ETBn ikusi dugu albistea. New Yorken Northeast Conference on the Teaching of Foreign Languages konferentzian aurkeztu dute film hau. Euskal artzainen bizitza eta bizimodua du kontakizun, eta kongresu horretan ikasmaterial modura erabiltzea proposatu omen dute. Hizkuntzak ikastea sistema bat menderatzea baino gehiago dela adierazten digu Tim Kahn egileak. kulturartekotasuna, aniztasuna, mundua ulertzeko erak, hizkuntzen atzetik dagoen hori guztia.

Dokumentalak arrakasta izan duela dirudi. NABOren webgunean dago eskuragai.

Lehengo egunean AEBetako NABOtik (bertako euskal erakundeen elkartea) euskara irakasleen eskaria etorri zen. NABOko euskara koordinatzaile Izaskun Kortazar aurkitu dugu gaur bideo honetan AEBetan euskara klaseen panoramaren, asmoen eta beharren berri ematen.

Euskarazko bertsioa da hau, ingelesezko eta gaztelaniazko bertsioak ere aurkitu ditugu Youtubeko euskalkultura kanalean.

Honela irakurri dugu EuskoSaren. Ipar Amerikako Euskal Erakundeek (NABO)  10 irakasle birtual eskatzen dituzte.

404gela blogean ikus litekeen bideo honetan, AEBn argitaratu duten hasiberrientzako euskara gida baten berri ematen digute. Oso deigarria egin zait argitaletxearen zuzendariak dioena: "frogatuta dago hizkuntza bat baino gehiago hitz egiten dutenak, bakarra dakitenak baino luzaroago bizi izaten direla". Bejondeiola!