 7 - 10:46 — benitoEuskalduna euskaraz sozializatzen den gizaki bat da. Eta euskaraz bizi ez dena ez da euskalduna. Bizitza euskaldunak egiten gaitu euskaldun, ez sentimendu zehatz batek.
Ezaguera eta prezio politikoa
2010, Abendua 1 - 12:44 — benitoEzaguera maila minimotik behera, ezinezkoa dela euskarak beharrezko maila lortzea. Alegia, erdaldun elebakarren maila jaitsi behar dela, derrigorrez. Eta horrek prezio politikoa duela.
Euskararen egoeraz (Gara)
Via Argia.
Bob Belakiren harira
2010, Urria 29 - 15:00 — benito¿La nueva generación consume menos televisión en Euskera que la anterior lo que puede frenar su aprendizaje en esta lengua?
Patxi Lópezi egin zion galdera azaltzearekin telebista, gazteak eta euskararen gaineko gogoeta plazaratu du El Agorante Aberrantek: Mi pregunta al Lehendakari
Via: @robergutierrez
Datuak
2010, Otsaila 24 - 18:11 — benitoLehen hizkuntza gaztelania izan dutenak soilik hartuta, horien artean egun euskara ongi dakitenak %20 dira eta euskara zertxobait hitz egiteko gai direnak %28.
Siadecok burutu zuen inkesta hau Gipuzkoako Foru Aldundiak eskatuta. Txosten honetan (PDF, 1,2 MB) daukazue osorik.
Via: Gipuzkoaeuskara.net
"Knowing knowledge" gaztelaniaz
2010, Urtarrila 31 - 21:48 — benitoAzken urteotan zer esana eman du konektibismoa izeneko teoriak, ikaskuntzaren teoria edo ikuspegi berria nonbait. George Siemens eta Stephen Downes ditugu teoriaren "guruak", eta lehenengoaren "Knowing knowledge" liburua "testu sakratua".
Edonola ere, teknologiak ekarri dituen berrikuntzetatik abiatuta, gaur egun ikaskuntza eta ezagutza nondik nora doazen hausnartzeko testu komenigarria, eta orain Nodos Elekoek gaztelaniara itzulita daukagu sarean.
Badakizu euskaraz?
2010, Urtarrila 7 - 20:25 — benito
Kalean egindako inkesta hau aurkitu dugu Youtuben. "Badakizu euskaraz?", "Norekin egiten duzu?", "Lanerako eskatu dizute?". Hiru pertsonak sinatu dute (Iraitz Madariaga, Irati Moreno eta Usoa Mediavilla), baina ez dakit norako edo nongoa den kazetaritza ikasleak direla ematen du.
Ohiko galderak izan arren, beti da interesgarria jendeari entzutea, ezta?Eta lana ondo eginda badago, gehiago. Zorionak egileei beraz.
Oximorona ala lapsusa?
2009, Apirila 27 - 16:01 — benito
Aldi berean elebidun eta elebakarra izan ote daitekeen elukubratzen hasi beharrean, hobe IV. Mapa Soziolinguistikoari kuku bat egiten badiogu (hemen pedefea). Eta ez horrelako "gazapoak" topatzeko soilik.
RSS - ezagutza