Nire lehen koadernoa: euskara bakarka lantzeko bilduma
2011, Martxoa 31 - 18:18 — benitoHipialtza izeneko blogean ikusi dut txertatuta Durangoko Berritzegunetik datorren koaderno hau. Eskolako edukiak etxean edo bakarka lantzeko bilduma da, eskolako ikuspegitik, baina heldu askori ere baliagarri izan dakieke.
Bertsolaritzaren inguruko unitate didaktikoa
2011, Martxoa 25 - 14:02 — benitoBihar da berandu blogean Gorka Azkaratek Jon Eizmendi irakasleak DBHrako prestatu duen unitate didaktikoaren berri eman eta eskura jarri digu. Inguru erdaldunetako gazteak euskal kulturara hurbiltzea du asmo nagusietako bat, eta DBHko ikasleentzat eginda dagoen neurrian, euskara ikasten duten helduentzat ere baliagarriak izan daitezke planteamenduak eta ideiak.
Ari-arika, ezpainetan hika! unitate didaktikoa
2011, Martxoa 23 - 19:21 — benitoZumaiako Udalaren ekimenez, Mintzola fundazioak umeekin hitanoa lantzeko unitate didaktikoak prestatu eta sarean jarri ditu.
Ahotsak.com-en bidez.
Euskal interjekzioak
2011, Otsaila 27 - 16:16 — benitoBarakaldoko Hizkuntza Eskolaren bueltan hainbat blog dabiltza aspaldian euskara ikasleei begira jarrita. Dizngilizka B2 da haietako bat, eta eurentzat ez ezik, guztientzat baliagarriak izaten diren ideiak eta materialak jartzen dituzte eskura, interjekzioen zerrenda hau bezala.
Korrikaren unitate didaktikoa
2011, Otsaila 24 - 11:51 — benitoIkastolen Konfederazioak unitate didaktikoak prestatu ditu eskola eta ikastoletan Korrika 17ren bueltan jarduteko. Unitateen materiala sarean dago eskuragai, Megaupload zerbitzuan hain zuzen ere.
Moodle: unitate didaktikoa sortu
2011, Otsaila 16 - 18:43 — benitoPedro Lonbidek Moodle-en osaketa funtzio berria azaltzen hasi zitzaigun lehengoan. Orain funtzio hori erabiliz unitate didaktiko bat zelan antolatu daitekeen erakutsi digu.
A2n ahozko jarduerak garatzeko materialak
2011, Urtarrila 21 - 13:46 — benitoSanturtziko UEko Pilar Montoyak A2 ikastaro batean ahozko jarduerak garatzeko materialgintza programa bat garatzen ari da, eta blog honetan guztiokin partekatzen ere bai.
Eskerrik asko guztiokin konpartitzeagatik, Pilar.
Ikastolen material berria
2010, Abendua 19 - 16:01 — benitoIkastolen Elkarteak Sustatun iragarri ditu material berriak: Zotropo ipuinak eta DVDak, Gorputz-atalak eta urtaroak lantzeko horma-irudiak, eta Matraka eta Baga, Biga, Xagu eta Xiga jolasak.
Ikastola.net helbidean duzue informazio gehiago.
Guretzako ere baliagarriak izan daitezke, batez ere eskolan umeak dituzten gurasoekin.
Zer da materiala?
2010, Azaroa 21 - 00:15 — benito...material es cualquier cosa que traspasa la puerta del aula
Fernando Trujillok Comillasetik beste kronika bat ekarri digu: Encuentros (ELE) Comillas: enfoques metodológicos en los materiales de ELE (De Estranjis)
Ernesto Martín Peris eta Sonsoles Fernández aritu dira gaur, eta lehenengoari hartu dizkio goiko hitzak.
Hizkuntzaren Erabilera Makurrak Eta Erdarakadak
2010, Azaroa 17 - 23:10 — benitoScribd-en dago dokumentu hau. Larrauri Mendotxe bidean blogean aurkitu dugu haren erreferentzia.