Euskaltzaindiaren arau berriak: Afrikako leku-izenak
2012, Iraila 7 - 14:57 — benitoUda amaitu da baina mundua ezagutzeko gogoa ez Bilboko Plaza Barrian. Saharaz hegoaldeko leku-izenak eta Afrika kolonialeko izenak arautu ditu akademiak arau bitan.
Idazlanetan-eta zuzentzen gozatzeko motibo gehiago lagunok.
Euskaltzaindiaren arau berria: Euskal Herriko ibaiak
2012, Apirila 9 - 12:07 — benitoMapetako izenak normaltzen eta estandarizatzen jarraitzen dute Euskaltzaindiakoek. Oraingoan ibaien txanda izan da. 166. arau agertu berriak Euskal Herriko ibai nagusiak euskara "ofizialean" izendatzeko gomendioak ditugu ohiko pdf dotorean.
Euskaltzaindiaren kulpak
2012, Martxoa 19 - 12:16 — benitoGoierriko Hitzan bekario marimaisu ponpoxo batek “profitatu”, “denaz bezanbatean”, “bortxaz”, “preseski” eta horrelakoak idaztea. Zer kulpa (“kulpa” Hiztegi Batuan badago, markarik gabe) dute Euskaltzaindikoek, herri puta hontan jendeak hizkuntza zentzuz erabiltzen ez badaki!
Euskarak (h)amorratzen nau artikulua bota zuen lehengo egunean Iñakito Garay-k Zuzeun, umorez Euskaltzaindiaren arauak eta gomendioak motibo. Haien zailtasuna, egokitasuna, zuzentasuna, arrazoia eta logikaren inguruan pertzepzio asko dabiltza, ez onak jeneralean, eta ez dakit beti justuak ote diren.
Edozelan ere eztabaida sortu da mezuaren harira, hainbat gauza interesgarri daude iruzkinetan (mezuaren egilearen asmoa horiek aplazaratzea izan del susmatzen dut), eta nik neuk -ez galdetu zergatik- erantzunetan bota direnen artean goiko hitz horiek aukeratu ditut zer pentsatua/esana emateko.
Denok hizkuntzalari
2011, Otsaila 28 - 16:57 — benitoEta hirugarren mailako arazoa ere badago, partikularra, alegia: gutako bakoitza hizkuntzalari bat da, eta bakoitzak nahi duen moduan hartzen du erabakia puntuazio kontuetan. Baina adostasunezko kode hori gabe komunikazioa izorratu egiten da.
Puntuazioari buruz emango du ikastaroa Juan Garziak, eta horren hariria elkarrizketa egin diote Diario Vascokoek: «Puntuazio-markak bideko seinaleak bezalakoak dira»
EGArenak
2011, Otsaila 20 - 03:52 — benitoHurrena, kazetariak zirikatu zuen elkarrizketatua ea Teknologiak ez nau deitzen esapidea zuzena den, erdarakada den. Irakasle xaloak erantzun zion azkenaldian deitu aditza nor-nori-nork jokatzen dela.
Itzali egin behar izan nuen irratia, dena lauso ikusten hasia bainintzen.
Irratian EGA azterketaz irakasle batenak entzun eta EGArenak (Idazkolako takatekoak)
Eta Euskaltzaindiak zer dio?
2011, Otsaila 5 - 03:57 — benitoEuskaltzaindia saiatzen da goitik beherako aldaketa handirik ez egiten, kontuan hartuta, hain zuzen, gure ikasle maite-maiteak eta jendea oso diziplinatua izaten dela Euskaltzaindiarekiko. Baina jendeak ulertu behar du Euskaltzaindiak sarritan ikusten duela bere burua zuzendu beharrean, konturatzen baita garai batean esandakoak ez duela balio, garai horretan euskarazko arlo hori ez zegoelako eta gaur egun bai.
Elkarrizketa egin diote euskaltzainburuari Aizu!-koek: “Korrika da euskaldunok bizirik gauden seinale”.
"Euskaltzaindiaren lana da arauak ematea, baina euskara ikasleek gorroto dituzte... Zer esango zenieke?" galderaren erantzunaren parte dira goiko berba horiek.
Europako toponimia fisikoa: Euskaltzaindiaren araua
2010, Urria 4 - 15:49 — benitoEuskaltzaindiaren arau berria, Europako toponimia fisikoa, hau da, ibaiak, itsasoak, mendiak eta abarrak. Tirreniar itsasoa eta Oihan Beltza besteak beste.
Euskaltzaindia: AEB zerbitzuan arau berriak
2010, Maiatza 5 - 18:07 — benitoEguneraketa egon da Euskaltzaindiaren AEB zerbitzuan, Hiztegi Batuko H eta L letretan hain zuzen ere.
Euskaltzaindiaren arau-erabakien multzo berria
2010, Urtarrila 14 - 15:48 — benitoAspaldian daude batzuk iragarrita, baina aste honetan zabaldu dira e-AEB zerbituzaren bitarteaz.
- Hiztegi Batuan, E letran oharrak gehitu dira.
- Euskal Onomastikaren Datutegia eguneratu da.
- 156, 157 eta 158. arauak gehitu dira.
- JAGONET kontsulta zerbitzuko edukia eguneratu da.
Kanpoko leku-izenak ahoskatzeko gomendioak
2009, Abendua 17 - 12:11 — benitoEuskaltzaindiak kanpo-izenak ahoskatzeko gomendioak plazaratu ditu. Gomendioak gomendio direla gogoratuta hona adibide batzuk:
- Zurich: <tzurij> ("tz" hasieran eta euskalki batzuetako edo gaztelaniazko "J" bezala amaieran)
- Yorkshire: <jorkxair> ("j" hori "y" bezala ahoskatuta)
- Hamburg: <hamburg> (Iparraldean "h" ahoskatzen den bezala, bestela Hegoaldean gaztelaniazko "j" hori ahoskatzeko aukera ematen da)
- Tübingen: "ü" hori zubereraz ahoskatzen den bezala. Bestela ü hori ahoskatzeko zailtasunak dituztenentzat "tibingen" edo "tubingen" alternatibak ematen ditu.